MARK 5:29 - Edisana ñwed Abasi Ibom

²⁹ Ndien idaha oro eriwɔrɔ iyip ekpehe enye; enye onyuŋ okop ke idem esie ete ema enam udɔŋɔ okure imɔ.

MARK 5:29 ပူးပေါင်းရင်းမြစ်များ

1 NDIDEM 8:37

Ke ini akaŋ edidude ke isɔŋ, ke idiɔk udɔŋɔ edidude, ke ikaŋ ekpo, mme mfut, mme ŋkukuŋkpɔyɔriyɔ eke atade edidude; ke ini mme asua mmɔ edikande mmɔ ekuk ke isɔŋ obio mmɔ; ufen ekededi,

ŊWED MME PSALM 103:3

emi efende kpukpru mme ukwaŋ-ŋkpɔ fo, onyuŋ ɔkɔkde kpukpru mme udɔŋɔ fo;

ŊWED MME PSALM 107:20

onyuŋ anam udɔŋɔ okure mmɔ, ndien ayak mmɔ ebɔhɔ mme nsobo mmɔ.

ŊWED MME PSALM 147:3

Edi enye ɔkɔk mmɔ eke esit mmɔ anuahade, onyuŋ ofuk mmɔ unan.

ŊWED MME PSALM 30:2

O Jehovah, Abasi mi, ŋkeseme nnɔ fi, ndien afo anam udɔŋɔ okure mi.

EXODUS 15:26

onyuŋ ɔdɔhɔ ete, edieke afo editimde okop uyo Jehovah Abasi fo, onyuŋ anamde se inende enye ke enyin, onyuŋ akpaŋde utɔŋ ɔnɔ mbet esie, onyuŋ onimde kpukpru ewuhɔ esie, ndidaha baba udɔŋɔ kiet emi ŋkanamde etiene Egypt, ntiene fi: koro edi ami Jehovah nnam udɔŋɔ okure fi.

LEVITICUS 14:48

Ekem oku ama oduk edise, ndien, sese, edieke udɔŋɔ oro mitarake ke ufɔk, ke ema eketop ufɔk ema: ndien yak oku onim ufɔk oro ke edisana: koro udɔŋɔ omokure:

LEVITICUS 20:18

Ndien edieke owo okotde ŋwan eke odude ke esien, onyuŋ ɔfuhɔrede enye iferi, enye amayarare idim esie, ŋwan ɔmɔnyuŋ ɔfuhɔre idim iyip esiemɔ: ndien yak esibe mmɔ mbiba ke otu mbio-obio mmɔ efep.

MATTHEW 9:20

Ndien sese, ŋwan kiet, emi ɔkɔdɔŋɔdɔ eriwɔrɔ-iyip isua duop-eba, etiene Jesus ke edem edituk nnyeriye ɔfɔŋidem Esie:

MARK 3:10

koro Enye ama akanam udɔŋɔ okure ediwak owo, tutu kpukpru mmɔ emi enyenede udɔŋɔ ebere Enye man etuk Enye.

MARK 5:28

Koro enye ɔdɔhɔde ete, Mmaŋkam ntuk ekpedi ɔfɔŋidem Esie, nyekop nsɔŋidem.

MARK 5:34

Edi Jesus ɔdɔhɔ enye ete, Eyen-aŋwan, mbuɔtidem fo akanam fi okop nsɔŋidem; nyɔŋ ke oduk ke emem, nyuŋ bɔhɔ idiɔk udɔŋɔ fo.

LUKE 7:21

Ke ini oro Jesus anam udɔŋɔ ye ubiak ye ndiɔi spirit ekure ediwak owo; onyuŋ anam ediwak nnan ekut usuŋ.