MARK 16:10 - Edisana ñwed Abasi Ibom

¹⁰ Enye oro aka okobuk ɔnɔ mmɔ emi ekodude ye Enye, nte mmɔ efuhɔde enyuŋ etuaŋade.

MARK 16:10 ပူးပေါင်းရင်းမြစ်များ

MATTHEW 19:22

Edi ke adaŋemi akparawa okopde ikɔ oro, enye ɔnyɔŋ ye mfuhɔ, koro enye edide owo eke enyenede ediwak inyene.

MATTHEW 24:30

Adaŋoro ke idiɔŋɔ Eyen Owo eyewut idem ke enyɔŋ: adaŋoro ke kpukpru mme idut isɔŋ eyenyuŋ efuhɔ, mmɔ eyeyuŋ ekut Eyen Owo odorode ke obubit enyɔŋ edi ye odudu ye akwa ubɔŋ.

MATTHEW 9:15

Ndien Jesus ɔdɔhɔ mmɔ ete, Nte nditɔ ufɔk-ndɔ emekeme ndifuhɔ adaŋa ini nte ebe-ndɔ odude ye mmɔ? Edi mme usen eyedi eke edibɔde mmɔ ebe-ndɔ; mmɔ eyetre udia adaŋoro.

MARK 14:72

Ndien idaha oro ekikɔ ɔkpɔk utim ikaba. Peter onyuŋ eti ikɔ oro Jesus eketiŋde ɔnɔ enye, ete, Ke ini ekikɔ mika-ikpɔkke kaŋa utim ikaba, afo eyekaŋ Mi utim ikata. Ndien ke ini enye ekerede ŋkpɔ emi, enye atua eyet.

LUKE 24:17

Ndien Enye ɔdɔhɔ mmɔ ete, Nso oruk nneme ke eneme ntem ke isaŋ mbufo? Ndien mmɔ etuak eda, enyuŋ etie mfuhɔ-mfuhɔ.

JOHN 16:6

Edi mfuhɔ ɔyɔhɔ mbufo ke esit koro nnemede mme ŋkpɔ emi nnɔ mbufo.

JOHN 20:18

Mary magdalene edi edidɔhɔ mbet ete, Mmokut Ɔbɔŋ; Enye onyuŋ etiŋ mme ikɔ oro ye imɔ.