MALACHI 4:3 - Edisana ñwed Abasi Ibom

³ Ndien mbufo eyedigi mme idiɔk owo; koro mmɔ eyebiet ntɔŋ ke idak ikpat ukot mbufo, ke usen eke ami ndinamde, Jehovah mme udim ɔdɔhɔ.

MALACHI 4:3 ပူးပေါင်းရင်းမြစ်များ

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

2 SAMUEL 22:39

Nyenyuŋ nsobo mmɔ, nnyuŋ nyibi mmɔ, ndien mmɔ ididahake ke enyɔŋ: mmɔ enyuŋ eduɔŋɔ ema ke idak ikpat.

2 SAMUEL 22:43

Ndien nnuak mmɔ emem nte ntan isɔŋ: ntim mmɔ nte mbat efak, nnyuŋ ndigi mmɔ.

ŊWED JOB 40:12

Se kpukpru se ikoŋde koŋ, nyuŋ suhɔre enye nim; nyuŋ digi mme idiɔk owo ke itie mmɔ.

ŊWED MME PSALM 147:6

Jehovah emenere mbon nsukesit onim ke enyɔŋ: emen mme idiɔk owo ɔduɔk ke isɔŋ.

ŊWED MME PSALM 49:14

Esin mmɔ ke udi nte otu erɔŋ; mkpa eyedia mmɔ; ndien ndinen owo eyekara mmɔ ke usenubɔk; udi eyenyuŋ enyene ndisio mmɔ ke iduŋ mmɔ nsobo mmɔ idem.

ŊWED MME PSALM 91:13

Afo eyedigi lion ye ibɔm: eyetim akparawa lion ye dragon.

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

ISAIAH 26:6

Ukot eyedigi enye, kpa ukot mbon ukut, ye ikpat mme ubuene.

ŊWED ESEME 1:15

Ɔbɔŋ ese kpukpru mbon uko mi ke ufɔt mi ke ndek: enye okot owo esop idem ebaŋa mi, man enuak mkparawa mi. Ɔbɔŋ ama edigi udigi-wine adiaha Judah eyenɔwɔŋ.

EZEKIEL 28:18

Afo ada uwak mme idiɔk ido fo ke ŋkwaŋa-urua fo, asabare edisana ebiet fo; ndien nyesio fi ikaŋ ke ufɔt, ndien enye eyeta fi; ndien nyenam fi akabare edi ntɔŋ ke isɔŋ ke iso kpukpru owo eke ekutde fi.

DANIEL 7:18

Ndien edisana ikɔt Ata Edikoŋ eyeda ubɔŋ, enyuŋ enyene ubɔŋ ke nsinsi ye ke nsinsi-nsinsi.

DANIEL 7:27

Ndien mmɔ eda itie edidem, ye ubɔŋ, ye ukpono itie-edidem ke idak ofuri enyɔŋ enɔ edisana ikɔt Ata Edikoŋ; ubɔŋ esie edi nsinsi ubɔŋ, kpukpru mbɔŋ eyenyuŋ enam ŋkpɔ esie, enyuŋ ekop uyo esie.

MICAH 5:8

Ndien nditɔ Jacob eke esukde eyedu ke otu mme idut, ke ufɔt ediwak obio, nte lion ke otu mme unam akai, mme mkparawa lion ke otu mme udim ŋkpri ufene: emi ke ini enye asaŋade ebe, edigi onyuŋ awai, ndien owo eke anyaŋade iduhe.

MICAH 7:10

Ndien usua mi eyekut, ndien but eyefuk enye emi ɔkɔdɔhɔde mi, ete, Jehovah Abasi fo odu mmɔŋ? Enyin mi eyekut enye: ke emi enye eyedi se edigide nte mbat aŋwa.

ZECHARIAH 10:5

Ndien mmɔ eyebiet mbon-uko eke edigide owo ke ekɔŋ nte mbat efak: mmɔ eyenyuŋ eŋwana ekɔŋ, koro Jehovah odude ye mmɔ: eyenyuŋ esin mme andi-doro horse but.

MALACHI 3:17

Ndien Jehovah mme udim ɔdɔhɔ ete, Mmɔ eyedi ata inyene mi ke usen emi ami ndoride; ndien nyetua mmɔ mbɔm, kpa nte owo atuade eyen esie ke anamde ŋkpɔ ɔnɔ enye mbɔm.

ŊWED MBON ROME 16:20

Ndien ibigike bigi Abasi emem eyedigi Satan anuak ke idak ikpat mbufo. Mfɔn Ɔbɔŋ nnyin Jesus akpakam odu ye mbufo.

ERIYARARE 11:15

Ekem ɔyɔhɔ angel itiaba ofri ukorowo; ndien mkpɔsɔŋ uyo ewɔrɔ ke heaven, mmɔ enyuŋ edɔhɔ ete, Obio ubɔŋ ererimbot emi amakabare edi Obio Ubɔŋ Ɔbɔŋ nnyin ye Christ Esie. Enye eyenyuŋ ada ubɔŋ ke nsinsi-nsinsi.

ERIYARARE 14:20

Ndien edigi mmɔ ke obube udigi-wine ke edem obio; iyip onyuŋ ɔwɔrɔ ke obube udigi-wine ɔdɔk okosim ke ukpaha-inua enaŋ-mbakara, onyuŋ ɔfiɔrɔ osim thousand furlong kiet ye ikie itiokiet.