MARK 14:62 - Edisana ñwed Abasi Ibom

⁶² Jesus ete, enye, Ndi Enye; mbufo eyenyuŋ ekut nte Eyen Owo etiede ke ubɔk nnasia Odudu, onyuŋ edide ke ikpa-enyɔŋ heaven.

MARK 14:62 ပူးပေါင်းရင်းမြစ်များ

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

MATTHEW 24:30

Adaŋoro ke idiɔŋɔ Eyen Owo eyewut idem ke enyɔŋ: adaŋoro ke kpukpru mme idut isɔŋ eyenyuŋ efuhɔ, mmɔ eyeyuŋ ekut Eyen Owo odorode ke obubit enyɔŋ edi ye odudu ye akwa ubɔŋ.

MATTHEW 26:64

Jesus ɔbɔrɔ enye ete, Edi ntre; edi ndɔhɔ mbufo nte ɔtɔŋɔde ke emi mbufo eyekut nte Eyen Owo etiede ke ubɔk nnasia Odudu, onyuŋ odorode ke obubit enyɔŋ edi.

MATTHEW 27:11

Edi Jesus ada ke iso andikara: andikara onyuŋ obup Enye ete, Nte Afo edi edidem mme Jew? Jesus ɔdɔhɔ enye ete, Ndi Enye.

MARK 13:26

Adaŋoro mmɔ eyekut Eyen Owo odorode ke obubit enyɔŋ edi ye akwa odudu ye ubɔŋ.

MARK 15:2

Ndien Pilate obup Enye ete, Nte Afo edi Edidem mme Jew?

MARK 16:19

Ntre ndien ke Ɔbɔŋ Jesus ama eketiŋ ntem ɔnɔ mmɔ, emen Enye edɔk ke heaven, Enye onyuŋ ɔsuhɔre etie ke ubɔk nnasia Abasi.

LUKE 22:69

Edi ɔtɔŋɔde ke ŋkpɔ emi ama ebe, Eyen Owo eyetie ke ubɔk nnasia odudu Abasi.

LUKE 23:3

Edi Pilate obup Enye ete, Nte Afo edi Edidem mme Jew? Jesus ɔbɔrɔ enye ete, Ndi Enye.

MME HEBREW 1:3

Enye oro edi uyama ubɔŋ Abasi, ye ata mbiet Idem Esie, onyuŋ ada uyo odudu Esie omum kpukpru ŋkpɔ akama: ekem, ke Enye ama akama utom erinam owo esana ke mme idiɔk-ŋkpɔ, Enye ɔsuhɔre etetie ke ubɔk nnasia Andinyene-ubɔŋ ke enyɔŋ;

MME HEBREW 12:2

iwuk enyin ise Jesus Anditɔŋɔ mbuɔtidem nnyin ye Andinam enye ɔfɔn ama; emi okobiomde cross, onyuŋ abatde but ke ekpri ŋkpɔ, kabaŋa idaresit eke anade Enye ke iso; okonyuŋ ɔsuhɔrede etetie ke ubɔk nnasia ebekpo Abasi.

MME HEBREW 8:1

KE mme ŋkpɔ eke idɔhɔde emi edi iso-ŋkpɔ: nnyin imenyene Akwa Oku emi edide ntem, emi ama ɔsuhɔre etetie ke ubɔk nnasia ebekpo Andinyene-ubɔŋ ke mme heaven,

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.

ERIYARARE 1:7

Sese, Enye ɔmɔŋ asaŋa ke obubit enyɔŋ edi; kpukpru enyin eyenyuŋ ekut Enye, ye mmɔ emi ekekimde Enye; ndien kpukpru mme idut isɔŋ eyeseme Enye. Yak edi ntre, Amen.

ERIYARARE 20:11

Ekem ŋkut akamba afia ebekpo, ye Enye emi etiede ke esit, emi isɔŋ ye ikpa-enyɔŋ efeŋede ekpɔŋ iso Esie, inyuŋ ikwe ufaŋ inɔ mmɔ aba.