MARK 1:5 - Edisana ñwed Abasi Ibom

⁵ Ndien mbio ofuri edem Judea, ye kpukpru mme andiduŋ Jerusalem ewɔŋɔ etiene enye, enyuŋ ena baptism ke ubɔk esie ke akpa Jordan, ke eyararede mme idiɔk-ŋkpɔ mmɔ.

MARK 1:5 ပူးပေါင်းရင်းမြစ်များ

ŊWED MME PSALM 32:5

Nyesian fi ndudue mi, ndien ŋkofukke mme ukwaŋ-ŋkpɔ mi. Ŋkɔdɔhɔ nte, Nyetiŋ mme idiɔk ido mi nnɔ Jehovah; ndien afo efen ukwaŋ-ŋkpɔ ye ndudue mi. [Selah.]

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

MATTHEW 4:25

Ndien ata ediwak otu owo eto ke Galilee ye Decapolis ye Jerusalem ye Judaea ye edem Jordan oko esaŋa ye Enye.

MARK 1:4

John oto edi edinim owo baptism ke desert, edinyuŋ ɔkwɔrɔ baptism erikabare esit, man efen mme idiɔk-ŋkpɔ.

MARK 1:6

John esine edisine-ŋkpɔ idet camel, onyuŋ ɔbɔbɔ mbɔbɔ ikpa-unam ke isin, onyuŋ adia ŋkukuŋkpɔyɔriyɔ ye aranɔkwɔk-ikɔt.

JOHN 1:28

Mme ŋkpɔ emi ewɔrɔ ke ŋkaŋ Jordan oko, emi John onimde baptism do.

JOHN 3:23

John ŋko onyuŋ onim baptism ke Aenon emi ekperede Salim, koro mmɔŋ awakde do: ndien mme owo eka do ekana baptism.

JOHN 5:35

John ekedi utuenikaŋ emi asakde onyiuŋ ayamade; mbufo ema enyuŋ enyime ndidara ke uŋwana esie ke ekpri ibio ini.

UTOM MME APOSTLE 19:18

Ediwak mmɔ emi enimde ke akpanikɔ enyuŋ edi editiŋ enyuŋ eyarare se mmɔ ekenamde,

UTOM MME APOSTLE 2:38

Edi Peter ɔbɔrɔ mmɔ ete, Mbufo ekabare esit, enyuŋ ena bpatism, kpukpru mbufo, ke enyiŋ Jesus Christ, man efen mme idiɔk-ŋkpɔ mbufo; ndien mbufo eyebɔ Edisana Spirit nte enɔ.

JAMES 5:16

Mmɔdo eyarare idiɔk-ŋkpɔ mbufo enɔ kiet eken, enyuŋ ebɔŋ akam ebaŋa kiet eken, man ekɔk udɔŋɔ mbufo. Mkpe-ubɔk edinen owo enyene odudu eti-eti ndinam ŋkpɔ.

JOSHUA 7:19

Ndien Joshua ɔdɔhɔ Achan, ete, Mbɔk, eyen mi, kpono Jehovah Abasi Israel, nyuŋ toro enye; nyuŋ men se afo akanamde tiŋ nɔ mi, mbɔk, kudip mi.