MARK 11:23 - Edisana ñwed Abasi Ibom

²³ Ke akpanikɔ ke ndɔhɔ mbufo, owo ekededi eke edidɔhɔde akamba obot emi ete, Wuhɔre, kɔduɔ sine ke akwa inyaŋ; midinyuŋ iyikke ke esit esie, edi onimde ke akpanikɔ ete se imɔ itiŋde eyesu, eyewɔrɔ ɔnɔ enye.

MARK 11:23 ပူးပေါင်းရင်းမြစ်များ

ŊWED MME PSALM 37:4

Yak Jehovah onyuŋ adat fi esit; ndien enye eyenɔ fi se esit fo oyomde.

MATTHEW 14:13

Edi ke ini Jesus okopde ŋkpɔ emi, Enye ediere ke ubom, adaha ke ɔtɔ oro, aka ke ebiet eke edide desert ye mbet Esie ikpɔŋ; ndien ke adaŋemi mme otu owo ekopde, mmɔ eto ke mme obio esaŋa ukot-ukot etiene Enye.

MATTHEW 17:20

Edi Enye ɔdɔhɔ mmɔ ete, Oto ke ntak ekpri mbuɔtidem mbufo.

MATTHEW 21:21

Edi Jesus ɔbɔrɔ mmɔ ete, Ke akpanikɔ ke ndɔhɔ mbufo, edieke mbufo enyenede mbuɔtidem, minyuŋ iyikke, idige se enamde ye eto fig emi ikpɔŋ ke mbufo edinam, edi edieke mbufo edɔhɔde kpa obot emi ete, Wuhɔre, kɔduɔ sine ke akwa inyaŋ, eyewɔrɔ osu.

LUKE 17:6

Edi Ɔbɔŋ ete, Edieke mbufo enyenede mbuɔtidem eke etiede nte mkpasip mustard, mbufo ekpɔdɔhɔ eto sycamine emi ete, Wuhɔre mi ke ebiet emi, ka kɔwuhɔ ke inyaŋ; ndien enye akpanam uyo mbufo.

JOHN 14:13

Nyenyuŋ nnam ŋkpɔ ekededi eke mbufo edibeŋede ke enyiŋ Mi, man Ete enyene ubɔŋ ke Eyen.

JOHN 15:7

Edieke mbufo eduŋde Mi ke idem, ikɔ Mi onyuŋ oduŋde mbufo ke esit, ebeŋe se eyomde, ndien eyenam enɔ mbufo.

1 ŊWED CORINTH 13:2

Ŋkponyuŋ nnyene ukeme ndisiak uduak Abasi, ndinyuŋ mfiɔk kpukpru ndibe-ndibe ŋkpɔ ye kpukpru ifiɔk; ŋkponyuŋ nnyene ɔyɔhɔ mbuɔtidem, tutu ŋkeme ndimen ikpɔ obot ke itie nduɔk, ndien nnyeneke ima, ndige baba ŋkpɔ kiet.