MARK 4:1 - Edisana ñwed Abasi Ibom

¹ EKEM Enye ɔtɔŋɔ ntak ɔtɔŋɔ ndikpep owo ŋkpɔ ke mben akwa inyaŋ. Ata akamba otu owo enyuŋ ebono etiene Enye, tutu esin Enye oduk ke ubom etie ke inyaŋ; ofuri otu owo enyuŋ eda ke obot ke mben inyaŋ.

MARK 4:1 ပူးပေါင်းရင်းမြစ်များ

MARK 2:13

Ekem Jesus ɔtɔŋɔ ntak ɔwɔrɔ aka ke mben inyaŋ: ndien ofuri otu owo etiene Enye, Enye onyuŋ ekpep mmɔ ŋkpɔ.

MARK 3:7

Ekem Jesus adaha ye mbet Esie aka ke inyaŋ: ndien ata ediwak owo eto ke Galilee etiene Enye: ata ediwak owo ŋko, emi ekopde ikpɔ ŋkpɔ eke Enye anamde, eto ke Judea,

MARK 3:9

Ndien Enye ɔnɔ mbet Esie uyo ete eda ekpri ubom ebet Imɔ, sia otu owo ewakde, mbak ndutime:

MARK 4:36

Ntre ke mmɔ ekpɔŋ otu owo, eda Enye kpa nte Enye etiede ye mmɔ ke ubom.

MARK 5:2

Ndien ke ini Enye ɔwɔrɔde ke ubom, idaha oro owo kiet, emi enyenede edidehe spirit, oto ke mme udi edisobo ye Enye; enye ke ododuŋ ke mme udi:

MARK 5:21

Ekem ke ini Jesus ama ɔkɔtɔŋɔ ntak ebe inyaŋ ke ubom osim edem eken, akwa otu owo ebono etiene Enye: Enye onyuŋ odu ke mben inyaŋ.