MARK 14:18 - Edisana ñwed Abasi Ibom

¹⁸ Ndien nte mmɔ etiede edia ŋkpɔ, Jesus ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ kpa owo eke adiade ŋkpɔ ye Ami.

MARK 14:18 ပူးပေါင်းရင်းမြစ်များ

ŊWED MME PSALM 41:9

Kpa owo emi edide ufan mi, emi mbuɔtde idem mi ye enye, emi adiade udia mi, ememen ukot etiga mi.

MATTHEW 26:21

ndien nte mmɔ ediade, Enye ɔdɔhɔ ete, Ke akpanikɔ ke ndɔhɔ mbufo, owo kiet ke otu mbufo eyeda Mi ɔnɔ.

MATTHEW 5:18

Koro ke akpanikɔ ke ndɔhɔ mbufo, Tutu enyɔŋ ye isɔŋ ebe efep, baba ntɔi kiet mme ekpri ŋkpɔ kiet idibehe ifep ke ibet, tutu kpukpru ŋkpɔ esu.

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:2

Mmɔdo ke ini ɔnɔde eyen ubuene ŋkpɔ, kutaŋ ese, nte mbio mbubik enamde ke mme synagogue ye mme efak, ete owo ekpono mme imɔ. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

MARK 10:15

Ke akpanikɔ ke ndɔhɔ mbufo, Owo ekededi eke midibɔhɔ Obio Ubɔŋ Abasi nte ekpri eyen, ididukke duk ke esit.

MARK 10:29

Jesus ɔdɔhɔ ete, Ke akpanikɔ ke ndɔhɔ mbufo, baba owo kiet iduhe, eke ɔkɔkpɔŋde ufɔk, me nditɔ-eka iren, me nditɔ-eka iban, mme eka, mme ete, me nditɔ,

MARK 14:17

Ndien ke mbubreyo Enye asaŋa ye mbet duopeba edi.

MARK 14:19

Mmɔ etɔŋɔ ndifuhɔ, ndinyuŋ ndɔhɔ Enye kiet kiet ete, Ndi ami ke edi?

MARK 14:25

Ke akpanikɔ ke ndɔhɔ mbufo, ndiŋwɔŋke aba mfri vine, tutu osim usen oro ndiŋwɔŋde enye obufa ke Obio Ubɔŋ Abasi.

MARK 14:9

Ke akpanikɔ ke ndɔhɔ mbufo, Ebiet ekededi eke edikwɔrɔde gospel ke ofuri ererimbot, eyenyuŋ etiŋ se ŋwan emi akanamde, ndida nti enye.

MARK 3:28

Ke akpanikɔ ke ndɔhɔ mbufo nte, Eyefen nditɔ owo kpukpru ndudue mmɔ ye ikɔ-isuŋi ekededi eke mmɔ etiŋde:

MARK 6:11

Ndien ebiet ekededi eke midinyimeke ndidara mbufo, minyuŋ ikopke uyo mbufo, nte mbufo ewɔŋɔde do, ekeŋ ntan ikpat mbufo enɔ mmɔ nte ŋkpɔ ntiense.

MARK 8:12

Edi Enye omum mmum ɔkpɔsɔŋ ke spirit, onyuŋ ɔdɔhɔ ete, Nsinam emana emi eyomde idiɔŋɔ? Ke akpanikɔ ke ndɔhɔ mbufo, Idinɔŋɔ emana emi baba idiɔŋɔ kiet.

MARK 9:1

NDIEN Enye ete mmɔ, Ke akpanikɔ ke ndɔhɔ mbufo Ndusuk owo edu ke otu mmɔ emi edade mi, emi miditabike mkpa tutu mmɔ ekut Ubɔŋ Abasi nte edide ke odudu.

MARK 9:41

Koro owo ekededi eke edinɔde mbufo cup mmɔŋ eŋwɔŋ ke ntak enyiŋ Mi, koro mbufo enyenede Christ, ke akpanikɔ ke ndɔhɔ mbufo, enye iditreke tre ndibɔ utip esie.

LUKE 11:51

ɔtɔŋɔde ke iyip Abel tutu osim iyip Zechariah, emi ekowotde ke ufɔt itie-uwa ye esit-esit Ufɔk Abasi: ke akpanikɔ ke ndɔhɔ mbufo, eyekpak iyip mmɔ ke ubɔk emana emi.

LUKE 22:21

Edi sese, ubɔk andida Mi nnɔ odu ye Ami ke okpokoro.

LUKE 4:24

Edi Enye ete, Edi akpanikɔ ke ndɔhɔ mbufo nte, Owo idaha baba prophet kiet ke ŋkpɔ ke isɔŋ emana esie.

JOHN 1:51

Jesus onyuŋ ɔdɔhɔ enye ete, Ke akpanikɔ ke ndɔhɔ mbufo nte, Mbufo eyekut nte enyɔŋ ɔkibɔrede, ye nte mme angel Abasi edɔdɔk esɔsuhɔre edore Eyen Owo ke idem.

JOHN 13:18

Ntiŋke mbaŋa mbufo kpukpru; mmɔfiɔk mmɔ emi ŋkemekde: edi ŋkpɔ etie ntem man osu nte ewetde ete, Adia-udia Mi osio ukot atiga Mi.

JOHN 13:21

KE Jesus ama eketiŋ ntem; spirit otimere Enye, Enye onyuŋ ɔsɔŋ uyo ɔdɔhɔ ete, Ke akpanikɔ ke ndɔhɔ mbufo nte, Owo kiet ke otu mbufo eyeda Mi ɔnɔ.

JOHN 13:22

Mbet ese kiet eken, eyik mme Enye etiŋ abaŋa anie.

JOHN 13:38

Nyeyak uwem mi nduɔk kabaŋa Fi. Jesus ɔbɔrɔ enye ete, Nte eyeyak uwem fo ɔduɔk kabaŋa Mi? Ke akpanikɔ ke ndɔhɔ fi, Ekikɔ idikpɔkke tutu afo akaŋ Mi utim ikata.

JOHN 21:18

Ke akpanikɔ ke ndɔhɔ fi, ke ini edide akparawa, afo akam esibɔbɔ mbɔbɔ, asaŋa aka ɔtɔ nte amade: edi ke ini edisɔŋde, eyenyanare ubɔk fo, ndien owo eŋwen eyebɔp fi mbɔbɔ, onyuŋ ada fi aka ɔtɔ nte mudumaŋa ndika.

JOHN 3:11

Ke akpanikɔ ke ndɔhɔ fi, nnyin itiŋ se ifiɔkde inyuŋ itie ntiense ibaŋa se ikokutde; edi mbufo ibɔhɔ ikɔ ntiense nnyin.

JOHN 3:3

Jesus ɔbɔrɔ enye ete, ke akpanikɔ ke ndɔhɔ fi nte, Edieke owo mitɔŋɔke ntak imana, enye ikemeke ndikut Obio Ubɔŋ Abasi.

JOHN 3:5

Ke akpanikɔ ke ndɔhɔ fi nte, Edieke owo mimanake oto ke mmɔŋ ye Spirit, enye ikemeke ndiduk ke Obio Ubɔŋ Abasi.

JOHN 5:19

Ntre ke Jesus ɔbɔrɔ mmɔ ete, Ke akpanikɔ ke ndɔhɔ mbufo, Eyen ikemeke ndinam baba ŋkpɔ kiet ke Idem Esie, ke mibɔhɔke se okutde nte Ete anamde; koro ŋkpɔ ekededi eke Ete anamde, kpa oro ŋko ke Eyen onyuŋ etiene anam.

JOHN 6:26

Jesus ɔbɔrɔ mmɔ ete, Ke akpanikɔ ke ndɔhɔ mbufo, mbufo iyomke Mi koro mbufo ekekutde mme idiɔŋɔ, edi eyom Mi koro mbufo ekadiade uyo eyuhɔ.

JOHN 6:32

Mmɔdo Jesus ɔbɔrɔ mmɔ ete, Ke akpanikɔ ke ndɔhɔ mbufo, Idige Moses ɔkɔnɔ mbufo uyo emi otode ke heaven, edi Ete Mi ɔnɔ mbufo ata uyo emi otode ke heaven.

JOHN 6:47

Ke akpanikɔ ke ndɔhɔ mbufo, Owo eke onimde ke akpanikɔ enyene nsinsi uwem.

JOHN 6:70

Jesus ɔbɔrɔ mmɔ ete, Nte ŋkemekke mbufo owo duopeba? ndien owo kiet ke otu mbufo edi demon.