MARK 11:14 - Edisana ñwed Abasi Ibom

¹⁴ Ekem Enye ɔbɔrɔ eto oro ete, Owo okudia aba mfri eke otode fi tutu amana. Mbet Esie enyuŋ ekop.

MARK 11:14 ပူးပေါင်းရင်းမြစ်များ

MATTHEW 21:19

Ndien ke ini Enye okutde eto fig ke mben ɔkpɔusuŋ, asaŋa ekpere, inyuŋ ikwe ŋkpɔ ke esit, ke mibɔhɔke ikɔŋ-ikɔŋ; onyuŋ ɔdɔhɔ eto oro ete, Mfri okuto fi oŋwum ɔtɔŋɔde ke emi tutu amama.

MATTHEW 21:33

Mbufo ekop ŋke efen. Owo kiet okodu emi edide ete-ufɔk. Enye onyuŋ ɔtɔ iŋwaŋ-vine, onyuŋ ɔbɔp ɔkɔ akan enye okuk, onyuŋ otibi obube unyimi-wine ke esit, onyuŋ ɔbɔp tower, onyuŋ ayak enye ɔnɔ mme ekpeme-iŋwaŋ, ndien adaha aka idut efen.

MATTHEW 21:44

Ndien owo eke ediduɔde ke itiat emi eyenuaha mbak-mbak: edi owo ekededi eke itiat emi ediduɔde ɔtɔ enye, eyekɔk enye nte obu.

MATTHEW 3:10

Edi kpa idahemi emonim ekudi ke itak eto: ntre ke ekpi kpukpru eto eke miŋwumke mfri eke eyede eduɔk, emen, esin ke ikaŋ.

MATTHEW 7:19

Ekpi kpukpru eto eke miŋwumke eti mfri eduɔk, emen, etop, esin ke ikaŋ.

MARK 11:13

Ndien ke ini Enye okutde eto fig nsan-nsan ye ikɔŋ, Enye asaŋa ekpere, ete, mme iyekut ŋkpɔ ke esit: ndien ke ini osimde eto oro, ikwe ŋkpɔ ke mibɔhɔke ikɔŋ-ikɔŋ, koro mikemke ini fig.

MARK 11:15

Mmɔ edi ke Jerusalem; ndien Enye oduk ke temple, ɔtɔŋɔ ndibin mmɔ eke enyamde ŋkpɔ ye mmɔ eke edepde ŋkpɔ ke temple mfep, onyuŋ onuk mme okpokoro mme ɔkpuhɔ-okuk ɔduɔk, ye mme itie mme anyam ibiom;

JOHN 15:6

Edieke owo miduŋke Mi ke idem, esio enye efep nte ŋkɔk, enye onyuŋ akabare asat; ndien etaŋ mme ŋkɔk oro esin ke ikaŋ, enyuŋ efɔp mmɔ.

2 PETER 2:20

Koro edieke mmɔ ema ekesaŋa ke ifiɔk Ɔbɔŋ ye Andinyaŋa nnyin Jesus Christ ebɔhɔ se isabarede owo uwem ke ererimbot, ndien mmɔ etɔŋɔ ntak ekɔmɔ ke esit, enyuŋ eyak ŋkpɔ oro akan mmɔ ubɔk, akpatre itie mmɔ akabare ɔdiɔk akan akpa.

ERIYARARE 22:11

Owo eke edide ukwaŋ, yak enye osuk amana anam ukwaŋido; owo eke edehede, yak enye osuk amana edehe; owo eke edide edinen, yak enye osuk amana anam edinen ido; owo eke asanade, yak enye osuk amana asana.