LUKE 9:52 - Edisana ñwed Abasi Ibom

⁵² Enye ototim asak iso ese Jerusalem ndika do, onyuŋ ɔdɔŋ mme isuŋutom ebem Enye iso: ndien mmɔ eka ekoduk ke obio-iŋwaŋ Samaria kiet nditim itie nnɔ Enye.

LUKE 9:52 ပူးပေါင်းရင်းမြစ်များ

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

MATTHEW 10:5

Jesus osio owo duopeba emi ɔdɔŋ mmɔ utom, onyuŋ eteme mmɔ ete, Ekuwaha eduk ke usuŋ mme Gentile, ekunyuŋ eduk ke obio mbon Samaria baba kiet;

LUKE 10:1

EKEM ke mme ŋkpɔ emi ema ekebe, Ɔbɔŋ onim owo ata ye duop eŋwen, onyuŋ ɔdɔŋ mmɔ esaŋa iba iba ebem Enye iso, eka ekeduk ke kpukpru obio ye ebiet, eke Enye ke Idem Esie oyomde ndika.

LUKE 10:33

Edi eyen Samaria kiet, emi asaŋade isaŋ, edisim ɔtɔ emi owo oro odude,

LUKE 17:11

Edikem nte mmɔ esaŋade eka Jerusalem, Enye ebe ke adaŋa Samaria ye Galilee.

LUKE 17:16

onyuŋ ɔduɔ okibi iso esie ke isɔŋ ke ukot Jesus, ɔkɔm Enye; ndien enye edi eyen Samaria.

LUKE 7:27

Emi edi enye emi ewetde ebaŋa enye, ete, Sese, mmɔdɔŋ isuŋ Mi ebem Fi iso, Emi edidiɔŋde usuŋ onim ɔnɔ Fi.

JOHN 4:4

Edi ana nte Enye asaŋa ke Samaria ebe.

JOHN 4:5

Ntre ke Enye edisim obio Samaria kiet emi ekerede Sychar, emi ekperede iŋwaŋ oro Jacob ɔkɔnɔde Joseph eyen esie:

JOHN 4:9

Ŋwan-a-Samaria ete Enye, Afo emi edide Jew anam didie ebeŋe mi mmɔŋ, ke ini ndide ŋwan-a-Samaria? (Koro mme Jew misaŋake ŋkpɔ ye mbon Samaria)

JOHN 8:48

Mme Jew ebɔrɔ Enye ete, Nte nnyin ineŋekere idɔhɔ ite Afo edi owo Samaria, idat onyuŋ anam Fi?