MARK 2:1 - Edisana ñwed Abasi Ibom

¹ EKEM ke ini Enye ɔtɔŋɔde ntak oduk ke Capernaum ke ndusuk usen ema ekebe, etop asuana ete Enye odu ke ufɔk.

MARK 2:1 ပူးပေါင်းရင်းမြစ်များ

MATTHEW 4:13

onyuŋ ɔkpɔŋ Nazareth ebe edi ediduŋ ke Capernaum, emi odude ke mben inyaŋ, ke adaŋa Zebulon ye Naphtali;

MATTHEW 9:1

EKEM Enye ediere ke ubom ebe, edi ke obio Esiemɔ.

MARK 1:45

Edi enye ɔwɔrɔ ɔtɔŋɔ nditaŋa ŋkpɔ emi eti-eti, ndinyuŋ nsuan ikɔ emi, tutu Jesus ikemeke aba ndiduk ke obio aŋwa-aŋwa, edi odu ke edem ke ebiet desert: ndien mmɔ eto ke kpukpru edem etiene Enye.

MARK 2:2

Ndien ediwak owo edibono ke ɔtɔ Esie, tutu ufaŋ iduhe inɔ mmɔ, kpa ke enyin-usuŋ ufɔk: Enye onyuŋ etiŋ ikɔ ɔnɔ mmɔ.

MARK 3:20

Ekem Enye oduk ufɔk. Otu owo enyuŋ etɔŋɔ ntak ebono, tutu Jesus ye mbet Esie ikemeke ndidia ŋkpɔ.

MARK 7:17

Ekem ke ini Enye ama ɔkpɔŋ otu owo oduk ke ufɔk, mbet Esie ebup Enye ebaŋa ŋke emi.

MARK 7:24

Ekem Enye adaha do, aka ke adaŋa Tyre ye Sidon. Enye onyuŋ oduk ke ufɔk, iyomke owo ɔfiɔk: ndien Enye ikemeke ndidibe.

MARK 9:28

Ekem ke ini Enye odukde ke ufɔk, mbet Esie ebup Enye ke ndibe ete, Nsinam nnyin mikekemeke ndibin enye nduɔk?

LUKE 4:23

Ndien Enye ɔdɔhɔ mmɔ ete, Mbufo iditreke nditop ŋke emi nnɔ Mi, ete, Abia-ibɔk, kɔk idemfo: kpukpru se ikokopde ite amanam ke Capernaum, nam mi ŋko ke obio fo.

LUKE 5:18

Ndien sese, mme owo ebiom ɔdɔŋɔ-akpa-ubeŋ kiet ke mbri edi: mmɔ enyuŋ eyom ndida enye nduk ndinim ke iso Jesus.

JOHN 4:47

Ke ini ɔbɔŋ emi okopde ete Jesus oto ke Judaea ebe edi ke Galilee, enye etiene Enye ekekpe ye Enye ete, Ɔsuhɔde edi edinam udɔŋɔ okure eyen imɔ; koro eyen imɔ oyomde ndikpa.

UTOM MME APOSTLE 2:6

Ke ini mmɔ ekopde uyom emi, otu owo ebono ɔtɔ kiet, idem onyuŋ akpa mmɔ, koro mmɔ kiet kiet ekopde nte mmɔ oro esemde usem mmɔ.