MALACHI 3:8 - Edisana ñwed Abasi Ibom

⁸ Nte owo okpotuk Abasi, koro mbufo etukde mi? Ndien mbufo edɔhɔ ete, Nnyin ikotuk fi ke nso? Ke ɔyɔhɔ mbak ŋkpɔ duop ye ke edimenere uwa.

MALACHI 3:8 ပူးပေါင်းရင်းမြစ်များ

ŊWED MME PSALM 29:2

Enɔ Jehovah ubɔŋ enyiŋ esie; etuak ibuot enɔ Jehovah ke uyai edisana ido.

MME ŊKE 11:24

Enyene owo eke asuande, ndien enye ɔdɔdiɔŋ ɔtɔt; ndien owo eke afamde akan nte enende, osuk akabare obuene.

ISAIAH 43:23

Afo ukadaha ŋkpri ufene ufɔp uwa fo usɔk mi, ukonyuŋ ukponoke mi ke mme uwa emem fo. Ŋkesinke fi anam ŋkpɔ mi ke uwa, nnyuŋ nsinke incense efek fi.

LEVITICUS 19:25

Ndien edia mfri esie ke ɔyɔhɔ isua ition, man mbuŋwum esie ɔtɔt ɔnɔ mbufo: ami ndi Jehovah Abasi mbufo.

ZECHARIAH 5:3

Ndien enye ɔdɔhɔ mi, ete, Emi edi isuŋi eke ɔwɔrɔde asaŋa ke iso ofuri isɔŋ: koro eyesɔhi kpukpru inɔ ke edem emi efep, nte enye asaŋade; enyuŋ esɔhi kpukpru owo eke etomode ke edem eken efep,

MALACHI 1:13

Mbufo enyuŋ edɔhɔ, ete, Sese, ke efek owo didie! Mbufo enyuŋ ebat enye ke mbio, Jehovah mme udim ɔdɔhɔ; mbufo enyuŋ eda ŋkpɔ ŋkanubɔk, ye mbuŋɔ, ye se idɔŋɔde, edi, enyuŋ eda inuak-udia edi: nte nyenyime ndibɔ enye ke ubɔk mbufo? Jehovah ɔdɔhɔ.

MALACHI 1:8

Ndien ke ini mbufo edade nnan edi ediwa, nte idiɔkke? Ndien ke ini mbufo edade mbuŋɔ ye eke ɔdɔŋɔde udɔŋɔ edi, nte idiɔkke? Da enye naŋa sɔk ɔbɔŋ fo; nte enye edinem esit ye afo? Nte enye edinyuŋ okpono iso fo? Jehovah mme udim ɔdɔhɔ.

MATTHEW 22:21

Mmɔ ete, Enyene Caesar. Ekem Enye ɔdɔhɔ mmɔ ete, Enɔ Caesar ndien ŋkpɔ eke enyenede Caesar; enyuŋ enɔ Abasi ŋkpɔ eke enyenede Abasi.

MARK 12:17

Jesus ete mmɔ, Enɔ Caesar se inyenede Caesar, enyuŋ enɔ Abasi se inyenede Abasi. Ndien akpa mmɔ idem eti-eti ye Enye.

LUKE 20:25

Edi Enye ɔdɔhɔ mmɔ ete, Enɔ Caesar ndien se inyenede Caesar, enyuŋ enɔ Abasi se inyenede Abasi.

ŊWED MBON ROME 13:7

Enɔ kpukpru owo se idide udeme mmɔ: eda utomo enɔ mmɔ emi ekpebɔde utomo; eda utip enɔ mmɔ emi ekpebɔde utip; efehe mmɔ emi edotde ndik; ekpono mmɔ emi edotde ukpono.

ŊWED MBON ROME 2:22

afo emi ɔdɔhɔde ete owo okusin efibe, nte emesin efibe? afo emi abatde ndem ke mbubiam, nte omowo ŋwo ke mme temple?

JOSHUA 7:11

Israel ama anam idiɔk ŋkpɔ, mmɔ ema enyuŋ ebiat ediomi mi emi ŋkowukde mmɔ; ema enyuŋ eda ndusuk ŋkpɔ nsobo, enyuŋ eyip, enyuŋ edip, enyuŋ esin ke otu ŋkpɔ mmɔ