MARK 16:1 - Edisana ñwed Abasi Ibom

¹ EKEM ke ini sabbath ebede, Mary Magdalene, ye Mary eka Joses, ye Salome edep ufuɔŋkpɔ, man mmɔ edi ediyet Enye idem.

MARK 16:1 ပူးပေါင်းရင်းမြစ်များ

GENESIS 50:2

Ndien Joseph ɔdɔhɔ ikɔt esie mbia-ibɔk, ete, Embalm ete imɔ: ndien mbia-ibɔk embalm Israel.

2 CHRONICLES 16:14

Ndien mmɔ ebuk enye ke udi esiemɔ, emi enye okotibide ɔnɔ idem esie ke obio David, enyuŋ enim enye ke bed emi kpukpru oruk ufuɔŋkpɔ abuahade ke usɔ ubuak-ufuɔŋkpɔ ɔyɔhɔde ke esit; ndien mmɔ efɔp ŋkpɔ eti-eti enɔ enye.

MARK 14:3

Ekem ke ini Enye odude ke Bethany ke ufɔk Simon, ɔdɔŋɔ akpa-mfia, nte Enye etiede ke itie-udia, ŋwan kiet akama otu alabaster, eke esinde ata ɔsɔŋ-urua ufuɔŋkpɔ spikenard ke esit, edi; ndien enye obom otu oro, onyuŋ ɔtɔhɔ Enye ufuɔŋkpɔ ke ibuot.

MARK 14:8

Enye akanam se ekemede; enye ebem iso eyet Mi ufuɔŋkpɔ ke idem ebeŋe ini eribuk Mi.

MARK 15:40

Iban ŋko edu do, eda nsan-nsan ese; Mary Magdalene odu ke otu mmɔ, ye Mary eka James ekpri ye Joses, ye salome,

MARK 15:42

Ekem ke ini osimde mbubreyo, sia edide ini mbeŋe-idem, oro edi, usen emi ebemde sabbath iso,

MARK 15:47

Ndien Mary Magdalene ye Mary eka Joses ekut ɔtɔ nte enimde Enye.

MARK 16:2

Ndien ke ntuhube usenubɔk ke akpa usen urua, mmɔ edi ke udi ke ini utin asiahade.

MARK 16:8

Ndien mmɔ ewɔŋɔ efeŋe ekpɔŋ udi, koro nnyek-idem ye mkpa-idem omumde mmɔ: mmɔ inyuŋ itiŋke baba ikɔ kiet inɔ owo, koro ndik anamde mmɔ.

LUKE 23:54

Ekedi usen mbeŋe-idem, sabbath ke onyuŋ ekpere ndisiere.

LUKE 23:56

Ndien mmɔ efiak enyɔŋɔ eketim ufuɔ ŋkpɔ ye myrrh. Ndien ke sabbath mmɔ eduɔk odudu nte ibet etemede.

LUKE 24:1

EDI ke akpa usen urua, ke ntuhube usenubɔk, mmɔ eda ufuɔŋkpɔ oro eketimde eka ke udi.

JOHN 19:25

Ntem ke mbon-ekɔŋ enam ŋkpɔ emi. Edi eka Jesus, ye eyen-eka eka Esie, Mary ŋwan Clopas, ye Mary Magdalene ke eda ekpere cross Jesus.

JOHN 19:31

Ekem sia usen oro edide usen mbeŋe-idem, mbak mme okpo edisuk ekɔŋɔ ke cross ke sabbath (koro sabbath oro edide akwa usen), mme Jew ebeŋe Pilate ete ebuŋ mmɔ ukot, enyuŋ ekɔŋɔre mme okpo efep.