MARK 16:20 - Edisana ñwed Abasi Ibom

²⁰ Ndien mmɔ ewɔŋɔ ekekwɔrɔ ikɔ ke kpukpru ebiet, Ɔbɔŋ onyuŋ anam utom ye mmɔ, onyuŋ ada mme idiɔŋɔ eke esaŋade ye erikwɔrɔ ɔsɔŋɔ ikɔ mmɔ.

MARK 16:20 ပူးပေါင်းရင်းမြစ်များ

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

LUKE 1:1

SIA ediwak owo ema ekesin ubɔk ndinam mbuk mbaŋa mme ŋkpɔ oro ekɔwɔrɔde esu ke otu nnyin;

LUKE 1:2

kpa nte mmɔ, emi ekedide mme ntiense toto ke eritɔŋɔ ye mme andikwɔrɔ ikɔ Abasi, ekayakde enɔ nnyin;

UTOM MME APOSTLE 14:3

Ntre ke mmɔ etie do anyan ini ekwɔrɔ ikɔ ye uko ke Ɔbɔŋ; Ɔbɔŋ onyuŋ onyime ikɔ mfɔn Esie, ɔnɔ mmɔ ndinam mme idiɔŋɔ ye mme utibe-ŋkpɔ.

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

UTOM MME APOSTLE 5:12

Edi Abasi ada ubɔk mme apostle anam ediwak idiɔŋɔ ye utibe-ŋkpɔ ke otu mbio-obio: kpukrpu mmɔ enyuŋ ebono ye esit kiet ke Etehe Solomon.

ŊWED MBON ROME 15:19

mbe se Christ akadade mi anam, ke ikɔ ye utom, ke odudu mme idiɔŋɔ ye mme utibe-ŋkpɔ ye ke odudu edisana Spirit, man mme Gentile esuk ibuot. Ntem ke mma ntɔŋɔ ke Jerusalem ŋkwɔrɔ gospel Christ ɔyɔhɔ-ɔyɔhɔ tutu ŋkanare ŋkosim Illyricum.

2 ŊWED CORINTH 6:1

NTE mme abuana-utom ye Abasi, nnyin ikpe mbufo ubɔk ite, ekuyak mfɔn Abasi, emi mbufo ekɔbɔde, ɔwɔrɔ ikpikpu;

MME HEBREW 2:3

Nnyin idinam didie ibɔhɔ edieke nnyin isinde erinyaŋa eke okponde ntem? eke Ɔbɔŋ ekebemde iso etiŋ, mmɔ emi ekekopde Enye enyuŋ esɔŋɔ ikɔ oro enɔ nnyin;

MME HEBREW 2:4

Abasi onyuŋ ada mme idiɔŋɔ ye mme utibe ŋkpɔ, ye nsio-nsio ŋkpɔ odudu, ye erinɔ Edisana Spirit, nte Enye amade, etiene mmɔ etie ntiense.