MARK 5:35 - Edisana ñwed Abasi Ibom

³⁵ Nte Enye osuk etiŋde ikɔ, owo eto ke ufɔk ɔbɔŋ synagogue edidɔhɔ ete, Eyenaŋwan fo ama akpa: nsinam afo osuk afinade Andikpep?

MARK 5:35 ပူးပေါင်းရင်းမြစ်များ

MATTHEW 26:10

Edi Jesus ɔfiɔk, onyuŋ ɔdɔhɔ mmɔ ete, Nsinam mbufo efinade ŋwan emi? koro enye akanam eti utom ke idem Mi.

MATTHEW 26:18

Ndien Enye ɔdɔhɔ mmɔ ete, Eduk ke obio, etiene owo ntem, enyuŋ edɔhɔ enye ete, andikpep ete, Ini Mi ke ekpere; mmɔŋ nnim passover ke ufɔk fo ye mbet Mi.

MATTHEW 9:18

Nte Enye etetiŋ ntem ye mmɔ, sese, ɔbɔŋ kiet edi edituak ibuot ɔnɔ Enye ete, Eyen mi aŋwan ama akpa kpa idem idahaemi; edi di didori enye ubɔk, ndien enye eyedu uwem.

MARK 10:17

Ekem nte Jesus ɔwɔrɔde oduk usuŋ, owo kiet efehe etiene Enye, ɔtɔŋɔ edɔŋ ɔnɔ Enye, onyuŋ obup Enye ete, Eti Andikpep, ndinam nso man nnyene nsinsi uwem?

MARK 5:22

Ndien ɔbɔŋ synagogue kiet, emi ekerede Jairus, edi; ndien ke ini enye okutde Jesus,

LUKE 8:49

Nte Enye osuk etiŋde ikɔ, owo oto ufɔk ɔbɔŋ synagogue edi edidɔhɔ ete, Eyen fo ama akpa; kufina aba Andikpep.

JOHN 11:21

Ndien Martha ɔdɔhɔ Jesus ete, Ɔbɔŋ, edieke Afo okpodude mi, eyen-eka mi ikpakpaha.

JOHN 11:25

Jesus ɔdɔhɔ enye ete, Ami ndi eriset ye uwem: owo eke ɔbuɔtde idem ye Ami, okposuk edi nte enye ama akpa, enye eyedu uwem:

JOHN 11:28

Ndien ke ama ɔkɔdɔhɔ ntem, enye adaha okokot Mary eyen-eka esie ke ndibe, ete, Andikpep mmɔmi, Enye ke onyuŋ okot fi ete edi.

JOHN 11:32

Ke adaŋemi Mary osimde ebiet oro Jesus odude,onyuŋ okutde enye, ɔduɔ Enye ke ukot, ete Enye, Ɔbɔŋ, edieke Afo okpodude mi, eyen-eka mi ikpakpaha.

JOHN 11:39

Jesus ɔnɔ uyo ete, Ekpat itiat esio. Martha, eyen-eka akpa-mkpa, ete Jesus, Ɔbɔŋ, ke emi okpo ke etebe, koro enye akakpa osim usen inaŋ.

JOHN 5:25

Ke akpanikɔ ke ndɔhɔ mbufo, Ini ke edi, onyuŋ ededi ama, eke mme akpa-mkpa edikopde uyo Eyen Abasi, ndien mmɔ emi ekopde eyedu uwem.