MALACHI 2:14 - Edisana ñwed Abasi Ibom

¹⁴ Koro Jehovah edide ntiense ke ufɔt fo ye ŋwan uyen fo, emi afo abiaŋade enye, okposuk edi nte enye edi nsaŋa fo ye ŋwan ediomi fo.

MALACHI 2:14 ပူးပေါင်းရင်းမြစ်များ

GENESIS 2:18

Ekem Jehovah Abasi ete, Ke ifɔnke owo ndidu ikpɔŋ; nyenam andinyaŋa ekem ye enye.

GENESIS 31:50

Ekpedi nte afo ɔdiɔkde ye nditɔ-iban mi, onyuŋ adade iban efen ɔkɔrɔ ye nditɔ-iban mi, idige owo odu ye nnyin: se, Abasi edi ntiense ke

MME ŊKE 2:17

Eke ɔkpɔŋde nsaŋa uyen esie, onyuŋ efrede ediomi Abasi esie.

MME ŊKE 30:20

Usuŋ aŋwan efibe etie ntre; enye adia, ndien ɔkwɔhɔre inua esiemɔ, ndien ɔdɔhɔ ete, “Nnamke idiɔk ido.”

MME ŊKE 5:20

Ndien, eyen mi, esen aŋwan edinam didie ɔyuhɔ fi, afo edinyuŋ anam didie afat ikpanesit aŋwan idut?

ECCLESIASTES 9:9

Afo ye ŋwan emi afo amade, dia uwem kpukpru usen ikpikpu uwem fo, emi Enye ɔnɔde fi ke idak utin, kpa kpukpru usen ikpikpu uwem fo: koro enye emi edide udeme fo ke uwem, ye ke utom fo eke afo anamde ke idak utin.

IKWƆ SOLOMON 1:15

Sese, O ŋwan ima mi, afo emeye: sese, afo emeye; enyin fo edi ibiom.

ISAIAH 54:6

Koro Jehovah okotde fi, kpa nte ŋwan eke owo ɔduɔkde, eke esit onyuŋ ɔduɔde enye, ye nte ŋwan eyen, ke esiode enye, Abasi fo ɔdɔhɔ.

ISAIAH 58:3

“Nnyin inam didie itre udia, ndien afo mukwe? ituk ukpɔŋ nnyin, ndien afo mufiɔkke?” Sese, mbufo ekut inemesit ke usen utre-udia mbufo, enyuŋ ekpak ofuri utom mbufo.

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

JEREMIAH 42:5

Ndien mmɔ edɔhɔ Jeremiah, ete, Yak Jehovah edi ata akpan ntiense akpanikɔ ke ufɔt nnyin, ete ke nnyin iditreke ndinam kpukpru ikɔ emi Jehovah Abasi fo ɔdɔŋde fi utom ke ɔtɔ nnyin abaŋa.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 9:2

Ŋkpakam nnyene ataya mbon-isaŋ ke desert; ndien ŋkpɔkpɔŋ ikɔt mi, nnyuŋ ndaha ke ebiet mmɔ: koro kpukpru mmɔ edide mme esin efibe, ye esop mbon abiaŋa.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

MICAH 1:2

Mbufo kpukpru owo ekop! O isɔŋ, ye se iyɔhɔde ke esit, mbufo ekpaŋ utɔŋ! ndien yak Ɔbɔŋ Jehovah edi ntiense abaŋa mbufo, kpa Ɔbɔŋ ke edisana temple esie.

MALACHI 2:15

Ndien nte Enye ikanamke kierakiet? Ndien spirit ɔsuhɔ ɔnɔ Enye. Ndien anam didie edi kiet oro? Enye okoyom ubon Abasi. Mbufo ekpeme ndien spirit mbufo, owo baba kiet okunyuŋ abiaŋa ŋwan uyen esiemɔ.

MALACHI 3:5

Ndien ami nyesaŋa ŋkpere mbufo ke ikpe, nnyuŋ nnim owowo ntiense mbaŋa mbia-idiɔŋ ye mme esin efibe, ye mmɔ eke eŋwɔŋɔde nsu, ye mmɔ eke etukde anam-utom ke utip esie, etuk ebe-akpa ye eyen-akpa, emi enyuŋ efikde esen owo, ndien mibakke mi, Jehovah mme udim ɔdɔhɔ.

MALACHI 3:8

Nte owo okpotuk Abasi, koro mbufo etukde mi? Ndien mbufo edɔhɔ ete, Nnyin ikotuk fi ke nso? Ke ɔyɔhɔ mbak ŋkpɔ duop ye ke edimenere uwa.

JUDGES 11:10

Ndien mbiowo Gilead edɔhɔ Jephthah, ete, Jehovah edi ntiense ke ufɔt nnyin, edieke nnyin minamke ntre ke uyo fo.

1 SAMUEL 12:5

Ndien enye ɔdɔhɔ mmɔ ete, Jehovah edi ntiense ye mbufo, edidem esie onyuŋ edi ntiense mfin emi, ete ke mbufo ikwe baba ŋkpɔ kiet ke ubɔk mi. Ndien mmɔ edɔhɔ ete, Ntiense.