LUKE 9:48 - Edisana ñwed Abasi Ibom

⁴⁸ Owo ekededi eke edidarade ekpri eyen ɔwɔŋ emi ke enyiŋ Mi adara Mi: ndien owo ekededi eke edidarade Mi adara Enye emi ɔkɔdɔŋde Mi: koro enye emi ekpride akan ke otu mbufo kpukpru, kpa enye edidi akamba.

LUKE 9:48 ပူးပေါင်းရင်းမြစ်များ

MME ŊKE 18:12

Esit owo okpon, ndien nsobo edi: edi nsukesit ebem ubɔŋ iso.

MATTHEW 18:10

Etiŋ enyin ekusin kiet ke otu ŋkpri nditɔwɔŋ emi ke ndek: koro ndɔhɔ mbufo nte, mme angel mmɔ ke heaven esuk ekut iso Ete Mi emi odude ke Heaven

MATTHEW 18:14

Kpasuk ntre idige uduak Ete mbufo ke heaven ete kiet ke otu ŋkpri nditɔwɔŋ emi akpatak.

MATTHEW 19:28

Edi Jesus ɔdɔhɔ mmɔ ete, Ke akpanikɔ ke ndɔhɔ mbufo nte, ke ini edinamde ŋkpɔ ekabare edi mbufa, ke adaŋemi Eyen Owo editiede ke ebekpo ubɔŋ Esie, mbufo, emi eketienede Mi, eyenyuŋ etie ke ebekpo duopeba, ekpe ikpe enɔ esien Israel duopeba.

MATTHEW 25:40

Ndien Edidem eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo ekanamde ŋkpɔ emi enɔ kiet ke otu nditɔ-ete Mi, kpa ata ŋkpri emi, mbufo ekanam enɔ Mi.

MATTHEW 25:45

Edi Enye eyebɔrɔ mmɔ ete, Ke akpanikɔ ke ndɔhɔ mbufo, Adaŋa nte mbufo mikanamke ŋkpɔ emi inɔ kiet ke otu ata ŋkpri emi, mbufo inamke inɔ Mi.

MARK 9:37

onyuŋ ɔdɔhɔ mmɔ ete, Owo ekededi eke adarade kiet ke otu oruk ŋkpri nditɔwɔŋ emi ke enyiŋ Mi adara Mi: ndien owo ekededi eke adarade Mi, idige Ami ke adadara, edi Enye emi ɔkɔdɔŋde Mi.

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

LUKE 14:11

Koro kpukpru owo eke emenerede idem esie, eyesuhɔre enye enim; ndien owo eke ɔsuhɔrede idem esie, eyemenere enye.

LUKE 22:26

Edi inyeneke ndidi ntre ye mbufo: yak enye emi okponde akan ke otu mbufo akabare etie nte eyenɔwɔŋ; enye emi onyuŋ edide etubom akabare etie nte anam-utom.

LUKE 22:30

kpasuk ntre ke Ami nnyuŋ nnim nnɔ mbufo nte edia ŋkpɔ enyuŋ eŋwɔŋ ŋkpɔ ke okpokoro Mi ke Obio Ubɔŋ Mi; mbufo eyenyuŋ etie ke ebekpo ekpe ikpe enɔ mme esien Israel duopeba.

LUKE 7:28

Ndɔhɔ mbufo nte, Ke otu mmɔ eke iban emande, owo emi okponde akan John iduhe: edi owo emi ekpride akan ke obio ubɔŋ Abasi okpon akan enye.

JOHN 13:20

Ke akpanikɔ ke ndɔhɔ mbufo, Owo eke adarade isuŋ ekededi eke ndidɔŋde adara Mi; ndien owo eke adadare Mi adara Enye emi ɔkɔdɔŋde Mi.

JOHN 14:21

Owo eke enyenede mbet Mi, onyuŋ onimde mmɔ, enye edi owo eke amade Mi: ndien owo eke amade Mi, Ete Mi eyema enye, Ami nyenyuŋ mma enye, nnyuŋ nyarare Idem Min ɔ enye.

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

1 PETER 5:6

Esuhɔre idem ndien ke idak ɔkpɔsɔŋ ubɔk Abasi, man Enye ekpemenere mbufo onim ke enyɔŋ ke edikem ini.

ERIYARARE 21:14

Ibibene obio onyuŋ enyene itiat-idak-isɔŋ duopeba, enyuŋ ewet enyiŋ mme apostle Eyen-erɔŋ duopeba esin ke mme itiat oro.

ERIYARARE 3:21

Owo eke akande, nyenɔ enye nditie ye Ami ke ebekpo Mi, kpa nte Ami ŋkakande, nnyuŋ nsuhɔre ntie ye Ete Mi ke ebekpo Esie.