MALACHI 2:17 - Edisana ñwed Abasi Ibom

¹⁷ Mbufo emefek Jehovah ke ikɔ mbufo: ndien mbufo edɔhɔ ete, Nnyin ifek enye ke nso? Koro mbufo edɔhɔde ete, Kpukpru mmɔ eke enamde idiɔk efɔn ke iso Jehovah, mmɔ enyuŋ enem enye esit: edɔhɔ ete, Abasi ikpe odu mmɔŋ?

MALACHI 2:17 ပူးပေါင်းရင်းမြစ်များ

ŊWED JOB 34:17

Nte owo eke asuade se inende ŋko edida ubɔŋ? Nte afo onyuŋ ekeme ndinam ikpe otip eti ye ɔkpɔsɔŋ owo?

ŊWED JOB 34:36

Mmoyom nte ekpedomode Job ekure, ebaŋa ibɔrɔ esie ke otu mme idiɔk owo.

ŊWED JOB 36:17

Ndien ikpe idiɔk owo ɔyuhɔ fi: ikpe ye ufen emum kiet eken.

ŊWED JOB 9:24

Eda ererimbot esin mme idiɔk owo ke ubɔk: enye ofuk mme ebierikpe esie iso; midige enye, edi anie ndien?

ECCLESIASTES 8:11

Koro miwarake ndinɔ idiɔk owo ufen, oro esin nditɔ owo esɔŋ esit ke idem mmɔ enam idiɔk.

ISAIAH 1:14

Ukpɔŋ mi asasua mbufa ɔfiɔŋ mbufo, ye ini esop mbufo: mmɔ emekabare edobi mi; mmobiom mmɔ tutu ŋkpa mba.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 43:22

Ndien afo, O Jacob, usemeke ukot mi: koro ami mfekde fi, O Israel.

ISAIAH 43:24

Afo ukedepke mbɔkɔk ke okuk unɔ mi, ukonyuŋ uyuhɔke mi ke ikpɔŋ mme uwa fo; afo emesin mi nnam ŋkpɔ ke mme idiɔk ido fo ikpɔŋ-ikpɔŋ, omonyuŋ ada mme ukwaŋ-ŋkpɔ fo efek mi.

ISAIAH 7:13

Ndien enye ɔdɔhɔ ete, Mbufo, ufɔk David, ekop ndien; nte erifek owo ekekpri akan mbufo, mme oro esin mbufo efek Abasi mi ŋko?

JEREMIAH 12:1

O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?

JEREMIAH 15:6

Jehovah ɔdɔhɔ, ete, Afo ɔmɔkpɔŋ mi, amafiak edem: ndien nyenyan ubɔk mi ntuk fi, nnyuŋ nsobo fi; mkpɔfiɔk efek mi.

JEREMIAH 17:15

Sese, mmɔ edɔhɔ mi ete, Ikɔ Jehovah odu mmɔŋ? Yak enye edi ndien.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

EZEKIEL 16:43

ntre ke ami nditie suŋ, ndinyuŋ nyatke aba esit. Koro afo mutihi usen uyen fo, edi ɔtɔhɔ ye ami ke kpukpru ŋkpɔ emi; ndien, sese, ami ŋko nyeda usuŋ fo ndori fi ke ibuot, Ɔbɔŋ Jehovah ɔdɔhɔ; ndien afo udunyuŋ unamke oburobut ido emi ukɔrɔ ke kpukpru mbubiam fo.

EZEKIEL 18:25

Ndien mbufo ke edɔhɔ ete, “Usuŋ Ɔbɔŋ inenke.” O ufɔk Israel, mbufo ekop, mbɔk; nte usuŋ mi inenke? Nte idige usuŋ mbufo inenke?

EZEKIEL 8:12

Ndien enye obup mi, ete, Eyen owo, nte afo omokut se mbiowo Israel enamde ke ekim, kpukpru kiet kiet ke ubet mbiet ŋkpɔ mmɔ? koro mmɔ edɔhɔde, ete, Jehovah ikwe nnyin; Jehovah ɔmɔkpɔŋ edem emi.

EZEKIEL 9:9

Ndien enye ɔdɔhɔ mi, ete, Idiɔk ido ufɔk Israel ye Judah omokpon eti-eti; iyip onyuŋ ɔyɔhɔ ke isɔŋ emi; ndek onyuŋ ɔyɔhɔ ke obio: koro mmɔ edɔhɔde ete, Jehovah ɔmɔkpɔŋ isɔŋ emi, Jehovah inyuŋ ikwe.

AMOS 2:13

Sese, ami mmɔŋ mmiŋ mbufo nsin ke idak, kpa nte ukpat-ŋkpɔ eke ebek eyɔhɔde ke esit emiŋde.

ZEPHANIAH 1:12

Ndien ama ekem ke ini oro, nyeda utuenikaŋ nduŋɔre Jerusalem, nnyuŋ nda ufen nnɔ mmɔ eke esɔrɔde ke ntak mmɔ: eke edɔhɔde ke esit mmɔ, ete, Jehovah idinamke eti ŋkpɔ, idinyuŋ inamke idiɔk.

MALACHI 2:14

Koro Jehovah edide ntiense ke ufɔt fo ye ŋwan uyen fo, emi afo abiaŋade enye, okposuk edi nte enye edi nsaŋa fo ye ŋwan ediomi fo.

MALACHI 3:8

Nte owo okpotuk Abasi, koro mbufo etukde mi? Ndien mbufo edɔhɔ ete, Nnyin ikotuk fi ke nso? Ke ɔyɔhɔ mbak ŋkpɔ duop ye ke edimenere uwa.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

1 SAMUEL 2:3

Mbufo ekukɔbɔ nditiŋ iseri-iseri; ekuyak isa-isa ikɔ ɔwɔrɔ mbufo ke inua: koro Jehovah edi Abasi ifiɔk, enye onyuŋ odomo ido