MALACHI 3:5 - Edisana ñwed Abasi Ibom

⁵ Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MALACHI 3:5 ပူးပေါင်းရင်းမြစ်များ

GENESIS 20:11

Ndien Abraham ɔdɔhɔ, ete, Koro ŋkɔdɔhɔde, nte, Baba uteŋe Abasi iduhe ke ebiet emi; ndien eyewot mi ebaŋa

GENESIS 42:18

Ekem, ke ɔyɔhɔ usen ita, Joseph ɔdɔhɔ mmɔ ete, Mbufo enam ŋkpɔ emi edu uwem; ami mfefehe Abasi.

NEHEMIAH 5:15

Edi ama edi mbemiso mme andikara oro ekebemde mi iso, mmɔ eketuk mbio-obio, enyuŋ ebɔ mmɔ uyo ye wine, ekɔrɔ ye shekel silver aba. Ikɔt mmɔ ŋko enyuŋ ekara mbio-obio.

ŊWED JOB 31:12

Koro emi edide ikaŋ eke atade tutu osobo, okponyuŋ odibere ofuri mbuŋwum mi.

ŊWED JOB 7:2

Kpa nte ofin eke mfut ɔdɔŋde, ye anam-utom ke okuk, eke odoride enyin ke utip esie:

ŊWED MME PSALM 36:1

IDIƆK ɔdɔhɔ idiɔk owo ke ɔwɔŋ esit esie: baba uteŋe Abasi iduhe enye ke iso.

ŊWED MME PSALM 81:8

Mbufo ikɔt mi ekop, ndien nyewuk mbufo: O Israel, mbufo ema ekop uyo mi;

ŊWED MME PSALM 96:13

Koro enye edide; koro enye edide ndikpe ikpe ererimbot: enye eyekpe ekondo ke edinen ido, ye mme idut ke akpanikɔ esie.

ŊWED MME PSALM 98:9

ke iso Jehovah; koro enye edide ndikpe ererimbot: enye eyekpe ekondo ke eti ido, ye mme idut nte enende.

EXODUS 1:17

Edi mme omum uman oro ebak Abasi, ndien inamke nte edidem Egypt ɔkɔdɔhɔde mmɔ, edi enim nditɔ-iren uwem.

EXODUS 18:21

Afo nyuŋ mek mbon ikike ke otu kpukpru owo, owo eke ebakde Abasi, mbon akpanikɔ eke esuade ŋwo: nyuŋ dori mmɔ ete edi mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop.

EXODUS 20:7

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

EXODUS 22:20

Yak esobo owo eke awade uwa ɔnɔ ndem, ke mibɔhɔke Jehovah ikpɔŋ-ikpɔŋ.

MME ŊKE 16:6

Ima ye akpanikɔ esio isop idiɔk ido: uteŋe Jehovah onyuŋ esin owo akabare ɔkpɔŋ idiɔk.

MME ŊKE 8:13

Uteŋe Jehovah edi ndisua idiɔk, ye iseri, ye iseŋ, ye idiɔk ido: ami nnyuŋ nsua abak inua.

ISAIAH 57:3

Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.

JEREMIAH 23:10

Koro mme esin-efibe eyɔhɔde ke isɔŋ; koro isɔŋ atuade abaŋa isuŋi; mbiet wilderness emesat, ndien ido mmɔ ɔdiɔk, odudu mmɔ inyuŋ inenke.

JEREMIAH 27:10

koro mmɔ etiŋde nsu-nsu o-prophecy enɔ mbufo, man esin mbufo edaŋa ekpɔŋ mme obio mbufo anyan ebiet, man ami nnyuŋ mbin mbufo mfep, mbufo enyuŋ etak.

JEREMIAH 27:9

Mbufo ekukop ndien mme prophet mbufo ye mbia-idiɔŋ mbufo, ye mme adaba ndap mbufo, ye mbia-inuen mbufo, ye mme nsaŋa ekpo mbufo, emi edɔhɔde mbufo, ete, Mbufo idikabakare idi ikɔt edidem Babylon:

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

JEREMIAH 42:5

Ndien mmɔ edɔhɔ Jeremiah, ete, Yak Jehovah edi ata akpan ntiense akpanikɔ ke ufɔt nnyin, ete ke nnyin iditreke ndinam kpukpru ikɔ emi Jehovah Abasi fo ɔdɔŋde fi utom ke ɔtɔ nnyin abaŋa.

JEREMIAH 5:2

Ndien okposuk edi nte mmɔ edɔhɔde ete, Ma uwem Jehovah; mmɔ itreke nditomo nsin ke nsu.

JEREMIAH 5:29

Jehovah ɔdɔhɔ ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

LEVITICUS 19:13

Kutuk mbɔhɔiduŋ fo: kunyuŋ nbume enye: kunyuŋ unam ŋkpɔ-eyen-utom owo eke afo ekpede, adaŋ ye afo tutu eyo esiere.

LEVITICUS 20:10

Ndien ŋko ama edi owo eke okotde ŋwan owo, eke okotde ŋwan mbɔhiduŋ esie, okot ŋwan ye ŋwan emi enye okotde enyene ndikpa.

LEVITICUS 20:27

Ndien ŋko eren mme ŋwan, eke ekpo odude mmɔ ke idem, mme eke edide abia-idiɔŋ, enyene ndikpa mkpa: yak etɔŋɔ mmɔ ke itiat; iyip mmɔ ɔsɔp mmɔ.

LEVITICUS 20:6

Ndien ŋko ama edi ukpɔŋ eke akabarede etiene ekpo, ye mbia-idiɔŋ, onyuŋ etienede mmɔ anam use, nyewuk iso mi nse ukpɔŋ oro, nnyuŋ nsibe enye ke otu mbio-obio mmɔ mfep.

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

HABAKKUK 1:12

Nte afo udige Jehovah edisana Abasi mi toto ko? Nnyin idikpaha. O Jehovah, afo onim mmɔ ɔnɔ ikpe; O akwa itiat, afo owuk mmɔ onim ɔnɔ nduari.

ZECHARIAH 11:12

Ndien ndɔhɔ mmɔ, nte, Ama ɔfɔn mbufo ke enyin, mbufo enɔ mi utip mi: midige ntre, mbufo etre ndinɔ. Ndien mmɔ edomo shekel silver edip ye duop enɔ ke utip mi.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MALACHI 2:14

Koro Jehovah edide ntiense ke ufɔt fo ye ŋwan uyen fo, emi afo abiaŋade enye, okposuk edi nte enye edi nsaŋa fo ye ŋwan ediomi fo.

MALACHI 2:17

Mbufo emefek Jehovah ke ikɔ mbufo: ndien mbufo edɔhɔ ete, Nnyin ifek enye ke nso? Koro mbufo edɔhɔde ete, Kpukpru mmɔ eke enamde idiɔk efɔn ke iso Jehovah, mmɔ enyuŋ enem enye esit: edɔhɔ ete, Abasi ikpe odu mmɔŋ?

LUKE 23:40

Edi anam-idiɔk eken ɔbɔrɔ, asua ɔnɔ enye, ete, Nte afo ufeheke Abasi, emi afo odude kpa ke ubiom-ikpe oro?

ŊWED MBON ROME 3:8

nsinyuŋ ikpan nnyin ndinam idiɔk man ufɔn ɔwɔrɔ? (nte edoride nnyin ikɔ ke edem, ndusuk owo enyuŋ edɔhɔde ete ke nnyin itiŋ ntem). Mmɔ emi etiŋde ntem edot ubiom-ikpe.

DEUTERONOMY 15:13

Ndien adaŋemi afo osiode enye ke ufin fo efep, kuyak enye asaŋa ubɔk-ubɔk:

DEUTERONOMY 18:10

Kuyak ekut owo ke otu fo eke adade eyen-eren esie, mme eyen esie aŋwan esin ke ikaŋ kuyak ekut abia-idiɔŋ, ye abia-inuen, ye abiamfa, ye abia-ibɔk,

DEUTERONOMY 24:17

Kuyut ikpe esen owo, mme eke eyen-akpa; kunyuŋ uda ɔfɔŋidem ebe-akpa ke ubiɔŋ:

DEUTERONOMY 27:19

Ɔdɔdiɔk ɔnɔ owo eke oyutde ikpe esen owo, ye eyen-akpa, ye ebe-akpa. Ndien yak kpukpru owo edɔhɔ ete, Amen.

DEUTERONOMY 5:11

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

1 ŊWED THESSALONICA 4:6

Owo baba kiet okubiat ewuhɔ, otuk eyen-ete esie ke ŋkpɔ emi; koro Ɔbɔŋ eyesio usiene ke kpukpru idiɔk-ŋkpɔ emi, nte nnyin ikebemde iso idɔhɔ inyuŋ itim iteme mbufo.

MME HEBREW 13:4

Yak kpukpru owo ebat ndɔ ke ŋkpɔ eke ekponode ekunyuŋ esabare bed ndɔ; koro Abasi eyekpe ikpe ye mbon use ye mme esin-efibe.

JAMES 5:12

Akpa-akpan, nditɔ-ete mi, ekutomo ŋkpɔ. Ekutomo enyɔŋ, mme isɔŋ mme baba ŋkpɔ efen.Edi yak Ih mbufo edi Ih, Ih mbufo onyuŋ edi Ih, mbak ikpe edibiom mbufo.

JAMES 5:4

Sese, utip mbio-utom emi edɔkde idɔk ke iŋwaŋ mbufo, eke mbufo emumde ekama ke ŋkanubɔk, ke ofofiori; eseme mbon-idɔk omonyuŋ oduk Ɔbɔŋ mme udim ke utɔŋ.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.

ERIYARARE 22:15

Mme ebua edu ke edem obio, ye mme abia idiɔŋ, ye mbon use, ye mme owot owo, ye mme okpono ndem, ye kpukpru owo eke emade nsu, enyuŋ esude nsu.