MARK 14:21 - Edisana ñwed Abasi Ibom

²¹ Koro Eyen Owo ɔmɔŋ ɔnyɔŋ kpa nte ekewetde ebaŋa Enye; edi eyedɔdiɔk ɔnɔ owo oro adade Eyen owo ɔnɔ; ɔkpɔfɔn ye owo oro nte enye mikamanake.

MARK 14:21 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

ŊWED MME PSALM 55:15

Nsobo ke odoro mmɔ ke idem; mmɔ eyesuhɔre ndisi ke obio ekpo; koro ibak odude ke iduŋ mmɔ, ye ke esit mmɔ.

ISAIAH 52:14

Kpa nte ediwak owo eyikde ebaŋa fi; iso esie abiara akan eke owo, uyai esie onyuŋ abiara akan eke nditɔ owo:

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

DANIEL 9:26

Ndien adaŋemi urua ata ye iba ekurede, eyesibe Messiah efep, edi ibaŋake idem esie; ndien ikɔt ɔbɔŋ emi edidide eyebiat obio ye edisana ebiet; ndien utit esie eyedi ke mmɔŋ ukwɔ; ndien ewuk ete nsobo odu tutu osim ke utit ekɔŋ.

ZECHARIAH 13:7

Jehovah mme udim ɔdɔhɔ, ete, Ofut, demere yom ekpemerɔŋ mi, yom owo emi edide nsaŋa mi: kpi ekpemerɔŋ, ndien erɔŋ eyesuana: ndien nyekabare ubɔk mi nnam ŋkpri nditɔwɔŋ.

MATTHEW 26:54

Edi se ewetde, ete, Ŋkpɔ enyene ndiwɔrɔ ntem, edinam didie ndien osu?

MATTHEW 26:56

Edi kpukpru emi ɔwɔrɔ, man se mme prophet ekewetde osu. Ndien mbet Esie kpukpru ekpɔŋ Enye efeŋe.

MARK 14:20

Edi Enye ete mmɔ, Edi, owo kiet ke otu mbufo mboduopeba, owo emi edebide udia ke usan ye Ami.

MARK 14:22

Ekem nte mmɔ ediade, Enye emen uyo, ndien ke ama ɔkɔdiɔŋ, obuŋ onyuŋ ɔnɔ mmɔ, ete, Ebɔ: emi edi ikpɔhidem Mi.

MARK 14:49

Mma ndu ye mbufo ke temple ŋkpep ŋkpɔ ke usen ke usen, edi mbufo imumke Mi. Edi enam emi man se ewetde ɔkpɔwɔrɔ osu.

LUKE 22:22

Koro Eyen Owo ke ɔnyɔŋ kpa nte ekenimde: edi eyedɔdiɔk ɔnɔ owo oro edidade Enye ɔnɔ.

LUKE 24:44

Enye onyuŋ ɔdɔhɔ mmɔ ete, Emi edi ikɔ eke ŋketiŋde ye mbufo, ke adaŋemi ŋkodude ye mbufo; nte kpukpru se ekewetde ebaŋa Mi ke ibet Moses ye mme prophet ye mme psalm enyene ndisu.

JOHN 19:28

Ke ŋkpɔ emi ama ekebe, sia Jesus ɔfiɔkde ete kpukpru ŋkpɔ ekure, man se ewetde osu, Enye ɔdɔhɔ ete, Itɔŋ ke asat Mi.

UTOM MME APOSTLE 1:25

ete ada itie-utom emi ye idaha apostle, emi Judas ɔkɔduɔde ɔkpɔŋ, man enye aka ke itie esiemo.

UTOM MME APOSTLE 2:23

ke ɔkpɔsɔŋ uduak ye mbe-iso ifiɔk Abasi ke ekeda kpa Jesus emi eyak ke ubɔk mme anana-ibet, ekɔŋ ke cross ewot.

UTOM MME APOSTLE 4:27

Koro ke akpanikɔ ke obio emi, Herod ye Pontius Pilate, ye mme Gentile ye mbon Israel, esop idem ɔtɔ kiet ndiŋwana ye Edisana Owo Fo Jesus, emi Afo okonimde ete edi Christ Fo,