MARK 2:27 - Edisana ñwed Abasi Ibom

²⁷ Ndien Jesus ɔdɔhɔ mmɔ ete, Ekanam usen sabbath enɔ owo, inamke owo inɔ usen sabbath;

MARK 2:27 ပူးပေါင်းရင်းမြစ်များ

EXODUS 23:12

Nam utom fo ke ofuri usen itiokiet, ndien ke ɔyɔhɔ itiaba dop; man enaŋ fo ye ass fo etie suŋ, man eyen ofin aŋwan fo ye esen owo enyuŋ eduɔk odudu.

ISAIAH 58:13

Afo ama akabare ukot fo osio ke sabbath efep, ke erinam utom fo ke edisana usen mi: ama onyuŋ okot sabbath, ete, inemesit, okot edisana usen Jehovah, ete, ŋkpɔ ukpono; ama onyuŋ okpono enye ke eritre ndinam ido fo, ndinyuŋ ntiene utom fo, nnyuŋ ndɔhɔ ikɔ:

EZEKIEL 20:12

Ami nnyuŋ nnɔ mmɔ mme sabbath mi, man edi idiɔŋɔ ke ufɔt mi ye mmɔ, man mmɔ efiɔk ete ke edi ami Jehovah nnam mmɔ esana.

EZEKIEL 20:20

enyuŋ enim mme sabbath mi efɔn; ndien mmɔ eyedi idiɔŋɔ ke ufɔt mi ye mbufo, man mbufo efiɔk ete ke ami ndi Jehovah Abasi mbufo.

MARK 2:28

ntre ke Eyen Owo edi Ɔbɔŋ kpa sabbath.

LUKE 6:9

Edi Jesus ɔdɔhɔ mmɔ ete, Mmɔŋ mbup mbufo mme enen ndinam ufɔn ke sabbath, mme ndinam idiɔk? ndinyaŋa uwem owo, mme ndibiat?,

JOHN 7:23

Edieke owo anade mbobi ke sabbath mbak edibiat ibet Moses; nte mbufo eyat esit ye Ami, koro ŋkanamde owo okop uyɔhɔ nsɔŋidem ke sabbath?

2 ŊWED CORINTH 4:15

Koro kpukpru ŋkpɔ ewɔrɔ kabaŋa ufɔn mbufo, man mfɔn Abasi ɔdɔdiɔŋ awak oto ke ediwak owo, onyuŋ anam ekɔm awak akan, ɔnɔ Abasi ubɔŋ.

DEUTERONOMY 5:12

Kpeme usen sabbath, nyuŋ nim enye ke edisana, kpa nte Jehovah Abasi fo okowukde fi.

DEUTERONOMY 5:14

edi ɔyɔhɔ usen itiaba edi sabbath Jehovah Abasi fo: kunam baba utom ke esit, afo, ye eyen-eren fo, ye eyen fo aŋwan, ye ofin eren fo, ye ofin aŋwan fo, ye enaŋ fo, ye ass fo, ye baba ufene fo kiet, ye esen owo fo eke odude ke obio mbufo; man ofin eren fo ye ofin aŋwan fo eduɔk odudu kpa nte afo.

ŊWED MBON COLOSSAE 2:16

Mmɔdo ekuyak baba owo kiet ekpe ikpe ɔnɔ mbufo ke se mbufo ediade, ye ke se mbufo eŋwɔŋde, ye ke ido eke mbufo enimde usɔrɔ ye obufa ɔfiɔŋ ye sabbath.