3 Jesus ɔbɔrɔ ete, Ndi Enye.
Ntre ke ntie nte owo eke mikopke; eke ibɔrɔ minyuŋ iduhe enye ke inua.
Etuk enye, enye onyuŋ ɔsuhɔre idem esie onim, inyuŋ itatke inua esiemɔ; eda enye nte eyen-erɔŋ eka, ete ekewot, ndien kpa nte uman erɔŋ odopde inua ke iso mme andifat enye, kpa ntre enye inyuŋ itatke inua esiemɔ.
Ndien ke ini ikpɔ oku ye mbiowo edoride Enye ikɔ, Enye ibɔrɔke baba ikɔ kiet.
Ndien Pilate obup Enye ete, Nte Afo edi Edidem mme Jew?
Edi ikpɔ oku edori Enye ediwak ikɔ. Pilate ɔtɔŋɔ ntak obup Enye ete, Nte Afo ubɔrɔke baba ikɔ kiet? se adaŋa ediwak ŋkpɔ ke mmɔ edori Fi.
Edi Jesus ibɔrɔke aba baba ŋkpɔ kiet; emi esin idem akpa Pilate eti-eti.
Ke ntak emi Pilate oyom ndisana Enye nyak: edi mme Jew efiori ete, Edieke asanade owo emi ayak, udige ufan Caesar; kpukpru owo eke enimde idem ke edidem eŋwana ye Caesar.
