MARK 16:16 - Edisana ñwed Abasi Ibom

¹⁶ Owo eke onimde ke akpanikɔ onyuŋ anade baptism, eyenyaŋa enye; edi enye eke etrede ndinim ke akpanikɔ, ikpe eyebiom enye.

MARK 16:16 ပူးပေါင်းရင်းမြစ်များ

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MARK 1:15

Ini emekem, Ubɔŋ Abasi ke ekpere: mbufo ekabare esit enyuŋ enim gospel ke akpanikɔ.

LUKE 8:12

Mmɔ oro ke mben usuŋ edi mmɔ emi ekokopde: ekem Satan edi editaŋ ikɔ ke esit mmɔ efep, mbak mmɔ edinim ke akpan-ikɔ enyuŋ ebɔhɔ.

JOHN 20:31

Edi ewet mmɔ emi, man mbufo enim ke akpanikɔ ete Jesus edi Christ, Eyen Abasi; man ke erinim ke akpanikɔ, mbufo ekpenyene uwem ke enyiŋ Esie.

JOHN 3:36

Owo eke ɔbuɔtde idem ye Eyen enyene nsinsi uwem; edi owo eke mibuɔtke idem ye Eyen idikwe uwem, edi iyaresit Abasi osuk ɔkɔbɔ enye.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 5:24

Ke akpanikɔ ke ndɔhɔ mbufo, Owo eke ekopde uyo Mi, onyuŋ ɔbuɔtde idem ye Enye emi ɔkɔdɔŋde Mi, enyene nsinsi uwem, inyuŋ idukke ke ikpe, edi ama oto ke mkpa ebe oduk ke uwem.

JOHN 6:29

Jesus ɔbɔrɔ mmɔ ete, Emi edi utom Abasi, ete, mbufo ebuɔt idem ye Enye emi Enye ɔkɔdɔŋde.

JOHN 6:35

Jesus ɔdɔhɔ mmɔ ete, Ami ndi uyo uwem: owo eke etienede Mi idikpaha biɔŋ, owo eke onyuŋ ɔbuɔtde idem ye Ami idikopke nsat-itɔŋ tutu amama.

JOHN 6:40

Koro emi edi uduak Ete Mi, ete, kpukpru owo eke ekutde Eyen, enyuŋ ebuɔtde idem ye Enye, enyene nsinsi uwem; Ami nyenyuŋ nnam enye eset ke Akpatre usen.

JOHN 8:24

Mmɔdo ndɔhɔ mbufo nte, Mbufo eyekpaŋa ke mme idiɔk-ŋkpɔ mbufo. Koro ke mbufo minimke ke akpanikɔ ite Ami ndi Enye, mbufo eyekpaŋa ke mme idiɔk-ŋkpɔ mbufo.

UTOM MME APOSTLE 10:43

Kpukpru mme prophet eketiŋ ikɔ nte ntiense ebaŋa Enye, ete, owo ekededi eke ɔbuɔtde idem ye Enye eyebɔ erifen mme idiɔk-ŋkpɔ ke enyiŋ Esie.

UTOM MME APOSTLE 13:39

ndien edi Enye anam kpukpru mmɔ emi enimde ke akpanikɔ enyene utebe-ikpe ke kpukpru ŋkpɔ eke ibet Moses mikemeke nditebe owo ikpe.

UTOM MME APOSTLE 13:46

Ndien Paul ye Barnabas edɔhɔ mmɔ uko-uko ete, Ana nte ebem iso etiŋ ikɔ Abasi enɔ mbufo. Sia mbufo esinde ikɔ oro, enyuŋ ebatde ete mmimɔ idotke nsinsi uwem, sese, nnyin ikabare itiene mme Gentile.

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

UTOM MME APOSTLE 2:41

Ntre ke mmɔ emi enyimede ikɔ esie ena baptism: ndien usen oro adaŋa nte thousand owo ita ediana ye mmɔ.

UTOM MME APOSTLE 22:16

Ndien ke ebebet nso naŋa? Daha ke enyɔŋ, kana baptism, nyuŋ yet mme idiɔk-ŋkpɔ fo fep ke eriseme ŋkot enyiŋ Esie.

ŊWED MBON ROME 3:6

Koro edieke edide ntre, Abasi edinam didie ekpe ererimbot?

ŊWED MBON ROME 4:24

ekewet kabaŋa nnyin ŋko; edibat mbuɔtidem enɔ nnyin, emi ibuɔtde idem ye Enye emi akanamde Jesus Ɔbɔŋ nnyin eset ke mkpa;

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

2 ŊWED THESSALONICA 2:12

man edikpe ikpe kpukpru owo emi midaha akpanikɔ, edi edarade ke ukwaŋido.

1 PETER 1:21

Oto Enye ke mbufo ebuɔt idem ye Abasi, emi akanamde Enye eset ke mkpa, onyuŋ ɔnɔde Enye ubɔŋ, kpaŋ mbuɔtidem ye idori-enyin mbufo ekpodu ke Abasi.

1 PETER 3:21

mmɔŋ eke ebietde mmɔŋ oro ke eda enyaŋa mbufo ke emi, oro edi baptism, emi midige eriyet ɔkɔp ikpɔhidem mfep, edi edide eribeŋe eke nnyin ibeŋede Abasi anam nnyin inyene edisana esit ke iso Esie, oto ke eriset Jesus Christ;

ERIYARARE 20:15

Ndien emen owo ekededi eke mikewetke enyiŋ esie ke ŋwed uwem eduɔk esin ke akwa ŋkpɔdiɔhɔ ikaŋ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.