MALACHI 3:16 - Edisana ñwed Abasi Ibom

¹⁶ Ndien mme abak Jehovah eneme kiet ye kiet: ndien Jehovah akpaŋ utɔŋ, onyuŋ okop, mmɔ enyuŋ ewet ŋwed eriti ke iso esie enɔ mme abak Jehovah ye mme ekere enyiŋ esie.

MALACHI 3:16 ပူးပေါင်းရင်းမြစ်များ

GENESIS 22:12

Ndien enye ɔdɔhɔ ete, Kuda ubɔk fo utuk eyen oro, kunyuŋ unam enye baba ŋkpɔ kiet: koro ke emi ke mfiɔk nte afo efefehe Abasi, afo unyuŋ usinke mi eyen fo kierakiet.

2 SAMUEL 7:1

EDIKEM adaŋemi edidem etiede ke ufɔk esie, ke Jehovah ama okonyuŋ ɔnɔ enye nduɔk-odudu ɔbɔhɔ kpukpru mme asua esie emi ekande enye ekuk;

1 NDIDEM 18:12

Ndien ama ekem ke ini ami ndinyɔŋɔde ŋkpɔŋ fi, spirit Jehovah eyemen fi aka ke ebiet eke mmendifiɔkke; ndien ke ini ŋkade ŋketiŋ nnɔ Ahab, ndien enye midikwe fi, enye eyewot mi; edi owo fo edi andibak Jehovah toto ke ini uyen mi.

1 NDIDEM 18:3

Ekem Ahab okot Obadiah, emi edide etubom ufɔk esie. (Ndien Obadiah abak Jehovah eti-eti:

2 CHRONICLES 6:7

Ndien okodu David ete mi ke esit ndibɔp ufɔk nnɔ enyiŋ Jehovah Abasi Israel:

NEHEMIAH 1:11

Mbɔk, O Ɔbɔŋ, kpaŋ utɔŋ fo ke mkpeubɔk owo fo, ye ke mkpeubɔk ikɔt fo emi emade ndibak enyiŋ fo: mbɔk, nyuŋ nam owo fo okut unen mfin emi nyuŋ nam owo emi atua enye mbɔm. Ndien ami ndi akama-wine edidem.

ESTHER 2:23

Ekem adaŋemi mmɔ edomode ikɔ oro, mmɔ eyarare: mmɔdo eyiride mmɔ mbiba ke eto: enyuŋ ewet enye esin ke ŋwed ikɔ obio ke iso edidem.

ESTHER 6:1

KE okoneyo oro, edidem ikwe nte edede idap; ndien enye ɔdɔhɔ, ete eda ŋwed emi ewetde ŋkpɔ kpukpru usen: ndien ekot mmɔ ke iso edidem.

ŊWED JOB 28:28

Ndien Enye ɔdɔhɔ owo, ete, Sese, ndibak Ɔbɔŋ edi eti ibuot, ndinyuŋ ŋkabare ŋkpɔŋ idiɔk edi asian.

ŊWED MME PSALM 10:4

esin Jehovah ke ndek. Idiɔk owo ke akwa iseri esie idiyomke (Abasi): “Abasi iduhe” edi ofuri ekikere esie.

ŊWED MME PSALM 104:33

Nyekwɔ nnɔ Jehovah ke ofuri uwem mi: nyetoro Abasi mi adaŋa ini nte ndude.

ŊWED MME PSALM 111:10

Uteŋe Jehovah edi eritɔŋɔ ifiɔk: kpukpru mmɔ eke enamde mmɔ enyene eti ibuot. Itoro esie ebigi ke nsinsi.

ŊWED MME PSALM 115:13

Eyediɔŋ mmɔ eke ebakde Jehovah, ye ŋkpri ye ikpɔ.

ŊWED MME PSALM 119:63

Ami ndi nsaŋa kpukpru mmɔ eke ebakde fi, ye eke mmɔ emi enimde item fo.

ŊWED MME PSALM 139:4

Koro baba ikɔ kiet miduhe mi ke edeme; sese, Jehovah, afo ɔmɔfiɔk mmɔ kpukpru.

ŊWED MME PSALM 147:11

Mmɔ eke ebakde Jehovah, ye mmɔ eke edoride enyin ke ima esie, enem enye esit.

ŊWED MME PSALM 16:3

se ifɔnde ye ami ibehe fi. Kpa ntre ye ndisana owo emi edude ke isɔŋ, ye ata nti owo emi ofuri idaresit mi otode mmɔ.

ŊWED MME PSALM 20:7

Ndusuk ebure ke chariot, ndusuk ke horse: edi nnyin iyebure ke enyiŋ Jehovah Abasi nnyin.

ŊWED MME PSALM 33:18

Sese, Jehovah etiŋ enyin ke idem mmɔ eke ebakde enye, ye mmɔ eke edoride

ŊWED MME PSALM 34:15

Enyin Jehovah ese mbon eti ido, utɔŋ esie onyuŋ ɔbiɔŋɔ ɔnɔ eseme mmɔ.

ŊWED MME PSALM 56:8

Afo omobuk eriyo mi: da mmɔŋeyet mi sin ke ekpeme fo: nte mmɔ iduhe ke ŋwed fo?

ŊWED MME PSALM 56:9

Ndien mme asua mi eyefiak edem ke usen eke ndisemede: mmɔfiɔk emi, koro Abasi adade ye ami.

ŊWED MME PSALM 66:16

Kpukpru mbufo emi ebakde Abasi, edi edikop, ndien nyesian mbufo se enye akanamde ye ukpɔŋ mi.

ŊWED MME PSALM 94:19

Ke uwak ekikere emi odude mi ke esit ndɔŋesit fo enem mi esit.

EXODUS 32:32

Afo akpakam efen idiɔk ido mmɔ ndien mmunyimeke, mbɔk, sɔhi mi fep ke ŋwed fo emi afo ewetde.

MME ŊKE 13:20

Owo eke asaŋade ye mme enyene-ibuot eyenyene ibuot: edi nsaŋa mbon ndisime eyediɔŋ ɔdiɔk.

ISAIAH 26:3

Ama edi esit eke eberede (Fi), afo eyekpeme enye ke emem emem: koro enye ɔbuɔtde idem esie ye afo.

ISAIAH 26:8

Nnyin ŋko imebet fi, O Jehovah, ke usuŋ mme ikpe fo; enyiŋ fo, ye se edade eti fi, edɔŋ nnyin ke ukpɔŋ.

ISAIAH 4:3

Ndien ama ekem, owo eke ɔsuhɔde ke Zion, eke enyuŋ ekpɔŋde ke Jerusalem, eyekere edisana, kpa kpukpru owo emi ewetde enim enɔ uwem ke Jerusalem.

ISAIAH 50:10

Anie ke otu mbufo abak Jehovah, okop uyo owo esie? Yak owo eke asaŋade ke ekim, ndien minyeneke uŋwana, ɔbuɔt idem esie ke enyiŋ Jehovah, onyuŋ ebere edem ye Abasi esie.

ISAIAH 65:6

Jehovah ɔdɔhɔ ete, Sese, emewet enye ke iso mi: ndidopke uyo, ibɔhɔke ini nsosio usiene, nsosio mme idiɔk ido mbufo, ye eke mme idiɔk ido mme ete mbufo, ini kiet, nsin mmɔ ke ikpanesit;

JEREMIAH 31:18

Ŋkokop nte Ephraim atuade idem esie, ete, Afo ɔkɔtunɔ mi, ndien ŋkop; ntunɔ, nte abak enaŋ eke mimeheke: kabare mi, ndien nyekabare; koro afo Jehovah edide Abasi mi,

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

EZEKIEL 9:4

Ndien Jehovah ɔdɔhɔ enye, ete, Saŋa ke ufɔt obio, ke ufɔt Jerusalem be; nyuŋ nim idiɔŋɔ ke ɔkpɔ-iso mmɔ eke esemede enyuŋ etuade ebaŋa kpukpru mbubiam ido emi mmɔ enamde ke ufɔt esie.

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

DANIEL 7:10

Ikaŋ oto enye ke iso ewet nte akpa mmɔŋ: tɔsin tɔsin ke itie tɔsin enam ŋkpɔ enɔ enye; tɔsin duop ke itie tɔsin duop enyuŋ eda enye ke iso: enim ikpe, enyuŋ ekubɔre ŋwed.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MALACHI 4:2

Ndien utin edinen ido asiaha ɔnɔ mmɔ: se inamde itɔŋ uwem ɔsɔŋɔ onyuŋ odu enye ke mba; ndien mbufo eyewɔŋɔ ekefrɔ nte nditɔ-enaŋ ŋkuhɔ.

LUKE 2:38

Enye onyuŋ oduk edi kpa idaha oro, ɔkɔm Abasi, onyuŋ etiŋ abaŋa Eyen oro ɔnɔ kpukpru owo emi etiede ebet erifak Jerusalem.

UTOM MME APOSTLE 1:13

Ndien ke ini mmɔ edukde ufɔk, mmɔ edɔk eka ke ubet enyɔŋ ke ɔtɔ nduŋ mmɔ, kpa ɔtɔ nte Peter ye John ye James ye Andrew, ye Philip ye Thomas, ye Bartholomew ye Mathew, ye James eyen Alphaeus, ye Simon Zealot, ye Judas eyen James eduŋɔde do.

UTOM MME APOSTLE 10:2

Ndien enye edi owo emi eteŋede Abasi onyuŋ abakde Abasi ye ofuri ufɔk esie, onyuŋ ɔnɔde mme ubuene ediwak ŋkpɔ-mfɔn, onyuŋ ɔbɔŋde akam ɔnɔ Abasi kpukpru ini.

UTOM MME APOSTLE 2:1

EKEM ke ini osimde usen Pentecost, kpukpru mmɔ edu ɔtɔ kiet.

UTOM MME APOSTLE 9:31

Ntre ke ufɔk Abasi ke ofuri Judaea ye Galilee ye Samaria okut ifure, onyuŋ ɔkɔri ke uwem Abasi; mbon Ufɔk Abasi enyuŋ esaŋa ke uteŋe Jehovah ye ke ndɔŋesit Edisana Spirit, enyuŋ etɔt eti-eti.

ŊWED MBON EPHESUS 5:19

Eda psalm ye hymn ye ikwɔ spirit eneme nneme ye kiet eken, ekwɔ enyuŋ enam edinem uyom ke esit mbufo enɔ Ɔbɔŋ.

1 ŊWED THESSALONICA 5:11

Mmɔdo mbufo esɔŋɔ kiet eken esit, enyuŋ enam kiet eken ɔkɔri, kpa nte mbufo enanam.

1 ŊWED THESSALONICA 5:14

Edu ke emem ke ufɔt mbufo. Imonyuŋ ikpe ye mbufo, nditɔ-ete, esua enɔ mmɔ eke esaŋade otime-otime, esɔŋɔ mbon iduɔ-esit idem, ekama mbon mmem-idem, enyene anyan ime ye kpukpru owo.

MME HEBREW 10:24

eyak nnyin inyuŋ ikere nte ikpedemerede kiet eken inɔ ima ye nti utom;

MME HEBREW 12:15

Etim ese mbak owo ekededi editaba mfɔn Abasi; mbak oruŋ eke edide ndot-ndot editibe otimere mbufo, onyuŋ asabare ediwak owo ke otu mbufo;

MME HEBREW 3:13

Edi enɔ kiet eken item kpukpru usen adaŋa nte ini ekerede mfin mbak, idiɔk-ŋkpɔ edida abiaŋa esie ɔsɔŋ owo ekededi ke otu mbufo esit:

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 20:12

Ndien ŋkut mme akpa-mkpa, ikpɔ ye ŋkpri, nte edade ke iso ebekpo. Ndien ekibɔre mme ŋwed; enyuŋ ekibɔre mme ŋwed mme ŋwed eŋwen, emi edide ŋwed uwem; enyuŋ eda se ewetde esin ke ŋwed oro ekpe ikpe mme akpa-mkpa, nte ekemde ye se mmɔ ekenamde.