MALACHI 1:7 - Edisana ñwed Abasi Ibom

⁷ Mbufo ke ediɔk edidehe uyo ke itie-uwa mi; ndien mbufo edɔhɔ ete, Nnyin ida nso isabare fi? Koro mbufo edɔhɔde, ete, Okpokoro Jehovah edi obukpo.

MALACHI 1:7 ပူးပေါင်းရင်းမြစ်များ

EZEKIEL 41:22

Ndien itie-uwa eto edi ibio-idomo-okuk ita ke idaha, uniɔŋ esie onyuŋ edi ibio-idomo-okuk iba; ndien inuk esie, ye uniɔŋ esie, ye ibibene esie edi eto. Ndien enye ɔdɔhɔ mi, ete, Emi edi okpokoro emi odude ke iso Jehovah.

EZEKIEL 44:16

Edi mmɔ ediduk ke edisana ebiet mi, onyuŋ edi mmɔ edisaŋa ekpere okpokoro mi, edinam ŋkpɔ enɔ mi, edinyuŋ esaŋa utom mi.

LEVITICUS 2:11

Baba uwa udia eke mbufo edidade esɔk Jehovah, okusine leaven; koro mbufo ekufɔp baba leaven, mme aran-ɔkwɔk, ke uwa ikaŋ Jehovah.

LEVITICUS 21:6

Yak mmɔ edi edisana ikɔt Abasi mmɔ, ekunyuŋ ebiat enyiŋ Abasi mmɔ: koro edi mmɔ edi mme awa uwa ikaŋ Jehovah, ye uyo Abasi mmɔ: yak mmɔ edi edisana ndien.

LEVITICUS 21:8

Nam enye edi edisana ndien: koro edide enye edi awa uyo Abasi fo: nim enye ke edisana: koro ami Jehovah, emi nnamde mbufo esana, ndi edisana.

LEVITICUS 3:11

Ndien oku edifɔp enye ke itie-uwa: udia eke efɔpde enɔ Jehovah.

MALACHI 1:12

Edi mbufo ke ebiat enye: koro edɔhɔde ete, Okpokoro Jehovah emedehe, ndien mfri esie, kpa udia esie, edi obukpo.

MALACHI 1:13

Mbufo enyuŋ edɔhɔ, ete, Sese, ke efek owo didie! Mbufo enyuŋ ebat enye ke mbio, Jehovah mme udim ɔdɔhɔ; mbufo enyuŋ eda ŋkpɔ ŋkanubɔk, ye mbuŋɔ, ye se idɔŋɔde, edi, enyuŋ eda inuak-udia edi: nte nyenyime ndibɔ enye ke ubɔk mbufo? Jehovah ɔdɔhɔ.

MALACHI 1:8

Ndien ke ini mbufo edade nnan edi ediwa, nte idiɔkke? Ndien ke ini mbufo edade mbuŋɔ ye eke ɔdɔŋɔde udɔŋɔ edi, nte idiɔkke? Da enye naŋa sɔk ɔbɔŋ fo; nte enye edinem esit ye afo? Nte enye edinyuŋ okpono iso fo? Jehovah mme udim ɔdɔhɔ.

1 ŊWED CORINTH 10:21

Mbufo ikemeke ndiŋwɔŋ cup Ɔbɔŋ ye cup mme demon. Mbufo ikemeke nditiene ndiaŋkpɔ ke okpokoro Ɔbɔŋ, nnyuŋ ndia ke okpokoro mme demon.

DEUTERONOMY 15:21

Edi enye ama obiomo ndo, edide mbuŋɔ, onyuŋ edide nnan, mme ama obiomo idiɔk ndo ekededi, kuwa enye unɔ Jehovah Abasi fo.