MARK 10:27 - Edisana ñwed Abasi Ibom

²⁷ Jesus owuk enyin ese mmɔ, ete, Owo ikemeke ndinam emi, edi Abasi emekeme: koro Abasi emekeme ndinam kpukpru ŋkpɔ.

MARK 10:27 ပူးပေါင်းရင်းမြစ်များ

2 NDIDEM 3:18

Jehovah onyuŋ abat emi ke ekpri ŋkpɔ: enye eyenyuŋ ada Moab esin mbufo ke ubɔk.

2 NDIDEM 7:2

Ndien adidaha owo oro edidem eberede enye ke ubɔk, ɔbɔrɔ owo Abasi, ete, Sese, Jehovah ɔmɔŋ anam window ke ikpa-enyɔŋ! nte ŋkpɔ emi eyesu? Ndien enye ɔdɔhɔ ete, Sese, afo eyekut ke enyin fo, edi ududiaha ke esit.

ŊWED JOB 42:2

baba uduak kiet inyuŋ ikanke fi ubɔk.

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 32:27

Sese, ami Jehovah ndi Abasi ofuri obukidem: nte ŋkpɔ ekededi ɔsɔŋ akan mi?

ZECHARIAH 8:6

Ntem ke Jehovah mme udim ɔdɔhɔ, ete, Koro eyedi utibe ŋkpɔ ke enyin mbio emi esuhɔde ke ini oro: nte eyenyuŋ edi utibe ŋkpɔ ke enyin mi? Jehovah mme udim ɔdɔhɔ.

MATTHEW 19:26

Edi Jesus owuk enyin ese mmɔ, onyuŋ ɔdɔhɔ mmɔ ete, Emi edi se owo mikemeke ndinam edi Abasi emekeme ndinam kpukpru ŋkpɔ.

MARK 10:26

Ndien idem ɔdɔdiɔŋ akpa mmɔ, mmɔ enyuŋ edɔhɔ Enye ete, Anie ekeme ndibɔhɔ ndien?

LUKE 1:37

Koro ikɔ baba kiet eke otode Abasi idinanake odudu.

LUKE 18:27

Edi Jesus ɔdɔhɔ ete, Se isɔŋde ikan owo ikanke Abasi.

ŊWED MBON PHILIPPI 3:21

emi eyetɔŋɔ ntak obot ikpɔhidem nnyin emi odude ke ata usuhɔre-itie, esin ke mbiet idem Esiemɔ emi enyenede ubɔŋ, oto ke odudu Esie, emi Enye ekemede ndida nsuk kpukpru ŋkpɔ nsin ke idak Esie.

MME HEBREW 11:19

sia okonim ete, Abasi ekeme ndisio enye ke otu mme akpa-mkpa nnam enye eset; ndien ke ido ŋke, enye okonyuŋ ɔtɔŋɔ ntak ɔbɔ enye ke mkpa ada.

MME HEBREW 7:25

Ke ntak emi Enye onyuŋ ekeme ndinyaŋa mmɔ emi esaŋade ke Enye ekpere Abasi ɔyɔhɔ-ɔyɔhɔ, sia enye odude uwem ke nsinsi ndinam mkpe-ubɔk nnɔ mmɔ.