MALACHI 4:1 - Edisana ñwed Abasi Ibom

¹ KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

MALACHI 4:1 ပူးပေါင်းရင်းမြစ်များ

ŊWED JOB 18:16

Oruŋ esie esat ke idak: enyuŋ ekporo enye ŋkɔk ke enyɔŋ.

ŊWED MME PSALM 119:119

Afo omosobo kpukpru mme idiɔk owo ererimbot nte mbukpeŋ; oro esin ami mma uyo fo.

ŊWED MME PSALM 37:9

Koro eyekpok mme idiɔk owo efep: edi mmɔ eke ebetde Jehovah eyeda isɔŋ enyene.

EXODUS 15:7

Afo omonyuŋ ada akwa ubom ubɔn fo abiat mmɔ emi eŋwanade ye afo: afo ɔdɔŋ iyaresit fo utom: enye atak mmɔ nte etak nnyanyaŋa.

ISAIAH 40:24

Itimke itɔ mmɔ ke isɔŋ ima: ndien enye ofuri mmɔ, ndien mmɔ ekpaŋa, idio eyenyuŋ ɔkpɔri mmɔ efep nte mbio.

ISAIAH 41:2

Anie ekedemere owo ke edem usiaha-utin? Edinen ido eyekot enye edi ke ɔtɔ ukot esie? Eyeda mme idut onim enye ke iso, eyenam enye edigi ndidem; eyeda mmɔ ɔnɔ ofut esie, nte ntan, ɔnɔ utiga esie, nte mbio eke ekpɔride efep.

ISAIAH 47:14

Sese, mmɔ ebiet etak nnyanyaŋa; ikaŋ amata mmɔ, mmɔ idikemeke ndisio idem mmɔ ke ubɔk edemikaŋ: ebok ikaŋ eke owo ewebede iduhe, ikaŋ eke owo etiede enye ke iso iduhe.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

ISAIAH 9:18

Koro idiɔk ido asakde nte ikaŋ: enye ata akpap ye ikɔt ŋkukim, onyuŋ obubere ke mfuhɔ akai, ndien mmɔ edɔk ke enyɔŋ, nte nsuŋikaŋ eke emenerede.

ISAIAH 9:19

Iyaresit Jehovah esin isɔŋ okim, mbio-obio enyuŋ ebiet udia ikaŋ: kiet iyakke kiet ɔbɔhɔ.

EZEKIEL 20:38

ndien nyekpɔri mbon nsɔŋ-ibuot ke otu mbufo mfep, ye mmɔ emi eduede mi: nyesio mmɔ ke isɔŋ emi mmɔ eduŋde ke esit, ndien mmɔ ididukke ke isɔŋ Israel. Ndien mbufo eyefiɔk ete ke ami ndi Jehovah.

EZEKIEL 21:32

Afo eyedi ifia ikaŋ; iyip fo eyedu ke ufɔt isɔŋ; iditihi aba fi: koro ami Jehovah ndɔhɔ.

EZEKIEL 24:11

Ndien da enye ukpɔk tem ke ebok ikaŋ esie, man idem okpoho esie ofiop, onyuŋ ɔfɔbɔ, man ndek esie onyuŋ atara ke esit, man enyuŋ ema mbukpeŋ esie.

EZEKIEL 34:17

Ntem ke Ɔbɔŋ Jehovah onyuŋ ɔdɔhɔ, ete, Ndien mbufo ufene mi, sese, ami nyekpe ikpe ke ufɔt erɔŋ ye erɔŋ, ye ke ufɔt mme okukim ye mme okpo.

EZEKIEL 7:10

Se usen: sese, emedi: usiere ɔmɔwɔrɔ: eto emesehe: iseri amasiaha ikɔŋ.

JOEL 2:1

MBUFO efuri ukorowo ke Zion, enyuŋ eduat ke edisana obot mi: yak kpukpru mme andiduŋ isɔŋ enyek idem: koro usen Jehovah emedi, koro emekpere; usen ekim,

JOEL 2:31

Utin eyekabare edi ekim, ɔfiɔŋ eyenyuŋ akabare edi iyip, ke akwa usen Jehovah emi enyenede ndik mikaidige.

AMOS 2:9

Ndien ami ŋkebin mme Amorite ke iso mmɔ mfep, emi idaha mmɔ okoŋde nte cedar, mmɔ enyuŋ esɔŋ nte ofriyo; ndien ŋkosobo mfri esie ke enyɔŋ, ye oruŋ ke idak.

OBADIAH 1:18

Ndien ufɔk Jacob eyedi ikaŋ, ufɔk Joseph eyenyuŋ edi edeme-ikaŋ, ufɔk Esau eyenyuŋ edi mbio, ndien mmɔ eyesak ke esit, enyuŋ eta mmɔ; ndien baba ŋkpɔ kiet idisuhɔke inɔ ufɔk Esau; koro Jehovah ɔdɔhɔ.

NAHUM 1:10

Koro ke ini mmɔ esuk ebebari nte ikɔt ŋkukim, enyuŋ eŋwɔŋ wine ekpa, eyeta mmɔ nte etak nnyanyaŋa eke asatde ama.

ZEPHANIAH 1:14

Akwa usen Jehovah emekpere, emekpere, eyenyuŋ ɔsɔp eti-eti, uyo usen Jehovah; do ke owo uko atua idiɔk-idiɔk.

ZEPHANIAH 1:18

Ndien silver mmɔ ye gold mmɔ idikemeke ndinyaŋa mmɔ baba ke usen ifuresit Jehovah: edi ofuri idut eyeta ikaŋ ufup esie; koro enye eyenam kpukpru mme andiduŋ isɔŋ ama ke iwiwa.

ZECHARIAH 14:1

SESE, usen Jehovah ke edi, ndien mmɔ eyedeme mbume fo ke ufɔt fo.

MALACHI 3:15

Ndien ke emi nnyin ibat ite ke ɔfɔn ye mbon iseri; enyuŋ efori mme anam-idiɔk ŋko; mmɔ enyuŋ edomo Abasi ŋko, ndien ebɔhɔ.

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

MALACHI 3:2

Edi anie ekeme ndiyɔ usen eridi esie? Anie owo ekeme ndida ke ini enye ayararede idem esie? Koro enye ebietde ikaŋ usɔ-gold, onyuŋ ebiet soap mme ɔdiɔŋ-ɔfɔŋ:

MALACHI 3:3

enye onyuŋ etie etem silver onyuŋ anam asana: onyuŋ anam nditɔ Levi esana, onyuŋ ɔdiɔŋ mmɔ nte gold ye silver, man mmɔ ewa uwa enɔ Jehovah nte enende.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 3:12

Usakŋkpɔ Esie odu Enye ke ubɔk, Enye eyenyuŋ anam itie-ubekibokpot Esie otim asana, onyuŋ obon ibokpot Esie ke ubet, edi eyefɔp mbio ke ikaŋ eke midinimeke.

LUKE 19:43

Koro mme usen eyesim fi eke mme asua fo edibotde ibombom ekanare fi, ekan fi ekuk, enyuŋ ebaha fi ke kpukpru ŋkaŋ;

LUKE 21:20

Edi ke adaŋemi mbufo edikutde nte mbon-ekɔŋ ekande Jerusalem ekuk, efiɔk ndien ete, ŋwure esie ke ekpere.

LUKE 6:23

Edara ke usen oro, enyuŋ efrɔ ke idaresit: koro, sese, utip mbufo ke heaven omokpon; koro mme ete mmɔ ekenam kpasuk ntre ye mme prophet.

2 ŊWED THESSALONICA 1:8

Edisio usiene ɔnɔ mmɔ emi mifiɔkke Abasi minyuŋ isukke ibuot inɔ gospel Ɔbɔŋ nnyin Jesus;

2 PETER 3:7

Edi ama edi ikpa-enyɔŋ ye isɔŋ emi edude ke emi, ikɔ Abasi okomum mmɔ onim ɔnɔ ikaŋ; ekpeme mmɔ enim enɔ usen eke Abasi edikpede ikpe ye mmɔ emi mibakke Enye, edinyuŋ osobo mmɔ.