MALACHI 3:7 - Edisana ñwed Abasi Ibom

⁷ Toto ke eyo mme ete mbufo, mbufo emekabare ekpɔŋ mme ewuhɔ mi, inyuŋ inimke: mbufo ekabare etiene mi, ndien ami nyekabare ntiene mbufo, Jehovah mme udim ɔdɔhɔ. Ndien mbufo ebup ete, Nnyin idida nso ifiak?

MALACHI 3:7 ပူးပေါင်းရင်းမြစ်များ

NEHEMIAH 9:26

Ekem mmɔ emiom, emiom, enyuŋ esɔŋ ibuot ye afo, enyuŋ emen ewuhɔ fo eduɔk ke edem mmɔ, enyuŋ ewot mme prophet fo oro ekesuade enɔ mmɔ, ete ida mmɔ ifiak isɔk fi, mmɔ enyuŋ enam ikpɔ ŋkpɔ but.

ISAIAH 65:2

Ke ofuri usen ke nnyanare ubɔk mi nnɔ mbon nsɔŋ-ibuot, emi esaŋade ke usuŋ eke mifɔnke, ebine ekikere idem mmɔ;

JEREMIAH 16:11

Ndien dɔhɔ mmɔ, ete, Jehovah ɔdɔhɔ ete, Koro mme ete mbufo ekekpɔŋde mi, enyuŋ ebinede abasi efen, ekenyuŋ enamde ŋkpɔ enɔ mmɔ, enyuŋ etuakde ibuot enɔ mmɔ, ekenyuŋ ekpɔŋde mi, mikonyuŋ inimke mme ewuhɔ mi;

JEREMIAH 16:12

ndien mbufo ediɔk ndinam ekan mme ete mbufo: ndien, sese, mbufo kiet kiet etiene itun idiɔk esit mbufo, inyuŋ ikopke uyo mi:

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 7:25

Ɔtɔŋɔde ke usen oro mme ete mbufo eketode ke Egypt edi, tutu osim mfin emi, mma nnyuŋ ndɔŋ kpukpru ikɔt mi mme prophet utom ke ɔtɔ mbufo, kpukpru usen mbabak ndɔŋ:

JEREMIAH 7:26

ndien mmɔ ikopke uyo mi, inyuŋ ikpaŋke utɔŋ mmɔ, edi esɔŋ obot-itɔŋ mmɔ: ediɔk ekan mme ete mmɔ.

EZEKIEL 2:3

Ndien enye ɔdɔhɔ mi, ete, Eyen owo, ami mmɔŋ ndɔŋ fi utom ke ɔtɔ nditɔ Israel, ke ɔtɔ mbon idut enyene nsɔŋ-ibuot emi esɔŋɔde ibuot ye ami: mmɔ ye mme ete mmɔ emenam idiɔk ye ami, tutu osim idem mfin emi.

EZEKIEL 20:13

Ndien ufɔk Israel esɔŋ ibuot ye ami ke wilderness: mmɔ isaŋake ke mme ewuhɔ mi, edi esin mme item mi, emi owo ama anam mmɔ, owo eyedu uwem ke esit; mmɔ enyuŋ esabare mme sabbath mi eti-eti: ndien ndɔhɔ nte ke nyeŋwaŋa mmɔ ifuresit mi ke idem ke wilderness man nsobo mmɔ.

EZEKIEL 20:21

Ndien nditɔ oro esɔŋ ibuot ye ami: mmɔ isaŋake ke mme ewuhɔ mi, inyuŋ inimke mme item mi, inyuŋ inamke mmɔ, emi owo ama anam mmɔ, owo eyedu uwem ke esit; mmɔ ebiat mme sabbath mi. Ndien ami ndɔhɔ nte, Nyeŋwaŋa mmɔ ifuresit mi ke idem, man mma iyaresit mi ke idem-mmɔ ke wilderness.

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 20:8

Ndien mmɔ esɔŋ ibuot ye ami, inyuŋ inyimeke ndikop uyo mi: baba owo kiet imenke ŋkpɔ ndek ke enyin esie iduɔk, inyuŋ ikpɔŋke ibɔk Egypt: ndien ndɔhɔ nte ke nyeŋwaŋa mmɔ ifuresit mi ke idem, man mma iyaresit mi ke idem mmɔ ke ufɔt isɔŋ Egypt.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

ZECHARIAH 1:3

Dɔhɔ mmɔ, ndien, ete, Ntem ke Jehovah mme udim ɔdɔhɔ ete, Mbufo ekabare etiene mi, Jehovah mme udim ɔdɔhɔ, ndien ami nyekabare ntiene mbufo, Jehovah mme udim ɔdɔhɔ.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MALACHI 3:13

Jehovah ɔdɔhɔ ete, Mbufo emesɔŋɔ uyo ye ami. Ndien mbufo ke ebup, ete, nnyin idɔhɔ didie idian fi?

MATTHEW 23:27

Eyedɔdiɔk ɔnɔ mbufo, mme scribe ye mme Pharisee, mbon mbubik! koro mbufo ebietde udi eke eyetde ndom, eke eyede ndise edem-edem, edi ke esit-esit eyɔhɔde ye mme okpo mme akpa-mkpa ye kpukpru ndek.

LUKE 15:16

Enye onyuŋ oyom ndidia ikpɔk udia, eke mme edi ediade, nyuhɔ; owo inyuŋ inɔŋɔ enye ŋkpɔ.

ŊWED MBON ROME 10:21

Edi enye ɔdɔhɔ abaŋa Israel ete, Mmanyanare ubɔk Mi ofuri usen ŋkot mbon nsɔŋ-ibuot emi enenide eneni.

ŊWED MBON ROME 10:3

Koro sia mmɔ mifiɔkke edinen ido Abasi, enyuŋ eyomde ndinam edinen ido idem mmɔ ɔsɔŋɔ ada, mmɔ inyimeke ndisuk idem nnɔ edinen ido Abasi.

ŊWED MBON ROME 7:9

Mma ndu uwem tutuko ke ini nnanade ibet: edi ke adaŋemi item edide, idiɔk-ŋkpɔ ɔwɔrɔ owut idem, ndien ami ŋkpa: mmonyuŋ ŋkut nte item,

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

JAMES 4:8

esaŋa ekpere Abasi, ndien enye eyesaŋa ekpere mbufo. Eyet ubɔk mbufo esana, mbufo mme anam-idiɔk: enyuŋ enam esit mbufo esana, mbon esit iba.