LUKE 9:43 - Edisana ñwed Abasi Ibom

⁴³ Ndien idem akpa kpukpru mmɔ ndikut ubɔŋ Abasi. Edi ke ini idem akpade kpukpru owo abaŋa kpukpru ŋkpɔ eke Enye anamde, Enye ɔdɔhɔ mbet Esie ete,

LUKE 9:43 ပူးပေါင်းရင်းမြစ်များ

ŊWED MME PSALM 139:14

Nyekɔm fi, koro nyenede ndyɔ ye ndik; se afo anamde edi utibe; ukpɔŋ mi onyuŋ ɔfiɔk enene.

ZECHARIAH 8:6

Ntem ke Jehovah mme udim ɔdɔhɔ, ete, Koro eyedi utibe ŋkpɔ ke enyin mbio emi esuhɔde ke ini oro: nte eyenyuŋ edi utibe ŋkpɔ ke enyin mi? Jehovah mme udim ɔdɔhɔ.

MATTHEW 17:22

Edi ke ini mmɔ esuk esasaŋa ke Galilee, Jesus ɔdɔhɔ mmɔ ete, emɔŋ edida Eyen Owo esin mme owo ke ubɔk, ndien mmɔ eyewot Enye;

MARK 6:51

Ndien Enye etiene mmɔ ediere ke ubom; ndien ofim odobo:

LUKE 18:43

Ndo-ndo oro enye okut usuŋ, onyuŋ etiene Jesus otoro Abasi: kpukpru mbio enyuŋ enɔ Abasi itoro, ke ini mmɔ ekutde ŋkpɔ emi.

LUKE 4:36

Mkpa-idem omum mmɔ kpukpru, mmɔ enyuŋ etiŋ ke otu idem mmɔ ete, Nso oruk ikɔ edi emi? koro Enye adade nsɔŋ-uyo ye odudu owuk ndidehe spirit, ndien mmɔ ewɔŋɔ.

LUKE 5:26

Ndien mkpa-idem omum kpukpru owo, mmɔ enyuŋ etoro Abasi; ndik onyuŋ ɔyɔhɔ mmɔ ke esit, mmɔ enyuŋ edɔhɔ ete, Nnyin imokut mme utibe ŋkpɔ mfin.

LUKE 5:9

Koro idem akpade enye ye mme nsaŋa esie eti-eti, ke utɔ ediwak iyak eke mmɔ ekemumde.

LUKE 8:25

Edi Enye ɔdɔhɔ mmɔ ete, Mbuɔtidem odu mmɔŋ? Ndik omum mmɔ ye mkpa-idem, mmɔ enyuŋ edɔhɔ kiet eken ete, Anie naŋa edi emi? Enye owuk kpa ofim ye mmɔŋ, ndien mmɔ ekop uyo Esie.

LUKE 9:42

Da eyen fo di ken. Edi nte enye asaŋade edi, demon osio enye ɔduɔk ke isɔŋ, onyuŋ esiŋere enye ɔkpɔsɔŋ. Edi Jesus asua ɔnɔ edidehe spirit oro, onyuŋ anam eyen okop nsɔŋidem, onyuŋ ayak enye ɔnɔ ete esie.

2 PETER 1:16

Koro nnyin ikeyireke ikpikpu mbuk, eke owo edade mbufiɔk etibi, ke adaŋemi nnyin inamde mbufo efiɔk odudu ye eridi Ɔbɔŋ nnyin Jesus Christ; edi nnyin ke idem nnyin iketie ise ubom Esie.