MALACHI 3:1 - Edisana ñwed Abasi Ibom

¹ SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MALACHI 3:1 ပူးပေါင်းရင်းမြစ်များ

ŊWED MME PSALM 110:1

JEHOVAH ɔdɔhɔ ye Ɔbɔŋ mi, ete, “Tie mi ke ubɔk nnasia, tutu nda mme asua fo nnim fi ke udorukot.”

EXODUS 23:20

Sese, ami mmɔŋ ndɔŋ angel ebem fi iso, nte ekpeme fi ke usuŋ, onyuŋ ada fi aka ke ebiet emi ŋkonimde.

EXODUS 23:21

Kpeme idem fo bak enye, nyuŋ kop uyo esie, kuyat enye esit: koro enye midifenke mme idiɔk ido mbufo: koro enyiŋ mi odude enye ke idem.

ISAIAH 40:10

Sese, Ɔbɔŋ Jehovah eyeda odudu edi, ubɔk esie eyenyuŋ akara ɔnɔ enye: sese, utip esie odu ye enye, ŋkpɔ-eyen-utom onyuŋ odu enye ke iso.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

HAGGAI 1:13

Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.

MALACHI 2:4

Ndien mbufo eyefiɔk ete ke ami nnɔ ewuhɔ emi esɔk mbufo, man ediomi mi okpodu ye Levi, Jehovah mme udim ɔdɔhɔ.

MALACHI 2:7

Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MALACHI 4:5

Sese, ami nyedɔŋ prophet Elijah utom ke ɔtɔ mbufo, ke akwa ye ndik-ndik usen Jehovah mika-idige kaŋa:

MATTHEW 11:14

Ndien edieke mbufo enyimede ndikop, emi edi Elijah emi enyenede ndidi.

LUKE 1:76

Edi afo, eyen mi, eyekere prophet Andikoŋ-ŋkan: Koro afo eyebem Ɔbɔŋ iso ndidiɔŋ usuŋ Esie;

LUKE 19:47

Ndien Enye ekekpep mmɔ ŋkpɔ ke usen ke usen ke temple. Edi ikpɔ oku ye mme scribe ye mme etubom-mbio-obio eyom usuŋ nte ekpowotde Enye;

LUKE 2:11

koro Andinyaŋa, emi edide Christ Ɔbɔŋ, amana ɔnɔ mbufo mfin ke obio David.

LUKE 2:38

Enye onyuŋ oduk edi kpa idaha oro, ɔkɔm Abasi, onyuŋ etiŋ abaŋa Eyen oro ɔnɔ kpukpru owo emi etiede ebet erifak Jerusalem.

LUKE 2:46

Edikem ke usen ita ema ekebe, mmɔ ekut Enye ke temple, nte etiede ke ufɔt mme andikpep, akpaŋ utɔŋ okop se mmɔ etiŋde, onyuŋ obup mmɔ mbume:

UTOM MME APOSTLE 19:4

Mmɔ ete, ke esit baptism John. Paul ɔdɔhɔ ete, John okonim owo baptism erikabare esit, onyuŋ ɔdɔhɔ mbio-obio ete, ebuɔt idem ye Enye emi etienede imɔ ke edem, oro edi, Jesus.

UTOM MME APOSTLE 7:38

Enye edi owo oro asaŋade ye angel emi ekenemede nneme ye enye ke Obot Sinai odu ke esop ke desert ye mme ete nnyin: enye onyuŋ ɔbɔ mme odu-uwem ikɔ ɔsɔk nnyin: