MARK 14:11 - Edisana ñwed Abasi Ibom

¹¹ Ndien ke ini mmɔ ekopde, mmɔ edat esit, enyuŋ eŋwɔŋɔ ndinɔ enye okuk. Ndien enye oyom nte enye edisaŋade okut ifet ndida Enye nyak nnɔ mmɔ.

MARK 14:11 ပူးပေါင်းရင်းမြစ်များ

1 NDIDEM 21:20

Ndien Ahab ɔdɔhɔ Elijah, ete, Nte afo omokut mi, O usua mi? Ndien enye ete, Mmokut: koro afo amanyam idem fo ndinam idiɔk ke iso Jehovah.

2 NDIDEM 5:26

Ndien enye ɔdɔhɔ enye, ete, Nte esit mi ikakaha, ke ini owo oro otode ke chariot esie afiak edisobo ye afo? Nte emi edi ini nte owo ɔkpɔbɔde okuk, okponyuŋ ɔbɔde ɔfɔŋ-idem, ye iŋwaŋ olive, ye iŋwaŋ vine, ye erɔŋ, ye enaŋ, ye ifin iren, ye ifin iban?

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

MATTHEW 26:14

Ekem owo kiet ke otu mbet Esie duopeba, emi ekerede Judas Iscariot, adaha etiene ikpɔ oku, ete,

MATTHEW 26:15

Mbufo enyime ndinɔ mi nso, ndien nyeda Enye nyak nnɔ mbufo? Mmɔ edomo mbak silver edip ye duop enɔ enye.

MARK 14:10

Ekem Judas Iscariot, owo kiet ke otu mbet duopeba, adaha aka eketiene ikpɔ oku, man ada Enye ayak ɔnɔ mmɔ.

MARK 14:12

Ekem ke akpa usen usɔrɔ uyo eke leaven miduhe, emi ewotde passover, mbet Esie edɔhɔ Enye ete, Oyom nnyin ika ikotim ŋkpɔ ke mmɔŋ, man Afo adia passover?

LUKE 22:3

Edi Satan oduk ke esit Judas, emi ekotde ekadian Iscariot, emi edide owo kiet ke otu mbet duopeba.

1ŊWED TIMOTHY 6:10

Koro itɔŋ inyene edi oruŋ kpukpru oruk mme idiɔk-ŋkpɔ; ndien ke erinyanare mbine enye, ndusuk owo ema eyo ekpɔŋ mbuɔtidem, enyuŋ eda ediwak mfuhɔ enɔ idem mmɔ unan.

JUDE 1:11

Idifɔnke fɔn inɔ mmɔ! koro mmɔ ekasaŋade ke afaŋ Cain, enyuŋ eduɔkde idem ke nduyo Balaam ke ntak udori, enyuŋ etak ke nsɔŋ-ibuot Korah.