MARK 12:36 - Edisana ñwed Abasi Ibom

³⁶ David ke idem esie etiŋ ke Edisana Spirit, ete, Jehovah ɔdɔhɔ Ɔbɔŋ mi ete, Tie Mi ke ubɔk nnasia, Tutu nda mme usua Fo nnim Fi ke udorukot.

MARK 12:36 ပူးပေါင်းရင်းမြစ်များ

2 SAMUEL 23:2

Spirit Jehovah ada mi etiŋ ikɔ, uyo esie onyuŋ odu mi ke edeme.

NEHEMIAH 9:30

Edi afo eme ime ye mmɔ ediwak isua, onyuŋ ada spirit fo asua ɔnɔ mmɔ ke ubɔk mme prophet fo: edi mmɔ ikpaŋke utɔŋ. Ndien afo emen mmɔ esin mbio mme idut ke ubɔk.

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

MATTHEW 5:35

ekutomo isɔŋ, koro isɔŋ edi udori-ukot Esie; ekunyuŋ etomo Jerusalem, koro Jerusalem edi obio akwa Edidem.

UTOM MME APOSTLE 1:16

kpa se Edisana Spirit akadade inua David ebem iso etiŋ abaŋa Judas, emi ekedide andida mme andimum Jesus usuŋ, enyene ndisu.

UTOM MME APOSTLE 28:25

Ndien sia ekikere mmɔ misaŋake ukem, mmɔ esuana, ke ini Paul ama eketiŋ ikɔ kiet emi, ete, Edisana Spirit okototim ɔdɔhɔ mme ete mbufo ke

1 ŊWED CORINTH 15:25

Koro Enye enyene ndida ubɔŋ tutu Enye onuk kpukpru mme asua Esie ke idak ikpat.

2 ŊWED TIMOTHY 3:16

Kpukpru ŋwed, eke edade odudu Spirit Abasi ewet, enyuŋ edi se ifɔnde ndida ŋkpep owo ŋkpɔ, nnyuŋ nsua nnɔ owo, nnyuŋ nnam owo esaŋa nte enende, nnyuŋ nteme owo edinen ido;

MME HEBREW 1:13

Edi akananam Enye ɔdɔhɔ angel ewe ete, Tie ke ubɔk nnasia Mi, Tutu nnam mme asua Fo ekabare edi udorukot Fo?

MME HEBREW 4:7

Abasi ɔtɔŋɔ ntak asiak usen onim, okot usen oro ke David, ke anyan ini ama ekebe, ete, Mfin; nte ebemde iso edɔhɔ ete, Mfin, edieke mbufo edikopde uyo Esie Ekusɔŋ esit mbufo.

1 PETER 1:11

mmɔ eduŋɔre eyom ndifiɔk ini mme oruk ini eke Spirit Christ emi odude mmɔ ke esit asiakde, ke ini Enye ebemde iso etiŋ abaŋa mme ndutuhɔ Christ, ye ubɔŋ eke editienede mmɔ ke edem.

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.