MARK 14:49 - Edisana ñwed Abasi Ibom

⁴⁹ Mma ndu ye mbufo ke temple ŋkpep ŋkpɔ ke usen ke usen, edi mbufo imumke Mi. Edi enam emi man se ewetde ɔkpɔwɔrɔ osu.

MARK 14:49 ပူးပေါင်းရင်းမြစ်များ

MATTHEW 1:22

Edi ofuri ŋkpɔ emi ɔkɔwɔrɔ, man osu nte Jehovah akadade inua prophet ɔdɔhɔ ete,

MATTHEW 26:54

Edi se ewetde, ete, Ŋkpɔ enyene ndiwɔrɔ ntem, edinam didie ndien osu?

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

MATTHEW 26:56

Edi kpukpru emi ɔwɔrɔ, man se mme prophet ekewetde osu. Ndien mbet Esie kpukpru ekpɔŋ Enye efeŋe.

MARK 10:1

EKEM Enye adaha ke ebiet oro, edi ke mme adaŋa Judea ye edem Jordan oko; otu owo enyuŋ etɔŋɔ ntak ebono etiene enye: ndien Enye ɔtɔŋ ntak ekpep mmɔ ŋkpɔ, nte akam esinamde.

MARK 11:27

Ekem mmɔ efiak edi ke Jerusalem: ndien nte Jesus asaŋade ke temple, ikpɔ oku ye mme scribe ye mbiowo etiene Enye, enyuŋ edɔhɔ Enye ete,

MARK 12:35

Ekem nte Jesus ekpepde mmɔ ŋkpɔ ke temple, Enye ɔbɔrɔ ete, Nsinam mme scribe edɔhɔde ete Christ edi eyen David?

MARK 14:48

Ndien Jesus ɔbɔrɔ mmɔ ete, Nte mbufo emewɔŋɔ edi ye ofut ye eto ke ubɔk ndimum Mi, nte ŋkpɔ eke ebinede owo ŋwo?

MARK 14:50

Ndien kpukpru mbet ekpɔŋ Enye efeŋe.

LUKE 19:47

Ndien Enye ekekpep mmɔ ŋkpɔ ke usen ke usen ke temple. Edi ikpɔ oku ye mme scribe ye mme etubom-mbio-obio eyom usuŋ nte ekpowotde Enye;

LUKE 22:37

Koro ndɔhɔ mbufo nte, Se ekewetde ete, Ebat Enye esin ke otu mme abiat-ibet, enyene ndiwɔrɔ nnɔ Mi: koro mme ŋkpɔ eke eketiŋde ebaŋa Mi enyene ndisu.

JOHN 10:23

ndien Jesus asasaŋa ke temple, ke etehe Solomon.

JOHN 18:20

Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?

JOHN 7:37

Edi ke akpatre usen, usɔrɔ, Jesus adaha ofiori ete, Edieke owo ekededi okopde nsat-itɔŋ, yak enye etiene Mi ediŋwɔŋ.

JOHN 8:12

Ntre ke Jesus ɔtɔŋɔ ntak etiŋ ɔnɔ mmɔ, ete, Ami ndi uŋwana ererimbot; owo eke etienede Mi idisaŋake ke ekim, edi eyenyene uŋwana uwem.

JOHN 8:2

Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.