MALACHI 3:11 - Edisana ñwed Abasi Ibom

¹¹ Ndien nyeduat andita nnɔ mbufo, ndien enye idibiatke aba mbuŋwum iŋwaŋ mbufo: vine ke iŋwaŋ idinyuŋ iforoke ayara inɔ mbufo, Jehovah mme udim ɔdɔhɔ.

MALACHI 3:11 ပူးပေါင်းရင်းမြစ်များ

JEREMIAH 8:13

Ke edi Jehovah ɔdɔhɔ. Jehovah ɔdɔhɔ ete, Nyesobo mmɔ eti-eti; baba mfri ididuhe ke vine, baba fig idinyuŋ iduhe ke eto fig, ikɔŋ eyenyuŋ eyemere: ndien nyeda mmɔ nnɔ mmɔ eke esaŋade ebe mmɔ.

HOSEA 2:21

Jehovah ɔdɔhɔ ete, Ndien ama ekem ke usen oro, nyeyere, nyeyere enyɔŋ, ndien enyɔŋ eyeyere isɔŋ;

JOEL 1:12

Vine amasat: eto fig ŋko etie meŋe-meŋe: pomegranate, ye eyop ŋko, ye apple, kpa kpukpru eto iŋwaŋ, emesat; koro idara asatde ke otu nditɔ owo.

JOEL 1:4

Ŋkukuŋkpɔyɔriyɔ ata se idiaŋ ɔsuhɔde; ŋkuku onyuŋ ata se ŋkukuŋkpɔyɔriyɔ ɔsuhɔde; itut onyuŋ ata se ŋkuku ɔsuhɔde.

JOEL 1:7

Enye abiat vine mi, onyuŋ obuŋ eto fig mi: osio enye ofuri ikpɔk, onyuŋ emen ɔduɔk; mmɔ enam ŋkɔk esie efia.

JOEL 2:20

Ndien nyesio idut edem edere mfep ŋkpɔŋ mbufo anyan usuŋ, nnyuŋ mbin enye nsin ke edisat ye ikpikpu isɔŋ, iso esie eyese inyaŋ edem usiaha-utin, edem esie eyenyuŋ ese inyaŋ edem usop-utin, ndien utebe esie eyedɔk, uŋwak esie eyenyuŋ ɔdɔk, koro enye anamde ikpɔ ŋkpɔ.

JOEL 2:22

O mme unam ikɔt, mbufo ekufehe, koro mbiet wilderness afiaride: koro eto osioŋo mfri esie, eto fig ye vine enɔ odudu mmɔ.

JOEL 2:25

Ndien nyenɔ mbufo usiene mme isua oro ŋkukuŋkpɔyɔriyɔ ye ŋkuku ye itut ye idiaŋ eketade, akwa udim mi emi ŋkɔdɔŋde ekɔŋ ke ɔtɔ mbufo.

AMOS 4:9

Ŋkada nda-eyo ye mfut mmia mbufo eti-eti; ŋkukuŋkpɔyɔriyɔ ata mbuŋwum iŋwaŋ-esa mbufo, ye iŋwaŋ-vine mbufo, ye fig mbufo, ye mme olive mbufo: edi mbufo ifiakke itiene mi; uyo Jehovah edi emi.

HABAKKUK 3:17

Koro eto fig midiseheke, baba mfri midinyuŋ iduhe ke mme vine: mbuŋwum olive eyenyuŋ okpu, iŋwaŋ idi-nyuŋ idukke udia; ŋkpri ufene eyetre ke ebiet ufene, baba enaŋ kiet idinyuŋ iduhe ke ufɔk enaŋ.

HAGGAI 1:11

Ami nnyuŋ ŋkot nda-eyo, nte anam isɔŋ, ye ikpɔ obot, ye ibokpot, ye obufa wine, ye aran, ye se isɔŋ odukde, ye owo, ye ufene, ye ofuri utom ubɔk owo.

HAGGAI 2:17

Ŋkada nda-eyo ye mfut ye edim-itiat mmia mbufo, kpa kpukpru se ubɔk mbufo enamde; edi mbufo isehe mi, ke edi uyo Jehovah.

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

DEUTERONOMY 11:14

ndien nyenɔ edim isɔŋ mbufo ke ekem ini, akpa edim ye ekpere-edem, man afo obon ibokpot fo, ye obufa wine fo, ye aran fo.