MARK 16:15 - Edisana ñwed Abasi Ibom

¹⁵ Enye onyuŋ ɔdɔhɔ mmɔ ete, Eka ke ofuri ererimbot ekekwɔrɔ gospel enɔ kpukpru owo.

MARK 16:15 ပူးပေါင်းရင်းမြစ်များ

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 96:3

Etiŋ ubɔŋ esie ke otu mme idut, ye mme utibe ŋkpɔ esie ke ofuri ererimbot.

ŊWED MME PSALM 98:3

Enye emeti ima esie ye akpanikɔ esie emi enye enyenede ye ufɔk Israel: kpukpru mme utit ererimbot emekut erinyaŋa Abasi nnyin.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 52:10

enye afak Jerusalem. Jehovah ɔmɔfuhɔre edisana ubɔk esie ke enyin kpukpru mme idut; kpukpru mme utit ererimbot eyenyuŋ ekut erinyaŋa Abasi nnyin.

MATTHEW 28:19

Mbufo eka ekanam kpukpru mme idut edi mbet Mi, enim mmɔ baptism esin ke enyiŋ Ete ye Eyen ye Edisana Spirit:

MARK 13:10

Ndien enyene ndibem iso ŋkwɔrɔ gospel nnɔ kpukpru mme idut.

JOHN 15:16

Idige mbufo ekemek Mi, edi Ami ŋkemek mbufo nnyuŋ nnim nte mbufo eka ekeŋwum mfri, mfri mbufo okponyuŋ osuk odu: man Ete ɔkpɔnɔ mbufo ŋkpɔ ekededi eke edibeŋede Enye ke enyiŋ Mi.

JOHN 20:21

Jesus ɔtɔŋɔ ntak ɔdɔhɔ mmɔ ete, Emem osuk odu ye mbufo. Nte Ete okosiode Mi ɔdɔŋ, kpa ntre ke Ami nnyuŋ nsio mbufo ndɔŋ.

UTOM MME APOSTLE 1:2

tutu osim usen oro emende Enye edɔk ke enyɔŋ, ke Enye ama ɔkɔnɔ mme apostle emi Enye ekemekde item oto ke Edisana Spirit:

UTOM MME APOSTLE 1:8

Edi mbufo eyebɔ odudu, ke Edisana Spirit ama edi edidoro mbufo ke idem: mbufo eyenyuŋ edi mme ntiense Mi ke Jerusalem, ye ke ofuri Judaea ye Samaria, tutu osim utit ererimbot.

ŊWED MBON ROME 10:18

Edi mmɔdɔhɔ nte, Nte mmɔ ikokopke? Ke akpanikɔ mmɔ ema ekop. Uyom mmɔ ɔmɔwɔrɔ ke ofuri isɔŋ, Ikɔ mmɔ enyuŋ esim utit ererimbot.

ŊWED MBON ROME 16:26

Emi enyuŋ edade se mme prophet ekewetde, nte nsinsi Abasi ɔkɔnɔde uyo, enam kpukpru mme idut efiɔk, man mmɔ esuk ibuot ke mbuɔtidem:

ŊWED MBON EPHESUS 2:17

Ndien Enye ama edi edikwɔrɔ emem ɔnɔ mbufo emi ekedude nsan-nsan, ye mmɔ emi edude mkpet-mkpet;

ŊWED MBON COLOSSAE 1:23

Edieke mbufo eyirede ke mbuɔtidem enyene iwuk enyuŋ esɔŋɔ eda, mindinyuŋ iyakke ŋkpɔ anam mbufo edianare ekpɔŋ idori-enyin gospel emi mbufo ekekopde; kpa gospel emi ekɔkwɔrɔde enɔ kpukpru owo ke idak ikpa-enyɔŋ: emi ekonyuŋ enɔde mi Paul ete ŋkwɔrɔ.

ŊWED MBON COLOSSAE 1:6

emi oŋwumde mfri onyuŋɔdiɔŋde diɔŋ ɔkɔri ke ofuri ererimbot, onyuŋ anamde ntre ke otu mbufo ŋko, toto ke usen emi mbufo ekekopde enyuŋ efiɔkde mfɔn Abasi ke akpanikɔ;

1 JOHN 4:14

Ndien nnyin ima ikut, inyuŋ idi ntiense, ite, Ete ɔkɔdɔŋ Eyen Esie edidi Andinyaŋa ererimbot.

ERIYARARE 14:6

Ekem ŋkut angel eŋwen efefe ke ufɔt enyɔŋ, emi enyenede nsinsi gospel ete ikwɔrɔ inɔ mmɔ emi eduŋde ke isɔŋ, ye kpukpru idut ye esien ye usem ye obio;