MALACHI 3:13 - Edisana ñwed Abasi Ibom

¹³ Jehovah ɔdɔhɔ ete, Mbufo emesɔŋɔ uyo ye ami. Ndien mbufo ke ebup, ete, nnyin idɔhɔ didie idian fi?

MALACHI 3:13 ပူးပေါင်းရင်းမြစ်များ

ŊWED JOB 15:13

Eke esinde fi akabare esit fo asua Abasi, onyuŋ ayakde oruk ikɔ ntem ɔwɔrɔ ke inua fo?

ŊWED JOB 40:8

Nte afo ediwuhɔre ikpe mi? anam ikpe otip mi, man etebe fi?

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

EXODUS 5:2

Ndien Pharaoh ɔdɔhɔ ete, Jehovah edi anie, eke ŋkopde uyo esie, nnyuŋ nyak Israel eka?

ISAIAH 3:8

Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.

ISAIAH 37:23

Afo okosuŋi onyuŋ esuene anie? okonyuŋ emenere uyo fo ke enyɔŋ, onyuŋ emenere enyin fo ke enyɔŋ abaŋa anie? Ke abaŋa Edisana Abasi Israel.

ISAIAH 46:12

Mbufo mme ɔsɔŋ-esit, emi ekpɔŋde edisana ido anyan usuŋ, ekop uyo mi:

ISAIAH 5:19

“Yak enye awara, yak ɔsɔp ubɔk anam utom esie, man nnyin ikut: yak uduak Edisana Abasi Israel onyuŋ asaŋa edikpere, man nnyin ifiɔk!”

JEREMIAH 44:18

Edi toto ke ini nte nnyin iketre ndifɔp ŋkpɔ nnɔ ɔbɔŋ-aŋwan ikpa-enyɔŋ, nnyuŋ ŋwaŋa uwa ediŋwɔŋ ŋkpɔ nnɔ enye, kpukpru ŋkpɔ enana nnyin, nnyin inyuŋ isobo ke ofut ye ke biɔŋ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

EZEKIEL 18:25

Ndien mbufo ke edɔhɔ ete, “Usuŋ Ɔbɔŋ inenke.” O ufɔk Israel, mbufo ekop, mbɔk; nte usuŋ mi inenke? Nte idige usuŋ mbufo inenke?

EZEKIEL 35:13

Ntre ke mbufo ebre mbre enɔ mi ke inua mbufo, enyuŋ ewak nditiŋ ikɔ mbufo mbaŋa mi: ami mmokop.

HOSEA 7:16

Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

MALACHI 2:14

Koro Jehovah edide ntiense ke ufɔt fo ye ŋwan uyen fo, emi afo abiaŋade enye, okposuk edi nte enye edi nsaŋa fo ye ŋwan ediomi fo.

MALACHI 2:17

Mbufo emefek Jehovah ke ikɔ mbufo: ndien mbufo edɔhɔ ete, Nnyin ifek enye ke nso? Koro mbufo edɔhɔde ete, Kpukpru mmɔ eke enamde idiɔk efɔn ke iso Jehovah, mmɔ enyuŋ enem enye esit: edɔhɔ ete, Abasi ikpe odu mmɔŋ?

MALACHI 3:12

Ndien kpukpru mme idut eyenyuŋ ebat ete ke ɔfɔn ye mbufo: koro mbufo eyedi isɔŋ inemesit, Jehovah mme udim ɔdɔhɔ.

MALACHI 3:14

Mbufo ke edɔhɔ ete, Ndinam ŋkpɔ Abasi ɔwɔrɔ ikpikpu: nnyin inyuŋ ikut nso udori, koro inimde item esie, inyuŋ isaŋade mfuhɔ-mfuhɔ ke iso Jehovah mme udim?

MALACHI 3:8

Nte owo okpotuk Abasi, koro mbufo etukde mi? Ndien mbufo edɔhɔ ete, Nnyin ikotuk fi ke nso? Ke ɔyɔhɔ mbak ŋkpɔ duop ye ke edimenere uwa.

ŊWED MBON ROME 9:20

Edi afo edi anie, O owo, emi ɔbɔrɔde adian Abasi ntem? Nte ŋkpɔ eke ebotde ekeme ndidɔhɔ andibot enye ete, Nsinam afo okobotde mi ntem?

2 ŊWED THESSALONICA 2:4

eyen nsobo, kpa enye emi ɔbiɔŋɔde Abasi, onyuŋ emenerede idem onim kenyɔŋ ɔbiɔŋɔ kpukpru se ekotde Abasi enyuŋ etuakde ibuot enɔ; tutu enye etie ke temple Abasi osio idem owut, ete idi Abasi.