MARK 4:11 - Edisana ñwed Abasi Ibom

¹¹ Ndien Enye ɔdɔhɔ mmɔ ete, Eyak ndibe ŋkpɔ Obio Ubɔŋ Abasi enɔ mbufo; edi mmɔ emi edude ke edem, kpukpru ŋkpɔ ke esine ke ŋke esim mmɔ;

MARK 4:11 ပူးပေါင်းရင်းမြစ်များ

MATTHEW 11:25

Ke ini oro Jesus ɔbɔrɔ ete, Mmɔkɔm Fi, O Ete, Ɔbɔn enyɔŋ ye isɔŋ, koro Afo okodipde mbon eti ibuot ye mme asian mme ŋkpɔ emi, onyuŋ ayararede mmɔ ɔnɔ nsek nditɔ.

MATTHEW 13:16

Edi ɔfɔfɔn ɔnɔ enyin mbufo, koro mmɔ ekutde ŋkpɔ; onyuŋ ɔfɔfɔn ɔnɔ utɔŋ mbufo, koro mmɔ ekopde ikɔ.

MATTHEW 16:17

Jesus ɔbɔrɔ enye ete, Ɔfɔfɔn ɔnɔ fi Simon eyen Jonah, koro midige obuk ye iyip akayarare ŋkpɔ emi ɔnɔ fi, edi edi Ete Mi emi odude ke Heaven.

MARK 3:23

Ndien Enye okot mmɔ onyuŋ otop ŋke ɔnɔ mmɔ ete, Satan ekeme didie ndibin mme demon nduɔk?

MARK 4:10

Ekem ke adaŋemi Enye odude ke Idem Esie, mmɔ emi edude ye Enye ye mbet duopeba ebup Enye ebaŋa mme ŋke oro

MARK 4:2

Ndien Enye ekpep mmɔ ediwak ŋkpɔ ke ŋke, onyuŋ ɔdɔhɔ mmɔ ke erikpep Esie ete, Ekpaŋ utɔŋ.

LUKE 8:10

Ndien Enye ete, Eyak enɔ mbufo ndifiɔk ndibe ŋkpɔ Obio Ubɔŋ Abasi, edi enɔ mmɔ eken ndifiɔk ke ŋke, man ke erise, mmɔ ekukut ŋkpɔ, ye ke erikop, mmɔ ekunyuŋ efiɔk.

1 ŊWED CORINTH 4:7

Koro anie anam fi ɔkpuhɔre ye owo eŋwen? Nso ŋkpɔ ke onyuŋ enyene eke mukɔbɔhɔ bɔ? Ndien edieke ɔkɔbɔde bɔ, nsinam oburede mbure nte ŋkpɔ eke mukɔbɔhɔ.

2 ŊWED CORINTH 4:6

Sia edide Abasi, emi ɔkɔnɔde uyo ete, Yak uŋwana ayama ke ekim, akayama nnyin ke esit, man Enye aŋwaŋare owo enyin ndifiɔk ubɔŋ Abasi ke iso Jesus Christ.

ŊWED MBON EPHESUS 1:9

ke erinɔ nnyin kpukpru ɔniɔŋ ye asian, onyuŋ anam nnyin ifiɔk ŋkpɔ eke okodibede ke esit Esie, kpa nte enemde Enye esit ndiduak ke Christ;

ŊWED MBON COLOSSAE 4:5

Esaŋa nte mbon eti ibuot ke mbubehe eke mbufo enyenede ye mmɔ emi edude ke esien: ededep ifet.

1 ŊWED THESSALONICA 4:12

man mbufo edu uwem nte eyede ke iso mbon ererimbot, ekunyuŋ enana baba ŋkpɔ kiet.

1ŊWED TIMOTHY 3:7

Akan oro, ana nte enye enyene eti etop ke otu mmɔ emi edude ke esien; mbak enye ediduɔ oduk ke esuene ye ke afia Satan.

1 JOHN 5:20

Nnyin imonyuŋ ifiɔk ite Eyen Abasi ama edi, ama onyuŋ ɔnɔ nnyin ikike, ete ifiɔk Enye emi edide ata Abasi: nnyin inyuŋ idu ke ata Abasi, kpa ke Eyen Esie Jesus Christ. Enye emi edi ata Abasi, onyuŋ edi nsinsi uwem.