MARK 4:17 - Edisana ñwed Abasi Ibom

¹⁷ edi mmɔ inyeneke oruŋ ke idemmɔ, edi ebigi ke ini esisit; ndien ke ini ukut mme isin-enyin otibede kabaŋa ikɔ idaha oro eduɔ.

MARK 4:17 ပူးပေါင်းရင်းမြစ်များ

ŊWED JOB 19:28

Koro mbufo edɔhɔde ete, Nnyin idinam didie ikɔbɔ enye? enyuŋ (edɔhɔ, ete ke) ekut mi ntak ikɔ ke idem;

MATTHEW 11:6

Ndien ɔfɔfɔn ye owo ekededi eke midikwe ntak iduɔ ye Ami.

MATTHEW 12:31

Mmɔdo ndɔhɔ mbufo nte, Eyefen mme owo kpukpru idiɔk-ŋkpɔ ye ikɔ isuŋi; edi ikɔ isuŋi eke owo etiŋde adian Edisana Spirit, idifenke enye.

MATTHEW 13:21

edi enye inyeneke oruŋ ke idem esie; ntre ke enye ebigi ke ini esisit; edi ke adaŋemi ukut mme isin-enyin otibede ke ntak ikɔ oro, idaha oro enye ɔduɔ.

MARK 4:16

Kpasuk ntre emi edi mmɔ emi mkpasip eduɔŋɔde ke isɔŋ itiat, ke adaŋemi mmɔ ekokopde ikɔ, mmɔ ebɔ kpa idaha oro ye idaresit;

MARK 4:18

Mmɔ efen edi mmɔ emi mkpasip eduɔŋɔde ke ufɔt ŋkukim; emi edi mmɔ emi ekokopde ikɔ, ndien ekikere ŋkpɔ eyo emi,

LUKE 12:10

Ndien kpukpru owo eke editiŋde ikɔ adian Eyen Owo, eyefen enye: edi owo eke editiŋde ikɔ-isuŋi adian Edisana Spirit, idifenke enye.

JOHN 8:31

Ntre ke Jesus ɔdɔhɔ mme Jew oro enimde Enye ke akpanikɔ ete, Edieke mbufo esɔŋɔde eda ke ikɔ Mi, mbufo edi mbet Mi ke akpanikɔ:

ŊWED MBON GALATIA 6:12

Mmɔ emi eyomde ŋwut-idem ke obukidem eŋwaŋwana ndinyik mbufo ena mbobi; mmɔ enam mbak edisin mmɔ enyin ebaŋa cross Christ.

2 ŊWED TIMOTHY 1:15

Ɔmɔfiɔk emi, ete kpukpru mmɔ emi edude ke Asia ema ewɔŋɔre ekpɔŋ mi; Phygelus ye Hermogenes enyuŋ edu ke otu mmɔ.

2 ŊWED TIMOTHY 4:10

Koro Demas ɔmɔkpɔŋ mi, sia enye amade eyo emi odude ke emi, adaha ɔnyɔŋ ke Thessalonica; Crescens aka Galatia, Titus onyuŋ aka Dalmatia.

2 ŊWED TIMOTHY 4:16

Akpa ini emi ndade ke itie-ikpe nnyaŋa idem, baba owo kiet idaha mi ke ŋkaŋ, kpukpru owo ema edianare enyɔŋɔ ekpɔŋ mi; Abasi okukam ada oro ekpe ikpe ye mmɔ.

MME HEBREW 10:29

mbufo ese ndien ete edibiere ufen ɔsɔŋ adaŋa didie akan enɔ owo, eke edigide Eyen Abasi ke ikpat, onyuŋ abatde iyip ediomi, emi edade enam enye asana, ke ŋkpɔ ndek, onyuŋ esuenede Spirit mfɔn?

1 JOHN 2:19

Mmɔ eto ke otu nnyin ewɔŋɔ, edi mmɔ idige eke nnyin; koro edieke mmɔ ekpedide eke nnyin, mmɔ ekpemana etie ye nnyin; edi mmɔ edaha ewɔŋɔ, man eyarare efiɔk ete, kpukpru mmɔ idige eke nnyin.

ERIYARARE 2:10

Kunyene ndik ubaŋa ukut eke ɔmɔŋ edisim fi. Sese, Satan ɔmɔŋ edisin ndusuk mbufo ke ufɔk-ŋkpɔkɔbi, man edomo mbufo ese, ndien mbufo eyekut ukut ke usen duop. Wut idem nte anam-akpanikɔ tutu osim mkpa, ndien nyenɔ fi anyanya uwem.

ERIYARARE 2:13

Mmɔfiɔk ebiet eke oduŋde do; kpa ebiet eke ebekpo Satan ɔdiɔhɔde; ndien ɔmɔsɔŋɔ omum enyiŋ Mi akama, ukonyuŋ ukaŋke mbuɔtidem Mi, kpa ke mme usen ntiense Mi Antipas, owo akpanikɔ Mi, emi ekowotde ke otu mbufo, ke ebiet oro Satan oduŋde.