MARK 10:43 - Edisana ñwed Abasi Ibom

⁴³ Edi idige ntre ke otu mbufo: edi owo ekededi eke oyomde ndikabare ŋkpon ke otu mbufo eyedi asaŋutom mbufo;

MARK 10:43 ပူးပေါင်းရင်းမြစ်များ

MARK 10:42

Edi Jesus okot mmɔ edi, onyuŋ ɔdɔhɔ mmɔ ete, Mbufo efiɔk ete mmɔ emi owo ebatde nte mme andikara mme Gentile esɔŋ ubɔk ekara mmɔ; ikpɔ owo mmɔ enyuŋ ebre odudu ye mmɔ.

MARK 10:44

owo ekededi eke onyuŋ oyomde ndidi ebe-iso ke otu mbufo eyeduk ufin ɔnɔ kpukpru mbufo.

MARK 9:35

Ndien Enye etetie, okot mbet duopeba edi, onyuŋ ɔdɔhɔ mmɔ ete, Edieke owo ekededi oyomde ndidi ebe iso, enye enyene ndikpere edem, ndinyuŋ nsaŋa utom nnɔ kpukpru mmɔ eken,

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 18:14

Ndɔhɔ mbufo nte, owo emi ɔsuhɔre ɔnyɔŋ ufɔk enyene utebe-ikpe akan enye eken: koro kpukpru owo eke emenerede idem esie, ke eyesuhɔre enye enim; edi owo eke ɔsuhɔrede idem esie, ke eyemenere enye.

LUKE 22:26

Edi inyeneke ndidi ntre ye mbufo: yak enye emi okponde akan ke otu mbufo akabare etie nte eyenɔwɔŋ; enye emi onyuŋ edide etubom akabare etie nte anam-utom.

LUKE 9:48

Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

JOHN 18:36

Jesus ɔbɔrɔ ete, Obio Ubɔŋ Mi idige eke ererimbot emi: edieke Obio Ubɔŋ Mi ekpedide eke ererimbot emi, ikɔt Mi ekpe-ŋwana eŋwan, mbak ediyak Mi esin mme Jew ke ubɔk: edi Obio Ubɔŋ Mi itoho do.

ŊWED MBON ROME 12:2

Ekunyuŋ ekabare ebiet eyo emi, edi eyak mbufo ekpuhɔre, oto ke erinam emi enamde esit mbufo edi obufa, man mbufo edomo efiɔk se uduak Abasi edide, uduak Abasi eke edide eti, onyuŋ enemde owo esit, onyuŋ ɔfɔnde ama.

ŊWED MBON GALATIA 5:13

Nditɔ-ete, ekekot mbufo ete edidi nditɔ-isɔŋ; edi ekuda itie eyen-isɔŋ mbufo eyom ufaŋ enɔ obukidem, edi esaŋa utom enɔ kiet eken ke ima.