MALACHI 3:18 - Edisana ñwed Abasi Ibom

¹⁸ Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.

MALACHI 3:18 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

ŊWED JOB 17:10

Edi ama edi mbufo kpukpru, mbɔk, mbufo efiak edi, ndien ndikwe baba eti-ibuot owo kiet ke otu mbufo.

ŊWED JOB 6:29

Mbufo efiak edem, mbɔk, ekuyak se minenke odu; efiak edem, mbɔk, mmenen ke esit.

EXODUS 11:7

Edi baba ebua kiet iditopke edeme esie ise baba eyen Israel kiet, ke owo ye ke ufene; man mbufo efiɔk nte Jehovah adianarede nditɔ Egypt ye Israel.

JEREMIAH 12:15

Ndien ama ekem ke adaŋemi ndiberede mmɔ mma, nyetɔŋɔ ntak ntua mmɔ mbɔm, nnyuŋ nda mmɔ mfiak kiet kiet ke udeme mmɔ, ye kiet kiet ke obio mmɔ.

DANIEL 2:18

Yak mmɔ ebeŋe Abasi enyɔŋ mbɔm ebaŋa ndibe ŋkpɔ emi, man ekusobo Daniel ye mme nsaŋa esie ke otu mme ɔfiɔk ŋkpɔ owo Babylon efen.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”

MATTHEW 25:46

Ekem mmɔ oro eyedaha ekoduk ke nsinsi ufen; edi ndinen owo eyeduk ke nsinsi uwem.

JOHN 12:26

Edieke owo ekededi anamde ŋkpɔ ɔnɔ Mi, yak enye etiene Mi; ndien ebiet eke Ami ndude, asaŋutom Mi edidu do ŋko. Edieke owo anamde ŋkpɔ ɔnɔ Mi, Ete Mi eyekpono enye.

UTOM MME APOSTLE 16:17

Enye etiene Paul ye nnyin ke edem, ofiori ete, Mmɔ emi edi ikɔt Abasi Andikoŋ-ŋkan, emi ekwɔrɔde usuŋ erinyaŋa enɔ mbufo.

UTOM MME APOSTLE 27:23

Koro angel Abasi, emi ndide owo Esie, nnyuŋ nnamde ŋkpɔ nnɔ Enye, akada mi ke ŋkaŋ okoneyo mkpɔŋ, onyuŋ ɔdɔhɔ mi ete, Paul, kufehe ndik;

ŊWED MBON ROME 1:9

Koro Abasi, emi ndade spirit mi nnam ŋkpɔ nnɔ Enye ke gospel Eyen Esie, edi ntiense ɔnɔ mi, adaŋa nte mmendopke ndisiak enyiŋ mbufo ke akam mi kpukpru ini,

1 ŊWED THESSALONICA 1:9

Mme owo ke idem mmɔ etaŋa oruk eriduk eke nnyin ikodukde ke otu mbufo; ye nte mbufo ekɔkpɔŋde ndem ewɔŋɔre etiene Abasi, ete inam ŋkpɔ inɔ Ata Abasi emi odude uwem,

JOSHUA 24:15

ndien enam ŋkpɔ Jehovah. Edi mbufo mimaŋa ndinam ŋkpɔ Jehovah, emek ke idem mbufo ndien, mfin emi, enye eke mbufo edinamde ŋkpɔ esie: edide mme abasi emi mme ete mbufo, emi edude ke edem akpa oko, enamde ŋkpɔ enɔ mmɔ, onyuŋ edide mme abasi mme Amorite emi mbufo eduŋde ke isɔŋ mmɔ: edi ama edi ami ye ufɔk mi, nnyin iyenam ŋkpɔ Jehovah.