MALACHI 1:13 - Edisana ñwed Abasi Ibom

¹³ Mbufo enyuŋ edɔhɔ, ete, Sese, ke efek owo didie! Mbufo enyuŋ ebat enye ke mbio, Jehovah mme udim ɔdɔhɔ; mbufo enyuŋ eda ŋkpɔ ŋkanubɔk, ye mbuŋɔ, ye se idɔŋɔde, edi, enyuŋ eda inuak-udia edi: nte nyenyime ndibɔ enye ke ubɔk mbufo? Jehovah ɔdɔhɔ.

MALACHI 1:13 ပူးပေါင်းရင်းမြစ်များ

2 SAMUEL 24:24

Ndien edidem ɔdɔhɔ Araunah, ete, Ih ih; edi nyebɔ fi ke ekɔm-urua; ndinyuŋ mfɔpke edifɔp uwa nnɔ Jehovah Abasi mi ke se mikpaha mi baba okuk kiet. Ndien David edep ɔtɔ ubek ibokpot oro, ye mme enaŋ ke shekel silver aba ye duop.

ISAIAH 1:12

Ke ini mbufo edide ndiwut mi idem mbufo, anie oyom emi ke ubɔk mbufo, ete edidigi okure mi?

ISAIAH 57:6

Udeme fo odu ke ndɔnɔ (itiat) ebedeŋ; mmɔ mmɔ edi afia fo: afo ama aŋwaŋa ediŋwɔŋ uwa ɔnɔ mmɔ, awa inuak-udia. Nte ekeme ndisuk mi esit ke ŋkpɔ emi?

ISAIAH 61:8

Koro ami Jehovah mmama ikpe, nsasua se edade ke ŋwo; ndien ami nyenɔ mmɔ ŋkpɔ eyen-utom mmɔ ke akpanikɔ, nnyuŋ ndiomi nsinsi ediomi ye mmɔ.

EZEKIEL 4:14

Ndien ndɔhɔ nte, O Ɔbɔŋ Jehovah, sese, ukpɔŋ mi akanam isabakede; ŋkonyuŋ ntaha se ikpade ikpɔŋ, ye se unam awaide, toto ke uyen mi tutu osim emi; ndek-ndek unam akanam inyuŋ idukke mi ke inua.

EZEKIEL 44:31

Mme oku ekuta baba ŋkpɔ kiet eke akpade ikpɔŋ, ye se ewaide, edide inuen, onyuŋ edide ufene.

HOSEA 13:9

O Israel, afo omosobo idem fo: koro afo asuade mi andinyaŋa fi.

LEVITICUS 22:8

Enye okuta se ikpade ikpɔŋ, ye se unam awaide, mbak edisabare idem esie ke esit: ami ndi Jehovah.

LEVITICUS 6:4

ama ekem, adaŋemi enye eduede ntem, onyuŋ enyenede isop, enye enyene ndien ndiyak mbume emi enye obumede, ye ŋkpɔ nnama emi enye akanamde, mme ebuɔt eke ekebuɔtde enye, mme ŋkpɔ emi osopde, emi enye ɔfiɔhɔde:

AMOS 8:5

“Ete, ini ewe ke obufa ɔfiɔŋ edibe, man nnyin inyam ibokpot? Ini ewe ke mme sabbath edibe, man nnyin isioŋo mkpasip” ke enam ephah ekpri, enyuŋ enam shekel okpon, enyuŋ ekwaŋa udomo ŋkpɔ abiaŋa?

MICAH 6:3

O ikɔt mi, nnam mbufo nso ŋkpɔ? Nnyuŋ nda nso mfek mbufo? Mbufo ebɔrɔ ebaŋa mi.

MALACHI 1:10

Anie ke idem otu mbufo edisin itim? Mbufo inyuŋ ibarake ikaŋ ke itie-uwa mi ke ikpikpu. Jehovah mme udim ɔdɔhɔ ete, Mbufo inemke mi esit baba; inuak-udia emi orode mbufo ke ubɔk inyuŋ inemke mi esit.

MALACHI 2:12

Jehovah eyesibe owo eke anamde ntem, owo eke ekpemede ye owo eke eyerede, efep ke mme tent Jacob, ye owo eke adade inuak-udia edisɔk Jehovah mme udim.

MALACHI 2:13

Ndien mbufo ke enam ŋkpɔ emi ŋko, ke eda mmɔŋeyet, ye mmum, ye eseme efuk itie-uwa Jehovah, ndien enye isehe aba inuak-udia, inyuŋ imaŋa aba ndibɔ mbufo ke ubɔk. Ndien mbufo edɔhɔ ete, Nsinam?

MATTHEW 6:16

Edi ke ini mbufo etrede udia, ekunim iso mfuhɔ-mfuhɔ, nte mbio mbubik enamde; koro mmɔ ekpuhɔre iso mmɔ, man owo ekut ete mmɔ ke etre udia. Ke akpanikɔ ke ndɔhɔ mbufo, Mmɔ ema ebɔ utip mmɔ.

MATTHEW 6:5

Ke ini mbufo enyuŋ ebɔŋde akam, ekubiet mbon mbubik: koro mmɔ ema ndida ke mme synagogue ye ke mme inuk efak mbɔŋ akam, ete iwut owo idem. Ke akpanikɔ ke ndɔhɔ mbufo, Mmɔ ema ebɔ utip mmɔ.

DEUTERONOMY 15:21

Edi enye ama obiomo ndo, edide mbuŋɔ, onyuŋ edide nnan, mme ama obiomo idiɔk ndo ekededi, kuwa enye unɔ Jehovah Abasi fo.

1 SAMUEL 2:29

Nsinam mbufo edigide mme uwa mi ke ukot, ye inuak-udia mi, emi ŋkowukde ke ebiet iduŋ mi? Afo omonyuŋ okpono nditɔ fo akan mi ke erinam idem mbufo ekpon ke akpan kpukpru mme uwa Israel ikɔt mi.