MARK 10:1 - Edisana ñwed Abasi Ibom

¹ EKEM Enye adaha ke ebiet oro, edi ke mme adaŋa Judea ye edem Jordan oko; otu owo enyuŋ etɔŋɔ ntak ebono etiene enye: ndien Enye ɔtɔŋ ntak ekpep mmɔ ŋkpɔ, nte akam esinamde.

MARK 10:1 ပူးပေါင်းရင်းမြစ်များ

ECCLESIASTES 12:9

Ndien ŋko-ŋko, koro Ɔkwɔrɔ-ikɔ edide enyene-ibuot owo, enye osuk ekpep mbio-obio ifiɔk; onyuŋ odomo, onyuŋ ɔduŋɔ, onyuŋ otim ediwak ŋke.

JEREMIAH 32:33

Ndien mmɔ ekabare obot itɔŋ enɔ mi, ikabakede iso: okposuk edi nte ŋkpepde mmɔ, mbabak ŋkpep, edi mmɔ ikopke, inyuŋ ibɔhɔ item.

MATTHEW 26:55

Ke ini oro Jesus ɔdɔhɔ mme otu owo ete, Nte mbufo emɔwɔŋɔ edi ye ofut ye eto ndimum Mi nte ŋkpɔ eke ebinede owo ŋwo? Mma ntie ye mbufo ke temple ŋkpep ŋkpɔ ke usen ke usen, edi mbufo imumke Mi.

MATTHEW 4:23

Ndien Jesus asaŋa ke ofuri Galilee, ekpep mme owo ŋkpɔ ke synagogue mmɔ, onyuŋ ɔkwɔrɔ gospel Ubɔŋ Heaven, onyuŋ anam kpukpru oruk ubiak ye kpukpru oruk udɔŋɔ eke enamde mbio-obio ekure.

MARK 1:21

Ekem mmɔ eduk ke Capernaum: ndien idaha oro ke usen sabbath Jesus oduk ke synagogue ekpep owo ŋkpɔ.

MARK 10:2

Ekem mme Pharisee edi edibup Enye ete, mme enen owo ndisio ŋwan esie ndɔ? man edomo Enye.

MARK 12:35

Ekem nte Jesus ekpepde mmɔ ŋkpɔ ke temple, Enye ɔbɔrɔ ete, Nsinam mme scribe edɔhɔde ete Christ edi eyen David?

MARK 14:49

Mma ndu ye mbufo ke temple ŋkpep ŋkpɔ ke usen ke usen, edi mbufo imumke Mi. Edi enam emi man se ewetde ɔkpɔwɔrɔ osu.

MARK 2:13

Ekem Jesus ɔtɔŋɔ ntak ɔwɔrɔ aka ke mben inyaŋ: ndien ofuri otu owo etiene Enye, Enye onyuŋ ekpep mmɔ ŋkpɔ.

MARK 4:2

Ndien Enye ekpep mmɔ ediwak ŋkpɔ ke ŋke, onyuŋ ɔdɔhɔ mmɔ ke erikpep Esie ete, Ekpaŋ utɔŋ.

MARK 6:2

Ndien ke osimde sabbath, Enye ɔtɔŋɔ ndikpep owo ŋkpɔ ke synagogue; ediwak mmɔ eke ekopde Enye enyuŋ edu ke mkpa-idem, ete, Owo emi ada ŋkpɔ emi ke mmɔŋ? Ɔniɔŋ eke enɔde owo emi edi nso, ye oruk utom odudu emi ubɔk Esie anamde?

MARK 6:34

Ndien Jesus ɔwɔrɔ ke ubom okut akwa otu owo, onyuŋ atua mmɔ mbɔm, koro mmɔ ebietde mme erɔŋ eke minyeneke andikpeme: Enye onyuŋ ɔtɔŋɔ ndikpep mmɔ ediwak ŋkpɔ.

MARK 6:6

Ndien Enye eyik abaŋa unana mbuɔtidem mmɔ. Ekem Enye asaŋa akanare obio-iŋwaŋ ekpep owo ŋkpɔ.

JOHN 10:40

Ekem Enye ɔtɔŋɔ ntak adaha ebe Jordan aka ke ebiet emi John okonimde owo baptism ke eritɔŋɔ, onyuŋ etie do.

JOHN 11:7

Ekem ke adaŋemi ini oro ebede, Enye ɔdɔhɔ mbet Esie ete, Eyak nnyin itɔŋɔ ntak ika ke Judaea.

JOHN 18:20

Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?