MARK 11:1 - Edisana ñwed Abasi Ibom

¹ EKEM ke ini mmɔ esaŋade ekpere Jerusalem, edisim Bethphage ye Bethany, ke obot Olive, Enye osio owo iba ke otu mbet Esie ɔdɔŋ, ete mmɔ,

MARK 11:1 ပူးပေါင်းရင်းမြစ်များ

2 SAMUEL 15:30

Ekem David ɔdɔk ke obot Olive, ɔdɔk, atuak eyet, onyuŋ ɔfuhɔ ŋkpɔ ke ibuot esie, onyuŋ asaŋa ɔfiɔn ikpat; ndien kpukpru owo eke edude ye enye enyuŋ efuhɔ ibuot mmɔ; mmɔ enyuŋ edɔk, etua eyet ŋko.

ZECHARIAH 14:4

Ndien ke usen oro ukot esie eyeda ke enyɔŋ obot Olive emi anade ke iso Jeru-salem ke edem usiaha-utin, ndien obot Olive eyesiaha ufɔt-ufɔt ese edem usiakha-utin ye edem usop-utin, esine ke ata akamba itihere; ndien ubak obot kiet eyesehere aka edem edere, ubak eken eyenyuŋ aka edem usuk.

MATTHEW 21:17

Ndien Enye ɔkpɔŋ mmɔ, ɔwɔrɔ ke obio aka Bethany akadaŋ do.

MATTHEW 24:3

Edi nte Enye etiede ke Obot Olive, mbet Esie etiene Enye ke idem mmɔ, ete, Sian nnyin ini eke mme ŋkpɔ emi edidide; nso idinyuŋ idi idiɔŋɔ eridi Fo, ye eke akpatre ini eyo emi?

MATTHEW 26:30

Ekem ke mmɔ ema ekɔkwɔ ikwɔ, mmɔ ewɔŋɔ eka ke Obot Olive.

MARK 11:2

Eka ekeduk ke obio iŋwaŋ emi asakde iso ese mbufo, ndien idaha oro nte mbufo edukde ke esit, mbufo eyekut eyen ass emi eyiride, emi akanam owo midoroke enye ke edem: etat enye, eda edi.

MARK 13:3

Ekem nte Enye etiede ke Obot Olive ekem iso ye temple, Peter ye James ye John ye Andrew ebup Enye ke idem mmɔ ete, Sian nnyin ini eke mme ŋkpɔ emi edidide;

MARK 14:13

Ndien Enye osio mbet Esie iba ɔdɔŋ, ete mmɔ, Eduk ke obio, ndien owo kiet, emi obiomde abaŋ mmɔŋ, eyesobo mbufo: etiene enye.

MARK 6:7

Ndien Enye okot mbet Esie duopeba edi, onyuŋ ɔtɔŋɔ ndisio mmɔ iba iba ndɔŋ mmɔ utom: onyuŋ ɔnɔ mmɔ odudu ndikan ndidehe spirit.

JOHN 8:1

Edi Jesus aka ke Obot Olive.

UTOM MME APOSTLE 1:12

Ekem mmɔ eto ke obot emi ekerede Olivet, emi eseherede ɔkpɔŋ Jerusalem isaŋ usen sabbath kiet, efiak edi ke Jerusalem.