MARK 16:18 - Edisana ñwed Abasi Ibom

¹⁸ eyemen urukikot ke ubɔk; onyuŋ edieke mmɔ eŋwɔŋde ŋkpɔ ekededi eke abiatde uwem, ididiɔkke ye mmɔ; mmɔ eyedori mbon-udɔŋɔ ubɔk, ndien mmɔ oro eyekop nsɔŋidem.

MARK 16:18 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ŊWED MME PSALM 91:13

Afo eyedigi lion ye ibɔm: eyetim akparawa lion ye dragon.

MARK 5:23

ɔduɔ Enye ke ukot, ɔsɔŋɔ ekpe Enye ubɔk, ete, Ekpri eyen mi aŋwan ekpere ndikpa: mmekpe fi ubɔk nte Afo edi edidori enye ubɔk, man enye okop nsɔŋidem, onyuŋ odu uwem.

LUKE 10:19

Sese, mmɔnɔ mbufo odudu ndidigi urukikɔt ye ikpeyen ke ikpat, nnyuŋ ŋkara ofuri odudu usua: ndien baba ŋkpɔ kiet idinamke mbufo idiɔk.

UTOM MME APOSTLE 19:12

tutu mme owo eda ukwɔhɔre-inua ye mbɔbɔ emi etode enye ke idem esɔk mbon udɔŋɔ, ndien mme udɔŋɔ ekpɔŋ mmɔ, mme idiɔk spirit enyuŋ ewɔŋɔ mmɔ ke idem.

UTOM MME APOSTLE 3:12

Edi ke ini Peter okutde emi, enye ɔbɔrɔ mmɔ ete, Mbufo nditɔ Israel, nsinam idem akpade mbufo abaŋa owo emi? nsinyuŋ inam mbufo ewukde enyin ese nnyin, nte edide nnyin ida odudu idem nnyin mme uteŋe eke nnyin iteŋede Abasi inam enye asaŋa?

UTOM MME APOSTLE 3:16

Ndien oto koro owo emi ɔbuɔtde idem ke enyiŋ Esie, enyiŋ Esie ama anam owo emi mbufo ekutde enyuŋ efiɔkde okop nsɔŋidem: ke akpanikɔ, mbuɔtidem emi otode ke enye ama ɔnɔ owo emi ɔyɔhɔ nsɔŋidem ntem ke iso mbufo kpukpru.

UTOM MME APOSTLE 4:10

eyak kpukpru mbufo ye kpukpru mbon Israel efiɔk ete, ke enyiŋ Jesus Christ eyen Nazareth, emi mbufo ekewotde ke cross, emi Abasi akanamde eset ke mkpa, edi enyiŋ emi esin owo emi ada ke iso mbufo ye nsɔŋidem.

UTOM MME APOSTLE 4:22

Koro owo emi ekedade utibe-ŋkpɔ emi enam enye okop nsɔŋidem ama akadaŋ ebe isua aba.

UTOM MME APOSTLE 4:30

ke adaŋemi Afo edinyanarede ubɔk ndinam udɔŋɔ okure owo; man enam mme idiɔŋɔ ye mme utibe ŋkpɔ ke enyiŋ Edisana Owo Fo Jesus.

UTOM MME APOSTLE 9:34

Ndien Peter ɔdɔhɔ enye ete, Aeneas, Jesus Christ anam udɔŋɔ fo okure; daha ke enyɔŋ, tim mkpana fo.

ŊWED MBON ROME 16:20

Ndien ibigike bigi Abasi emem eyedigi Satan anuak ke idak ikpat mbufo. Mfɔn Ɔbɔŋ nnyin Jesus akpakam odu ye mbufo.

1 ŊWED CORINTH 12:9

enyuŋ enɔ enye eken ikɔ ifiɔk, kpa ke Spirit oro; enɔ owo efen mbuɔtidem, ke Spirit oro; enyuŋ enɔ enye eken ukeme ukɔk-udɔŋɔ, kpa ke Spirit kiet oro;