MALACHI 2:10 - Edisana ñwed Abasi Ibom

¹⁰ Nte nnyin kpukpru inyeneke ete kiet? nte idige Abasi kiet okobot nnyin? Nsinam nnyin ibiaŋade kiet eken, ke ibiat ediomi mme ete nnyin?

MALACHI 2:10 ပူးပေါင်းရင်းမြစ်များ

NEHEMIAH 13:29

O Abasi mi, ti mmɔ, koro mmɔ esabarede itie oku, ye ediomi itie oku, ye eke mme Levite.

ŊWED JOB 31:15

Nte idige andinam mi ke idibi akanam enye? Nte idige kiet okobot nnyin ke itie-eyen?

ŊWED MME PSALM 100:3

Mbufo efiɔk ete ke edi Jehovah edi Abasi; edi enye akanam nnyin, ndien nnyin inyene enye, ikɔt esie, ye ufene emi enye ɔbɔkde.

EXODUS 19:4

Mbufo emekut se ŋkenamde Egypt, ye nte ŋkadade mba ntrukpom mmen mbufo ŋkama nnyuŋ nda mbufo ndi ke ebiet mi.

EXODUS 19:5

Mmɔdɔ edieke mbufo miditreke ndikop uyo mi, nnyuŋ nnim ediomi mi, mbufo eyedi ndien akpan inyene mi ekan kpukpru obio: koro ofuri ererimbot edide okim.

EXODUS 24:3

Ekem Moses emen kpukpru ikɔ Jehovah, ye kpukpru mme item emi, edi editiŋ ɔnɔ kpukpru owo: ndien kpukpru owo ebɔrɔ uyo kiet, ete, Nnyin iyenam kpukpru ikɔ emi Jehovah ɔkɔdɔhɔde.

EXODUS 24:7

Ndien enye emen ŋwed ediomi eketiŋ ke utɔŋ kpukpru owo: ndien mmɔ edɔhɔ ete, Nnyin iyenam, inyuŋ ikop kpukpru se Jehovah ɔdɔhɔde.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 43:15

Ami ndi Jehovah, Edisana Abasi mbufo, andibot Israel, edidem mbufo.

ISAIAH 43:7

kpa kpukpru mmɔ eke ekerede enyiŋ mi: ndien mmanam enye mbaŋa ubɔŋ mi, mbot enye, ŋkɔm mmanam enye.

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 51:2

Mbufo ese Abraham ete mbufo, ye Sarah emi akamande mbufo: koro enye edide kierakiet ke ini ŋkotde enye, nnyuŋ ndiɔŋ enye, nnyuŋ nnam enye awak.

ISAIAH 63:16

Koro afo edide ete nnyin; koro Abraham mifiɔkke nnyin, Israel midinyuŋ idiɔŋɔke nnyin. Afo, O Jehovah, edi ete nnyin; andifak nnyin edi enyiŋ fo ke nsinsi.

ISAIAH 64:7

Ndien baba owo kiet iduhe eke okotde fi enyiŋ, onyuŋ edemerede idem esie ete imum fi ikama: koro afo omodip nnyin iso fo, onyuŋ anam nnyin itak ke mme idiɔk ido nnyin.

ISAIAH 64:8

Ke emi, ndien, O Jehovah, afo edi ete nnyin; nnyin idi mbat-eso, ndien edi afo andibot nnyin; nnyin kpukpru inyuŋ idi se ubɔk fo akanamde.

JEREMIAH 31:9

Mmɔ eyetua eyet edi: nyenyuŋ nda mmɔ usuŋ ke mkpe-ubɔk: nyeda mmɔ ŋka idim mmɔŋ, nsaŋa ke edinen usuŋ, mmɔ ididuɔŋɔke ke esit: koro ami ndide ete Israel, Ephraim onyuŋ edi akpan mi.

EZEKIEL 33:24

Eyen owo, mme andiduŋ ndon emi ke isɔŋ Israel edɔhɔ ete, Abraham ekedi kierakiet, ndien ada isɔŋ emi; ndien nnyin idi ediwak; emeda isɔŋ enɔ nnyin inyene.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MALACHI 2:11

Judah anam abiaŋa, owo enyuŋ enam mbubiam ke Israel ye ke Jerusalem; koro Judah amabiat edisana ŋkpɔ Jehovah emi enye amade, onyuŋ ɔdɔ eyen esen abasi kiet.

MALACHI 2:8

Edi mbufo emekpɔŋ usuŋ; emenam ediwak owo eduɔŋɔ ke mbet; emebiat ediomi Levi, Jehovah mme udim ɔdɔhɔ.

MATTHEW 10:21

Eyen-eka enyeyuŋ ada eyen-eka ɔnɔ mkpa, ete eyenyuŋ ɔnɔ eyen esie: nditɔ eyenyuŋ edaha eŋwana ye mme ete ye mme eka mmɔ, enyuŋ esin ewot mmɔ.

MATTHEW 22:16

Ndien mmɔ esio mbet mmɔ ye mme Herodian edɔŋ ke ɔtɔ Esie, ete, Andikpep, nnyin imɔfiɔk ite Afo edi akpanikɔ, onyuŋ ekpep owo usuŋ Abasi ke akpanikɔ, unyuŋ ukereke owo; koro Afo uteŋeke owo enyin.

MATTHEW 3:9

ekunyuŋ ekere ndidɔhɔ ke esit mbufo, ete, Ŋkɔm nnyin imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

LUKE 1:73

Uŋwɔŋɔ oro Enye ɔkɔŋwɔŋɔde ɔnɔ Abraham ete nnyin,

LUKE 3:8

Esioŋo naŋa ndien mfri eke odotde erikabare esit; ekunyuŋ etɔŋɔ ndidɔhɔ ke esit mbufo ete, Ŋkɔm imenyene Abraham ke ete: koro ndɔhɔ mbufo nte, Abasi emekeme ndinam mme itiat emi edaha eda edi nditɔ Abraham.

JOHN 8:39

Mmɔ ebɔrɔ Enye ete, Ete nnyin edi Abraham. Jesus ɔdɔhɔ mmɔ ete, Edieke mbufo ekpedide nditɔ Abraham, mbufo ekpanam ubɔk-utom Abraham.

JOHN 8:41

Mbufo enanam ubɔk-utom ete mbufo. Mmɔ ete Enye, Nnyin idige nditɔ akpara: nnyin inyene ete kiet kpɔt kpa Abasi.

JOHN 8:53

Nte Afo omokpon akan ete nnyin Abraham, emi ama akpa? mme prophet ema enyuŋ ekpaŋa: Afo ononim idem ete idi anie?

JOHN 8:56

Ete mbufo Abraham akadat esit ndikut eyo Mi; enye okokut onyuŋ adat esit.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

UTOM MME APOSTLE 17:25

owo inyuŋ idaha ubɔk inam ŋkpɔ inɔ Enye, nte emi Enye anande ŋkpɔ; koro edi Enye ɔnɔ kpukpru owo uwem, ye ibifik, ye kpukpru ŋkpɔ:

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

UTOM MME APOSTLE 7:2

Ndien Stephen ɔdɔhɔ ete, Nditɔ-ete ye mme ete, ekpaŋ utɔŋ. Abasi emi enyenede ubɔŋ owut ete nnyin Abraham Idem Esie, ke ini enye odude ke Mesopotamia, ke enye miduŋke ke Haran kaŋa;

UTOM MME APOSTLE 7:26

Ke usen eŋwen ŋko, enye ɔbiɔŋɔre owo iba ke iso nte mmɔ eŋwanade eŋwan, ndien ɔdɔŋ enye ndinam mmɔ etɔŋɔ ntak etie ke emem; ntre ke enye ete, Mbufo edi nditɔ-ete; nsinam mbufo enamde kiet eken se mifɔnke?

ŊWED MBON ROME 4:1

NSO ndien ke nnyin ididɔhɔ ibaŋa Abraham, emi edide akwa ete nnyin ke obukidem?

ŊWED MBON ROME 9:10

Ikureke adaŋoro; edi Rebecca ŋko okoyomo idibi ɔnɔ owo kiet kpa ete nnyin Isaac;

1 ŊWED CORINTH 8:6

Nnyin imenyene Abasi kiet kpɔt, emi edide Ete, emi kpukpru ŋkpɔ etode Enye ewɔŋɔ, emi nnyin inyuŋ idude uwem inɔ Enye: imonyuŋ inyene Ɔbɔŋ kiet, kpa Jesus Christ, emi otode Enye ke kpukpru ŋkpɔ edu, onyuŋ otode Enye ke nnyin idu.

ŊWED MBON EPHESUS 4:25

Mmɔdo eduɔk nsu, mbufo kpukpru enyuŋ etiŋ akpanikɔ enɔ mbɔhiduŋ esie: koro nnyin idide mbak idem kiet eken.

ŊWED MBON EPHESUS 4:6

Abasi kiet odu, kpa Ete kpukpru owo, emi akarade kpukpru owo, onyuŋ ɔyɔhɔde ke kpukpru owo, onyuŋ odu ke esit kpukpru owo.

1 ŊWED THESSALONICA 4:6

Owo baba kiet okubiat ewuhɔ, otuk eyen-ete esie ke ŋkpɔ emi; koro Ɔbɔŋ eyesio usiene ke kpukpru idiɔk-ŋkpɔ emi, nte nnyin ikebemde iso idɔhɔ inyuŋ itim iteme mbufo.

MME HEBREW 12:9

Akan oro, nnyin imenyene mme ete obukidem emi eketunɔde nnyin, ndien nnyin iteŋe mmɔ: nte nnyin idisukke ibuot inɔ Ete mme spirit ikan, inyuŋ idu uwem?

JOSHUA 24:3

Ndien ŋkada ete mbufo Abraham ke edem akpa oko, nnyuŋ nda enye nsaŋa ke ofuri isɔŋ Canaan, nnyuŋ nnam ubon esie ewak ndien nnɔ enye Isaac.