MARK 14:72 - Edisana ñwed Abasi Ibom

⁷² Ndien idaha oro ekikɔ ɔkpɔk utim ikaba. Peter onyuŋ eti ikɔ oro Jesus eketiŋde ɔnɔ enye, ete, Ke ini ekikɔ mika-ikpɔkke kaŋa utim ikaba, afo eyekaŋ Mi utim ikata. Ndien ke ini enye ekerede ŋkpɔ emi, enye atua eyet.

MARK 14:72 ပူးပေါင်းရင်းမြစ်များ

2 SAMUEL 24:10

Ekem esit ɔtɔ David, ke enye ama akabat mbio-obio ntre. David onyuŋ ɔdɔhɔ Jehovah, ete, Mmanam idiɔk eti-eti ke se ŋkanamde: edi, mbɔk Jehovah, kam dahado ke idiɔk ido owo fo; koro mmanam ndisime ido eti-eti.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

EZEKIEL 36:31

Ndien mbufo eyeti mme idiɔk usuŋ mbufo, ye ido mbufo eke midige nti, ndien esua idem mbufo ke iso idem mbufo ebaŋa mme idiɔk ido mbufo ye mbubiam mbufo.

EZEKIEL 7:16

Ndien mbon itɔk mmɔ eyebɔhɔ; enyuŋ edu ke ikpɔ obot ebiet mme ibiom itihere; kpukpru mmɔ eseme, owo kiet kiet ke idiɔk ido mmɔ.

MATTHEW 26:34

Jesus ete enye, Ke akpanikɔ ke ndɔhɔ fi nte, Okoneyo emi, ke ekikɔ mikpɔkke kaŋa, afo eyekaŋ Mi utim ikata.

MARK 14:30

Edi Jesus ɔdɔhɔ enye ete, Ke akpanikɔ ke ndɔhɔ fi nte, Mfin emi, kpa ke okoneyo emi, ke ini ekikɔ mikpɔkke kaŋa utim ikaba, afo eyekaŋ Mi utim ikata.

MARK 14:68

Edi enye akaŋ ete, Ndiɔŋɔke, nnyuŋ mfiɔkke se ikɔ fo ɔwɔrɔde: ekem Peter ɔwɔrɔ oduk ke ɔtɔ otop; ndien ekikɔ ɔkpɔk.

MARK 14:71

Edi enye ɔtɔŋɔ ndisioŋo ikɔ-isuŋi ndinyuŋ ntomo ete, Ndiɔŋɔke owo oro mbufo etiŋde ebaŋa.

LUKE 22:60

Edi Peter ɔdɔhɔ ete, Owo, mfiɔkke se afo ɔdɔhɔde. Ndien idaha oro, kpasuk ke adaŋemi enye osuk etiŋde ntem, ekikɔ ɔkpɔk.

LUKE 22:62

Ndien enye adaha ɔwɔrɔ akatua eyet eti-eti.

2 ŊWED CORINTH 7:10

Koro mfuhɔ ido Abasi anam owo akabare esit osim erinyaŋa, eke owo mikemeke ndiseme;