MALACHI 2:7 - Edisana ñwed Abasi Ibom

⁷ Koro mkpɔk-inua oku ekpekpeme ifiɔk, owo ekpenyuŋ ebup mkpɔk-inua esie ewuhɔ: koro enye edide isuŋ-utom Jehovah mme udim.

MALACHI 2:7 ပူးပေါင်းရင်းမြစ်များ

2 NDIDEM 16:11

Ndien Urijah oku anam itie-uwa, etie kpa nte eke kpukpru se edidem Ahaz eketiede ke Damascus otobo enye: ntem ke Urijah oku anam, ke edidem Ahaz mika-itoho ke Damascus idi.

2 NDIDEM 16:16

Ndien Urijah oku anam kpukpru se edidem Ahaz eketemede.

2 CHRONICLES 30:22

Ndien Hezekiah ɔdɔhɔ ufan-ufan ye kpukpru mme Levite eke etimde efiɔk eti ifiɔk ŋkpɔ Jehovah: ndien mmɔ edia usɔrɔ ke usen itiaba, ewa uwa ekɔm, enyuŋ etoro Jehovah Abasi mme ete mmɔ.

2 CHRONICLES 31:4

Enye onyuŋ ɔdɔhɔ mmɔ eke eduŋde ke Jerusalem, ete enɔ udeme mme oku ye eke mme Levite, man mmɔ esɔŋɔ emum ido Jehovah ekama.

EZRA 7:10

Koro Ezra okowukde esit esie ndiduŋɔ ŋwed ibet Jehovah, nnyuŋ nnam, nnyuŋ nteme ewuhɔ ye ikpe ke Israel.

EZRA 7:25

Ndien afo Ezra, da ifiɔk Abasi fo emi odude fi ke idem, nim mme ebierikpe, ye mme ekpe-ikɔ eke edikpede ikɔ kpukpru owo emi edude ke edem akpa oko, kpa kpukpru owo eke efiɔkde mbet Abasi fo, ndien mbufo esian mmɔ eke mifiɔkke.

MME ŊKE 5:2

Man afo ekpeme nti ekikere, man mkpɔk-inua fo ŋko enim ifiɔk.

ECCLESIASTES 5:5

Ɔfɔn nte etrede ndikaŋa, akan nte akaŋade, ndien etre ndinɔ.

ISAIAH 42:19

Anie edi nnan ke mibɔhɔke owo mi? Anie edi inan nte isuŋ mi emi ndɔŋde enye utom? Anie edi nnan nte enye emi ɔfɔnde ama, ye nnan nte owo Jehovah?

ISAIAH 44:26

edi enye ɔsɔŋɔ owuk ikɔ owo esie, onyuŋ anam item mme isuŋutom esie ɔwɔrɔ; emi ɔdɔhɔde Jerusalem, ete, Eyeduŋ enye ke esit; ɔdɔhɔ mme obio Judah, ete, Eyebɔp mmɔ, ami nyenyuŋ ndiɔŋ ŋwure esie:

JEREMIAH 15:19

Mmɔdo ntem ke Jehovah ɔdɔhɔ, ete, Edieke afo afiakde edi, nyeda fi mfiak ndien, afo eyeda ke iso mi: ndien edieke afo osiode ŋkpɔ-uto ke ŋkpɔ ndek efep, afo eyekabare nte inua mi. Mmɔ eyefiak etiene fi; edi afo udufiakke utiene mmɔ.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

EZEKIEL 22:26

Mme oku esie emebiat mbet mi, enyuŋ esabare ndisana ŋkpɔ mi: mmɔ idianakede ŋkpɔ Abasi ye ŋkpɔ owo inim isio; inyuŋ idiɔŋɔke se idehede ye se isanade; mmɔ enyuŋ ebɔp enyin mmɔ ebaŋa mme sabbath mi; ami nnyuŋ ntie nte ŋkpɔ ndek ke otu mmɔ.

EZEKIEL 7:26

Idiɔk eyetiene idiɔk; etop eyenyuŋ ɔkɔrɔ ke etop; ndien mmɔ eyeyom ŋkukut prophet: ewuhɔ oku eyenyuŋ atak, ye item mbio-owo.

DANIEL 11:33

Ndien mbon ɔniɔŋ ke otu mbio-obio eyeteme ediwak owo: ndien mmɔ eyeduɔŋɔ ke ofut, ye ke edem-ikaŋ, ye ke ntaŋ-mfep, ye ke mbume, ediwak usen.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

LEVITICUS 10:11

man enyuŋ ekpep nditɔ Israel kpukpru mme ewuhɔ emi Jehovah ɔkɔdɔhɔde mmɔ ke ubɔk Moses.

ZEPHANIAH 3:4

Mme prophet esie edi mbon ŋkimidem ye mbon mbubik; mme oku eise esabare edisana ŋkpɔ: mmɔ ebiat ibet.

HAGGAI 1:13

Ndien Haggai isuŋutom Jehovah ada uyo Jehovah ɔdɔhɔ kpukpru owo, ete, Ami ndu ye mbufo, edi uyo Jehovah.

ZECHARIAH 7:3

enyuŋ edɔhɔ mme oku emi edude ke ufɔk Jehovah mme udim, ye mme prophet ŋko, ete, Nte nyesuk ntua eyet ke ɔyɔhɔ ɔfiɔŋ ition, nnyuŋ ndianare idem mi mfep, nte ŋkanamde ediwak isua emi?

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

NUMBERS 27:21

Ndien enye edida ke iso Eleazar oku, emi edibupde ŋkpɔ ke ido Urim ke iso Jehovah enɔ enye: ndien mmɔ edida uyo esie ewɔrɔ, enyuŋ eda uyo esie eduk, enye, ye kpukpru nditɔ Israel ŋko, kpa ofuri esop.

JOHN 13:20

Ke akpanikɔ ke ndɔhɔ mbufo, Owo eke adarade isuŋ ekededi eke ndidɔŋde adara Mi; ndien owo eke adadare Mi adara Enye emi ɔkɔdɔŋde Mi.

JOHN 20:21

Jesus ɔtɔŋɔ ntak ɔdɔhɔ mmɔ ete, Emem osuk odu ye mbufo. Nte Ete okosiode Mi ɔdɔŋ, kpa ntre ke Ami nnyuŋ nsio mbufo ndɔŋ.

UTOM MME APOSTLE 16:17

Enye etiene Paul ye nnyin ke edem, ofiori ete, Mmɔ emi edi ikɔt Abasi Andikoŋ-ŋkan, emi ekwɔrɔde usuŋ erinyaŋa enɔ mbufo.

2 ŊWED CORINTH 5:20

Ntre ke nnyin idi mme isuŋutom emi edide ke enyiŋ Christ, nte ŋkpɔ eke Abasi adade nnyin ekpe ye mbufo; imekpe mbufo ubɔk ke ibuot Christ, ekabare etie ke emem ye Abasi.

ŊWED MBON GALATIA 4:14

ndien se ikpedide ŋkpɔ iduɔ inɔ mbufo ke obukidem mi, mbufo ikesehe ke ndek, inyuŋ isinke; edi mbufo ekadara mi nte angel Abasi, nte Christ Jesus.

DEUTERONOMY 21:5

ndien yak mme oku, nditɔ Levi, esaŋa ekpere: koro Jehovah Abasi fo ama emek mmɔ ndinam ŋkpɔ esie, nnyuŋ nda enyiŋ Jehovah ndiɔŋ owo; ndien kpukpru ikpe ye kpukpru ufene eyenyuŋ esaŋa ke uyo mmɔ:

DEUTERONOMY 24:8

Tiŋ enyin ke udɔŋɔ akpa-mfia, man afo otim ekpeme, onyuŋ anam kpukpru se mme oku, kpa mme Levite, editemede mbufo: kpa nte ŋketemede mmɔ, kpa ntre ke mbufo edikpeme ndinam.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

1 SAMUEL 2:17

Ntre ke idiɔk ido mkparawa oro ekpon ekan ke iso Jehovah: koro mmɔ esinde mbon oro ese uwa Jehovah ke ndek.