MARK 13:7 - Edisana ñwed Abasi Ibom

⁷ Edi adaŋemi mbufo edikopde ebaŋa ekɔŋ ye etop ekɔŋ, ekuyak esit etimere mbufo; mme ŋkpɔ emi enyene ndiwɔrɔ, edi idige utit kaŋa

MARK 13:7 ပူးပေါင်းရင်းမြစ်များ

2 SAMUEL 14:14

Koro nnyin inyenede ndikpa, inyuŋ ibiet mmɔŋ eke eduɔkde ke isɔŋ eke midikohi; Abasi inyuŋ imenke ukpɔŋ ifep: edi ekere ekikere ete ikubin owo esie eke ekebinde, ifep.

ŊWED MME PSALM 112:7

Idiɔk etop idinamke enye ndik: esit esie ɔmɔwuhɔ, ɔbuɔt idem ye Jehovah.

ŊWED MME PSALM 27:3

Ekpedi eke mbon-ekɔŋ enamde nna-ekɔŋ ke ɔtɔ mi, esit mi idifeheke ndik: ekpedi eke ekɔŋ otibede oyom mi, nyebuɔt idem ke ŋkpɔ emi.

MME ŊKE 3:25

Kufehe baba ndik eke abuatde buat, kunyuŋ ufehe oyobio mme idiɔk owo, ke ini enye edidide.

ISAIAH 8:12

ete Mbufo ekudɔhɔ, ete, “Odu,” edian kpukpru ŋkpɔ emi mbio-obio emi edɔhɔde ete, “Odu,” edian enye; ekenyuŋ eyak ndik emi anamde mmɔ anam mbufo, ekunyuŋ enyek.

JEREMIAH 51:46

Ndien ekuyak esit emem mbufo, ekunyuŋ edikhe ebaŋa etop eke edikopde ke isɔŋ, etop eyenyuŋ edi mbun, etop eyenyuŋ etiene edem ke ebem, ndien afai eyedu ke isɔŋ, andikara aŋwana ye andikara.

MATTHEW 18:7

Mbɔm ererimbot ke ntak erisin owo ɔduɔ; koro ntak iduɔ enyene ndidi, edi eyedɔdiɔk ɔnɔ owo oro ŋkpɔ iduɔ otode enye.

MATTHEW 2:3

Ke adaŋemi Herod edidem okopde ŋkpɔ emi, esit otimere enye, ye kpukpru mbio Jerusalem ye enye.

MARK 13:6

Ediwak owo eyedi ke enyiŋ Mi, ete, Ami ndi Enye; eyenyuŋ eda ediwak owo ewaha ekpɔŋ usuŋ.

MARK 13:8

Koro idut eyedaha aŋwana ye idut, obio edidem kiet eyenyuŋ adaha aŋwana ye obio edidem efen, unyek-isɔŋ eyenyuŋ edu ke nsio-nsio ebiet; akaŋ eyedu: mme ŋkpɔ emi edi ntɔŋɔ ubiak-uman.

JOHN 14:1

EKUYAK esit otimere mbufo: ebuɔt idem ye Abasi, enyuŋ ebuɔt idem ye ami.

JOHN 14:27

Ŋkpɔŋ emem ye mbufo; nyak emem Mi nnɔ mbufo: idige nte ererimbot ɔnɔde ke ami nnɔ mbufo. Ekuyak esit etimere mbufo, ekunyuŋ eyak esit mbufo ekop ndik.

UTOM MME APOSTLE 17:3

onyuŋ asian owut mmɔ, ete Christ enyene ndikpa nnyuŋ nset ke mkpa; onyuŋ ɔdɔhɔ mmɔ ete, Jesus, emi ŋkwɔrɔde nnɔ mbufo, edi Christ.