MALACHI 1:14 - Edisana ñwed Abasi Ibom

¹⁴ Edi osuk ɔdɔdiɔk ɔnɔ owo abiaŋa, eke ayara odude ke otu ufene esie, ndien enye akaŋa, onyuŋ awa obukpo ŋkpɔ ɔnɔ Ɔbɔŋ: koro ami ndide akwa edidem, enyiŋ mi onyuŋ enyene ndik ke otu mme idut. Jehovah mme udim ɔdɔhɔ.

MALACHI 1:14 ပူးပေါင်းရင်းမြစ်များ

GENESIS 27:12

edi ami ndi ɔfiɔn owo: ndusuk ete mi eyefiɔŋɔ mi idem, ndien nyetie nte owo abiaŋa ke enyin esie; ndien nyeda isuŋi nnɔ

2 SAMUEL 24:24

Ndien edidem ɔdɔhɔ Araunah, ete, Ih ih; edi nyebɔ fi ke ekɔm-urua; ndinyuŋ mfɔpke edifɔp uwa nnɔ Jehovah Abasi mi ke se mikpaha mi baba okuk kiet. Ndien David edep ɔtɔ ubek ibokpot oro, ye mme enaŋ ke shekel silver aba ye duop.

ŊWED MME PSALM 102:16

Koro Jehovah ɔdiɔŋde Zion; enye ɔmɔbiɔŋɔre ke ubɔŋ esie.

ŊWED MME PSALM 47:2

Koro Jehovah, Ata Edikoŋ, enyenede ndik: enye edi akwa edidem ke ofuri ererimbot.

ŊWED MME PSALM 47:3

Enye eyenam kpukpru owo emem isin enɔ nnyin, onyuŋ ada mme idut edak nnyin ke ikpat.

ŊWED MME PSALM 47:8

Abasi edi edidem mme idut: Abasi ɔmɔsuhɔre etie ke edisana ebekpo esie.

ŊWED MME PSALM 48:2

Obot Zion edi ediye obot, ye idaresit ofuri isɔŋ, ke edem edere-edere, kpa obio akwa edidem.

ŊWED MME PSALM 68:35

O Abasi, afo emenyene ndik ke edisana ebiet fo: ke edi Abasi Israel ɔnɔ ikɔt esie nsɔŋ-idem ye odudu. Ekɔm Abasi.

ŊWED MME PSALM 76:12

Enye esibe ibifik mbɔŋ efep: ndidem ereribot ekpedikhe enye.

ŊWED MME PSALM 95:3

Koro Jehovah edide akwa Abasi ye akwa edidem akan kpukpru mme abasi.

ISAIAH 57:15

Koro emi edi uyo Enye emi okoŋde, onyuŋ emenerede ke enyɔŋ, emi oduŋde ke nsinsi, enyiŋ esie onyuŋ edi edisana, ete, Ami nyeduŋ ke edikoŋ ye edisana ebiet, nyenyuŋ nduŋ ye enye emi otukde onyuŋ ɔsuhɔrede spirit esiemɔ, nte ndemere spirit mmɔ eke esuhɔrede idem mmɔ enim, nnyuŋ ndemere esit mmɔ eke etukde idem mmɔ.

JEREMIAH 10:10

Edi Jehovah edi Abasi akpanikɔ, Abasi uwem, ye nsinsi Edidem: iyaresit esie enyeŋe ererimbot, mme idut inyuŋ ikemeke ndida ifuresit esie.

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

JEREMIAH 48:10

Osuk ɔdɔdiɔk ɔnɔ owo eke edinamde utom Jehovah enyɔŋ-enyɔŋ! onyuŋ osuk ɔdɔdiɔk ɔnɔ owo eke emende ofut esie ke iyip efep!

JEREMIAH 48:15

Moab amabiara, mme obio esie enyuŋ edɔk (ke nsuŋikaŋ), ndimek mkparawa esie enyuŋ esuhɔre ete ekewot mmɔ; emi edi uyo edidem. Jehovah mme udim edi enyiŋ esie.

DANIEL 4:37

Ke emi ami Nebuchadnezzar ŋkɔm nnyuŋ ntoro nnyuŋ ŋkpono Edidem enyɔŋ, emi kpukpru se enye anamde edide akpanikɔ; mme usuŋ esie enyuŋ edi ikpe: ndien enye emekeme ndisuhɔre mmɔ eke esaŋade ke iseri.

DANIEL 9:4

ndien ŋkpe Jehovah Abasi mi ubɔk, nnyuŋ nyarare idiɔk-ŋkpɔ, nnyuŋ ndɔhɔ, nte, Mbɔk, Ɔbɔŋ mi, Akwa Abasi emi enyenede ndik, emi onimde ediomi ye ima ye mmɔ eke emade enye enyuŋ enimde mme ewuhɔ esie.

ZEPHANIAH 2:11

Jehovah enyene ndik akan mmɔ: koro enye eyesobo kpukpru mme abasi ererimbot; ndien kpukpru mme isuo mme idut eyetuak ibuot enɔ enye, kpukpru owo ke ebiet mmɔ.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

MALACHI 1:8

Ndien ke ini mbufo edade nnan edi ediwa, nte idiɔkke? Ndien ke ini mbufo edade mbuŋɔ ye eke ɔdɔŋɔde udɔŋɔ edi, nte idiɔkke? Da enye naŋa sɔk ɔbɔŋ fo; nte enye edinem esit ye afo? Nte enye edinyuŋ okpono iso fo? Jehovah mme udim ɔdɔhɔ.

MALACHI 2:1

NDIEN ke emi ewuhɔ emi enyene mbufo mme oku. Edieke mbufo mikopke,

MALACHI 3:9

Emeda isuŋi esuŋi mbufo: ndien mbufo ofuri idut emi ekutuk mi.

MATTHEW 24:51

eyenyuŋ amia enye akamba ufen, onyuŋ ɔnɔ enye udeme ye mbon mbubik: do ke eritua eyet ye erita edet eyedu.

MATTHEW 5:35

ekutomo isɔŋ, koro isɔŋ edi udori-ukot Esie; ekunyuŋ etomo Jerusalem, koro Jerusalem edi obio akwa Edidem.

MARK 14:8

Enye akanam se ekemede; enye ebem iso eyet Mi ufuɔŋkpɔ ke idem ebeŋe ini eribuk Mi.

LUKE 12:46

ete-ufɔk owo oro eyedi ke usen eke enye midorike enyin, ye ke hour eke enye mifiɔkke, eyenyuŋ amia enye akamba ufen, onyuŋ ɔnɔ enye udeme ke otu mmɔ emi minimke ke akpanikɔ.

2 ŊWED CORINTH 8:12

Koro edieke erinyime esit odude, enem Abasi esit ndibɔ enɔ nte asaŋade ekekem ye se owo enyenede, idige nte ebede ukeme esie.

DEUTERONOMY 28:58

Edieke afo mukpemeke ndinim kpukpru ikɔ mbet emi ewetde ke ŋwed emi, ndinyuŋ mbak enyiŋ ukpono ye ndik emi, JEHOVAH ABASI FO;

1ŊWED TIMOTHY 6:15

emi Abasi ediyararede ke edikem ini; kpa Enye emi edide Andikara, emi enyenede itoro onyuŋ ikpɔŋ-ikpɔŋ adade ubɔŋ, onyuŋ edide Edidem mme edidem ye Ɔbɔŋ mme ɔbɔŋ;

MME HEBREW 12:29

Koro Abasi nnyin edi ikaŋ eke atade ta.

ERIYARARE 15:4

Anie editre nditeŋe Fi, O Ɔbɔŋ, ndinyuŋ nnɔ enyiŋ Fo ubɔŋ? Koro Afo ikpɔŋ edi edisana; Kpukpru mme idut eyenyuŋ edi edituak ibuot ke iso Fo; Koro ndinen ikpe Fo ema eyarare ewut idem.

ERIYARARE 21:8

Edi ama edi mbon esit ndik, ye mmɔ emi minimke ke akpanikɔ, ye mmɔ emi emade mbubiam ido, ye mme owot owo, ye mbon use, ye mbia idiɔŋ, ye mme okpono ndem, ye kpukpru mme osu nsu, udeme mmɔ eyedu ke akwa mkpɔdiɔhɔ emi asakde ye ikaŋ ye brimstone, emi edide udiana mkpa.