MARK 2:18 - Edisana ñwed Abasi Ibom

¹⁸ Ndien mbet John ye mme Pharisee ke etre udia: mmɔ enyuŋ etiene Enye, edɔhɔ Enye ete, Nsidi ntak eke mbet John ye eke mme Pharisee etrede udia, edi mbet Fo mitreke?

MARK 2:18 ပူးပေါင်းရင်းမြစ်များ

MATTHEW 23:5

Edi mmɔ enam kpukpru mme utom mmɔ man owo ekut: koro mmɔ enam mme phylactery mmɔ eŋwaŋa, enyuŋ enam nyeriye ɔfɔŋ-idem mmɔ ekpon,

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:18

man okuwut owo idem ete itre udia, edi man owut Ete fo emi odude ke ndibe idem: ndien Ete fo emi okutde ke ndibe eyenɔ fi usiene.

MARK 2:19

Ndien Jesus ɔdɔhɔ mmɔ ete, Nte nditɔ ufɔk-ndɔ ekeme nditre udia ke ini ebendɔ odude ye mmɔ? adaŋa ini nte mmɔ enyenede ebe-ndɔ ye mmɔ, mmɔ ikemeke nditre udia.

LUKE 18:12

Ntre udia utim ikaba ke urua; nsosio ubak kiet ke itie duop ke kpukpru se nnyenede nnɔ Abasi.

ŊWED MBON ROME 10:3

Koro sia mmɔ mifiɔkke edinen ido Abasi, enyuŋ eyomde ndinam edinen ido idem mmɔ ɔsɔŋɔ ada, mmɔ inyimeke ndisuk idem nnɔ edinen ido Abasi.